Fon Bible - Genesis 20 (Fongbɛ)

Genesis Chapter 20 (Fongbɛ)

Compare with Version:

¹ Ablaxámu gosín Mamulée, bó ɖidó Nɛgɛ́vu, bó yi sá xwé ɖó Kadɛ́ci kpó Cúu kpó tɛ́ntin, bó yi nɔ Geláa.

² ⓖ Đo Geláa dɔ̌n ɔ́, Ablaxámu nɔ ɖɔ Sala ɔ́, nɔví émítɔn wɛ; asi tɔn ka wɛ. Bɔ Abimɛlɛ́ki axɔ́sú Geláa tɔn ɔ́ sɛ́ mɛ dó bɔ è yi zé Sala wá n'i.

³ Énɛ́ ɔ́, Mawu xo dlɔ̌ Abimɛlɛ́ki zǎn mɛ, bó ɖɔ n'i ɖɔ: “Mɛkúkú wɛ a ko nyí ɖo te, ɖó nyɔ̌nu ɖěe a ɖɔ bɔ è yi zé wá nú we ɔ́ wú, ɖó é kó ɖó asú.”

⁴ Abimɛlɛ́ki ka ko ɖó xó xá nyɔ̌nu ɔ́ hwenɛ́nu ǎ; énɛ́ ɔ́, é ɖɔ nú Mawu ɖɔ: “Aklúnɔ, xomɛvɔ́nɔ wɛ mǐ nyǐ; a nǎ sú akɔta xomɛvɔ́nɔ ɔ́ sín kún dó wɛ a?

⁵ Ablaxámu ɖésú wɛ ɖɔ nú mì ɖɔ nɔví émítɔn wɛ, bɔ nyɔ̌nu ɔ́ lɔmɔ̌ yí gbe ná ɖɔ nɔví émítɔn wɛ Ablaxámu nyí. Nǔ e un wa ɔ́, un wa ɖó sɛ́nxwi jí, un hu hwɛ ɖé ǎ.”

⁶ Bɔ Mawu ɖɔ n'i ɖo dlɔ̌ mɛ ɖɔ: “Nyɛ ɖésú tunwun ɖɔ nǔ a wa ɔ́, a wa ɖó sɛ́nxwi jí. Nyɛ wɛ bló bɔ a ma hu hwɛ dó mì ǎ; nǔ e wú un ma lɔn bɔ a ɖǒ alɔ nyɔ̌nu ɔ́ wú ǎ é nɛ́.

⁷ Hǔn din ɔ́, jǒ nyɔ̌nu ɔ́ dó nú nya ɔ́, ɖó gbeyíɖɔ ce wɛ; é ná xo ɖɛ nú we bɔ a nǎ nɔ gbɛ. Amɔ̌, nú a ma jó nyɔ̌nu ɔ́ dó ǎ ɔ́, tunwun ɖɔ a nǎ kú, hwi kpó mɛ towe lɛ́ɛ kpó.”

⁸ Énɛ́ ɔ́, Abimɛlɛ́ki fɔ́n zǎn, bó ylɔ́ gǎn hɔn-yitɔ́ tɔn lɛ́ɛ, lobo wlí xó énɛ́ lɛ́ɛ bǐ ɖɔ nú yě, bɔ xɛsi ɖaxó ɖé jɛ yě jí.

⁹ Abimɛlɛ́ki wá ylɔ́ Ablaxámu, bó kanbyɔ́ ɛ ɖɔ: “Étɛ́ wɛ a wa xá mǐ nɛ́? Nǔ tɛ́ un wa nyi do nú we, bɔ a dǒ nǔ nyanya mɔ̌hunkɔtɔn sin xá nyɛ kpó axɔ́súɖuto ce kpó? Nǔ e è ma ɖó ná wa xá mɛ ǎ wɛ a wa xá mì.

¹⁰ Linlin tɛ́ wɛ a ɖǒ bó wa nǔ gbɔn mɔ̌?”

¹¹ Bɔ Ablaxámu yí gbe n'i ɖɔ: “Un mɔ ɖɔ mɛ e ɖo to élɔ́ mɛ lɛ́ɛ kún ná ɖó sísí ɖěbǔ nú Mawu ó; yě ná hu mì ɖó asi ce wú.

¹² Nú è nǎ ɖɔ ɔ́, nɔví ce wɛ é nyí nǔgbó, ɖó tɔ́ ɖokpó ɔ́ ví wɛ mǐ nyǐ, bó nyí nɔ vovo; amɔ̌, é wá húzú asi ce.

¹³ Hwenu e Mawu ɖɔ nú mì ɖɔ má gosín tɔ́ ce xwé ɔ́, un ɖɔ nú asi ce Sala ɖɔ: ‘Đagbe e a nǎ wa nú mì ɔ́ wɛ nyí ɖɔ mǐ jɛ fí ɖěbǔ hǔn, nɔ ɖɔ nú mɛ lɛ́ɛ ɖɔ nɔví towe wɛ un nyí.’ ”

¹⁴ Ée Ablaxámu ɖɔ mɔ̌ ɔ́, Abimɛlɛ́ki sɔ́ asi tɔn Sala ɔ́ jó n'i, bó ná ɛ gbɔ̌, nyibú, mɛsɛntɔ́ súnnu kpó nyɔ̌nu kpó d'é jí.

¹⁵ Abimɛlɛ́ki ɖɔ nú Ablaxámu ɖɔ: “To ce ɔ́, to towe wɛ; fí ɖěbǔ jló we hǔn, yi nɔ.”

¹⁶ Bó ɖɔ nú Sala ɖɔ: “A mɔ a, gankwɛ́ afatɔ́n (1.000) sɔ́ nú nɔví towe wɛ un ɖe; nǔ e ná ɖe xlɛ́ mɛ towe lɛ́ɛ bǐ ɖɔ a mɛ̌ bǐ ɖo xó énɛ́ ɔ́ mɛ é nɛ́.”

¹⁷ Ablaxámu ka sa vo nú Mawu bɔ é gbɔ azɔn nú Abimɛlɛ́ki kpó asi tɔn kpó, kpó mɛsɛntɔ́ tɔn nyɔ̌nu lɛ́ɛ kpó, bɔ yě lɛ́ jɛ vǐ ji jí.

¹⁸ Đó Mawu Mavɔmavɔ ko zɔ́n bɔ nyɔ̌nu e ɖo Abimɛlɛ́ki sín xwé gbe lɛ́ɛ bǐ húzú wɛnsinɔ, ɖó nǔ e jɛ dó Sala Ablaxámu si ɔ́ jí é wú.

#	Fongbɛ
1	Ablaxámu gosín Mamulée, bó ɖidó Nɛgɛ́vu, bó yi sá xwé ɖó Kadɛ́ci kpó Cúu kpó tɛ́ntin, bó yi nɔ Geláa.
2	ⓖ Đo Geláa dɔ̌n ɔ́, Ablaxámu nɔ ɖɔ Sala ɔ́, nɔví émítɔn wɛ; asi tɔn ka wɛ. Bɔ Abimɛlɛ́ki axɔ́sú Geláa tɔn ɔ́ sɛ́ mɛ dó bɔ è yi zé Sala wá n'i.
3	Énɛ́ ɔ́, Mawu xo dlɔ̌ Abimɛlɛ́ki zǎn mɛ, bó ɖɔ n'i ɖɔ: “Mɛkúkú wɛ a ko nyí ɖo te, ɖó nyɔ̌nu ɖěe a ɖɔ bɔ è yi zé wá nú we ɔ́ wú, ɖó é kó ɖó asú.”
4	Abimɛlɛ́ki ka ko ɖó xó xá nyɔ̌nu ɔ́ hwenɛ́nu ǎ; énɛ́ ɔ́, é ɖɔ nú Mawu ɖɔ: “Aklúnɔ, xomɛvɔ́nɔ wɛ mǐ nyǐ; a nǎ sú akɔta xomɛvɔ́nɔ ɔ́ sín kún dó wɛ a?
5	Ablaxámu ɖésú wɛ ɖɔ nú mì ɖɔ nɔví émítɔn wɛ, bɔ nyɔ̌nu ɔ́ lɔmɔ̌ yí gbe ná ɖɔ nɔví émítɔn wɛ Ablaxámu nyí. Nǔ e un wa ɔ́, un wa ɖó sɛ́nxwi jí, un hu hwɛ ɖé ǎ.”
6	Bɔ Mawu ɖɔ n'i ɖo dlɔ̌ mɛ ɖɔ: “Nyɛ ɖésú tunwun ɖɔ nǔ a wa ɔ́, a wa ɖó sɛ́nxwi jí. Nyɛ wɛ bló bɔ a ma hu hwɛ dó mì ǎ; nǔ e wú un ma lɔn bɔ a ɖǒ alɔ nyɔ̌nu ɔ́ wú ǎ é nɛ́.
7	Hǔn din ɔ́, jǒ nyɔ̌nu ɔ́ dó nú nya ɔ́, ɖó gbeyíɖɔ ce wɛ; é ná xo ɖɛ nú we bɔ a nǎ nɔ gbɛ. Amɔ̌, nú a ma jó nyɔ̌nu ɔ́ dó ǎ ɔ́, tunwun ɖɔ a nǎ kú, hwi kpó mɛ towe lɛ́ɛ kpó.”
8	Énɛ́ ɔ́, Abimɛlɛ́ki fɔ́n zǎn, bó ylɔ́ gǎn hɔn-yitɔ́ tɔn lɛ́ɛ, lobo wlí xó énɛ́ lɛ́ɛ bǐ ɖɔ nú yě, bɔ xɛsi ɖaxó ɖé jɛ yě jí.
9	Abimɛlɛ́ki wá ylɔ́ Ablaxámu, bó kanbyɔ́ ɛ ɖɔ: “Étɛ́ wɛ a wa xá mǐ nɛ́? Nǔ tɛ́ un wa nyi do nú we, bɔ a dǒ nǔ nyanya mɔ̌hunkɔtɔn sin xá nyɛ kpó axɔ́súɖuto ce kpó? Nǔ e è ma ɖó ná wa xá mɛ ǎ wɛ a wa xá mì.
10	Linlin tɛ́ wɛ a ɖǒ bó wa nǔ gbɔn mɔ̌?”
11	Bɔ Ablaxámu yí gbe n'i ɖɔ: “Un mɔ ɖɔ mɛ e ɖo to élɔ́ mɛ lɛ́ɛ kún ná ɖó sísí ɖěbǔ nú Mawu ó; yě ná hu mì ɖó asi ce wú.
12	Nú è nǎ ɖɔ ɔ́, nɔví ce wɛ é nyí nǔgbó, ɖó tɔ́ ɖokpó ɔ́ ví wɛ mǐ nyǐ, bó nyí nɔ vovo; amɔ̌, é wá húzú asi ce.
13	Hwenu e Mawu ɖɔ nú mì ɖɔ má gosín tɔ́ ce xwé ɔ́, un ɖɔ nú asi ce Sala ɖɔ: ‘Đagbe e a nǎ wa nú mì ɔ́ wɛ nyí ɖɔ mǐ jɛ fí ɖěbǔ hǔn, nɔ ɖɔ nú mɛ lɛ́ɛ ɖɔ nɔví towe wɛ un nyí.’ ”
14	Ée Ablaxámu ɖɔ mɔ̌ ɔ́, Abimɛlɛ́ki sɔ́ asi tɔn Sala ɔ́ jó n'i, bó ná ɛ gbɔ̌, nyibú, mɛsɛntɔ́ súnnu kpó nyɔ̌nu kpó d'é jí.
15	Abimɛlɛ́ki ɖɔ nú Ablaxámu ɖɔ: “To ce ɔ́, to towe wɛ; fí ɖěbǔ jló we hǔn, yi nɔ.”
16	Bó ɖɔ nú Sala ɖɔ: “A mɔ a, gankwɛ́ afatɔ́n (1.000) sɔ́ nú nɔví towe wɛ un ɖe; nǔ e ná ɖe xlɛ́ mɛ towe lɛ́ɛ bǐ ɖɔ a mɛ̌ bǐ ɖo xó énɛ́ ɔ́ mɛ é nɛ́.”
17	Ablaxámu ka sa vo nú Mawu bɔ é gbɔ azɔn nú Abimɛlɛ́ki kpó asi tɔn kpó, kpó mɛsɛntɔ́ tɔn nyɔ̌nu lɛ́ɛ kpó, bɔ yě lɛ́ jɛ vǐ ji jí.
18	Đó Mawu Mavɔmavɔ ko zɔ́n bɔ nyɔ̌nu e ɖo Abimɛlɛ́ki sín xwé gbe lɛ́ɛ bǐ húzú wɛnsinɔ, ɖó nǔ e jɛ dó Sala Ablaxámu si ɔ́ jí é wú.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary