Fon Bible - Job 8 (Fongbɛ)

Holy Bible

Search and read the Bible online

Job Chapter 8 (Fongbɛ)

Compare with Version:

¹ Biludádi Cuwáxinu ɔ́ yí xó, bó ɖɔ:

² Xó e wlí ɖɔ nú mǐ wɛ a ɖe nɛ́ lɛ́ɛ ɔ́, fítɛ́ ná yi fó dó wɛ ká ɖe? Xó e ɖo nu towe mɛ tɔ́n sín wɛ suu ɔ́, xó ma ɖó ta e ɖɔ wɛ a ɖe nɛ́ lɛ́ɛ ɔ́, hwetɛ́nu wɛ a nǎ ɖó te?

³ Mawu nɔ kpé ta do nú hwɛjijɔ wɛ a vɛdó a? Nǔbǐwúkpétɔ́ ɔ́ nɔ kpé ta do nú nǔ jlɔ́jlɔ́ wɛ a vɛdó a?

⁴ Hwɛ ɖé wɛ vǐ towe lɛ́ɛ ná ko hu dó e, bɔ é ná ko ɖo axɔ́ tɔn sú yě wɛ.

⁵ Amɔ̌, hwɛ ɔ́, nú a ba Mawu ɔ́, nú a sa vo nú Nǔbǐwúkpétɔ́ ɔ́,

⁶ nú a nɔ wa nǔ ɖó sɛ́nxwi jí, bó nɔ́ wa nǔ jlɔ́jlɔ́ ɔ́, é ná kpé nukún wǔ we, bó ná sɔ́ we ɖó tɛn towe mɛ.

⁷ Énɛ́ ɔ́, a nǎ mɔ ɖɔ nǔ ná wá nyɔ́ nú émí hú lě e é kó ɖe gbɔn nú émí ɖ'ayǐ é.

⁸ Ba do nú nǔnywɛ́ e mɛ e ko jɛ nukɔn nú mǐ lɛ́ɛ ɖó é, bó hɛn kplɔ́n e yě yí ɔ́ dó ayi mɛ ganjí,

⁹ ɖó sɔví wɛ mǐ nyí, mǐ tunwun nǔɖé ǎ; gbɛzán mǐtɔn ɖo ayǐkúngban jí fí ɔ́ yɛ wɛ, bó ɖo wǐwá yi wɛ.

¹⁰ A nǎ yí nǔnywɛ́ ɖo nǔnywɛ́ e mɛ e ko jɛ nukɔn nú mǐ lɛ́ɛ ɖó ɔ́ mɛ; kplɔ́n e yě yǐ ɖo gbɛzán yětɔn mɛ ɔ́ ná kplɔ́n nǔ we:

¹¹ “Tɔkágo nɔ́ wú ɖo ayǐ xúxú jí ǎ, tɔ mɛ jɛ́n ná nyí; fɛ́n nɔ́ wú ɖo agě jí ǎ, tɔgba mɛ jɛ́n ná nyí.

¹² Fɛ́n e má ko su ǎ ɔ́, fɛ́n e má kó zin ǎ ɔ́ ba sin kpo ɔ́, é nɔ́ yá wǔ xú jɛ nukɔn nú gběhan ɖě lɛ́ɛ.”

¹³ Nǔ e nɔ́ gbo mɛ e nɔ wɔn Mawu lɛ́ɛ bǐ é nɛ́; mɛ e ma ɖo gbejí nú Mawu ǎ lɛ́ɛ ɔ́, lě e nukúnɖíɖó yětɔn ná fó gbɔn ɔ́ nɛ́.

¹⁴ Nǔ e wú yě ɖeji dó ɔ́, avɔkan wɛ; é nɔ́ lín wɛ́n ǎ, gǎnjɛwú yětɔn ɔ́, yɛglétete dɔ́ wɛ; é nɔ́ lín wɔ ǎ.

¹⁵ Yě gán jɛ yɛglétete dɔ́ wú, é ká nɔ te ǎ; yě zunfán syɛ́nsyɛ́n, é ká wɔ.

¹⁶ Yě cí atín e ɖo hwesivɔ́ gbe, bó ɖo mǔ fɛɛn ɔ́ ɖɔhun, ala tɔn lɛ́ɛ vun dó jikpá e mɛ é ɖe ɔ́ ta nu.

¹⁷ Atín ɔ́ dó ɖɔ do ɖo awǐnnyakan mɛ, bɔ ɖɔ tɔn lɛ́ɛ gbɔn só glɔ́ só glɔ́.

¹⁸ Lo ɔ́, nú è hɔn atín ɔ́ sín tɛn e mɛ é ɖe ɔ́, mɛ ɖěbǔ sɔ́ nɔ́ tunwun ɖɔ é kó nɔ fínɛ́ kpɔ́n ǎ.

¹⁹ Mɛ e wɔn Mawu lɛ́ɛ ɔ́, nǔnyɔ́númɛ yětɔn ɔ́, lě e é nɔ́ fó gbɔn ɔ́ nɛ́, bɔ atín ɖěvo lɛ́ɛ nɔ́ lɛ́ wú ɖo tɛn yětɔn mɛ.

²⁰ Mɛ e wú è ma nɔ mɔ nǔjɛdo ɖé ɖɔ dó ǎ ɔ́, Mawu nɔ́ gbɛ́ wǎn n'i ǎ; é nɔ́ nɔ mɛdídá lɛ́ɛ jí ǎ.

²¹ É ná bló bɔ a nǎ ko nǔ, bó ná nɔ́ ɖo awǎjijɛ sín han lɛ́ɛ ji wɛ.

²² Winnyá ná hu kɛntɔ́ towe lɛ́ɛ; mɛdídá lɛ́ɛ sín nɔtɛn ná bú.

#	Fongbɛ
1	Biludádi Cuwáxinu ɔ́ yí xó, bó ɖɔ:
2	Xó e wlí ɖɔ nú mǐ wɛ a ɖe nɛ́ lɛ́ɛ ɔ́, fítɛ́ ná yi fó dó wɛ ká ɖe? Xó e ɖo nu towe mɛ tɔ́n sín wɛ suu ɔ́, xó ma ɖó ta e ɖɔ wɛ a ɖe nɛ́ lɛ́ɛ ɔ́, hwetɛ́nu wɛ a nǎ ɖó te?
3	Mawu nɔ kpé ta do nú hwɛjijɔ wɛ a vɛdó a? Nǔbǐwúkpétɔ́ ɔ́ nɔ kpé ta do nú nǔ jlɔ́jlɔ́ wɛ a vɛdó a?
4	Hwɛ ɖé wɛ vǐ towe lɛ́ɛ ná ko hu dó e, bɔ é ná ko ɖo axɔ́ tɔn sú yě wɛ.
5	Amɔ̌, hwɛ ɔ́, nú a ba Mawu ɔ́, nú a sa vo nú Nǔbǐwúkpétɔ́ ɔ́,
6	nú a nɔ wa nǔ ɖó sɛ́nxwi jí, bó nɔ́ wa nǔ jlɔ́jlɔ́ ɔ́, é ná kpé nukún wǔ we, bó ná sɔ́ we ɖó tɛn towe mɛ.
7	Énɛ́ ɔ́, a nǎ mɔ ɖɔ nǔ ná wá nyɔ́ nú émí hú lě e é kó ɖe gbɔn nú émí ɖ'ayǐ é.
8	Ba do nú nǔnywɛ́ e mɛ e ko jɛ nukɔn nú mǐ lɛ́ɛ ɖó é, bó hɛn kplɔ́n e yě yí ɔ́ dó ayi mɛ ganjí,
9	ɖó sɔví wɛ mǐ nyí, mǐ tunwun nǔɖé ǎ; gbɛzán mǐtɔn ɖo ayǐkúngban jí fí ɔ́ yɛ wɛ, bó ɖo wǐwá yi wɛ.
10	A nǎ yí nǔnywɛ́ ɖo nǔnywɛ́ e mɛ e ko jɛ nukɔn nú mǐ lɛ́ɛ ɖó ɔ́ mɛ; kplɔ́n e yě yǐ ɖo gbɛzán yětɔn mɛ ɔ́ ná kplɔ́n nǔ we:
11	“Tɔkágo nɔ́ wú ɖo ayǐ xúxú jí ǎ, tɔ mɛ jɛ́n ná nyí; fɛ́n nɔ́ wú ɖo agě jí ǎ, tɔgba mɛ jɛ́n ná nyí.
12	Fɛ́n e má ko su ǎ ɔ́, fɛ́n e má kó zin ǎ ɔ́ ba sin kpo ɔ́, é nɔ́ yá wǔ xú jɛ nukɔn nú gběhan ɖě lɛ́ɛ.”
13	Nǔ e nɔ́ gbo mɛ e nɔ wɔn Mawu lɛ́ɛ bǐ é nɛ́; mɛ e ma ɖo gbejí nú Mawu ǎ lɛ́ɛ ɔ́, lě e nukúnɖíɖó yětɔn ná fó gbɔn ɔ́ nɛ́.
14	Nǔ e wú yě ɖeji dó ɔ́, avɔkan wɛ; é nɔ́ lín wɛ́n ǎ, gǎnjɛwú yětɔn ɔ́, yɛglétete dɔ́ wɛ; é nɔ́ lín wɔ ǎ.
15	Yě gán jɛ yɛglétete dɔ́ wú, é ká nɔ te ǎ; yě zunfán syɛ́nsyɛ́n, é ká wɔ.
16	Yě cí atín e ɖo hwesivɔ́ gbe, bó ɖo mǔ fɛɛn ɔ́ ɖɔhun, ala tɔn lɛ́ɛ vun dó jikpá e mɛ é ɖe ɔ́ ta nu.
17	Atín ɔ́ dó ɖɔ do ɖo awǐnnyakan mɛ, bɔ ɖɔ tɔn lɛ́ɛ gbɔn só glɔ́ só glɔ́.
18	Lo ɔ́, nú è hɔn atín ɔ́ sín tɛn e mɛ é ɖe ɔ́, mɛ ɖěbǔ sɔ́ nɔ́ tunwun ɖɔ é kó nɔ fínɛ́ kpɔ́n ǎ.
19	Mɛ e wɔn Mawu lɛ́ɛ ɔ́, nǔnyɔ́númɛ yětɔn ɔ́, lě e é nɔ́ fó gbɔn ɔ́ nɛ́, bɔ atín ɖěvo lɛ́ɛ nɔ́ lɛ́ wú ɖo tɛn yětɔn mɛ.
20	Mɛ e wú è ma nɔ mɔ nǔjɛdo ɖé ɖɔ dó ǎ ɔ́, Mawu nɔ́ gbɛ́ wǎn n'i ǎ; é nɔ́ nɔ mɛdídá lɛ́ɛ jí ǎ.
21	É ná bló bɔ a nǎ ko nǔ, bó ná nɔ́ ɖo awǎjijɛ sín han lɛ́ɛ ji wɛ.
22	Winnyá ná hu kɛntɔ́ towe lɛ́ɛ; mɛdídá lɛ́ɛ sín nɔtɛn ná bú.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary