| 1 |
Mi kpa Mawu Mavɔmavɔ! Nǔ nyɔ́ nú mɛ e nɔ ɖó sísí nú Mawu Mavɔmavɔ é, mɛ e nǔ e é zɔ́n lɛ́ɛ wiwa nɔ́ víví ná é. |
|
| 2 |
Vǐ tɔn lɛ́ɛ ná nyí tonukún ɖo to ɔ́ mɛ, ɖó Mawu nɔ xo ɖɛ dó ayijlɔ́jlɔ́nɔ jí. |
|
| 3 |
Mɛ mɔ̌hun ɔ́, nǔɖókan kpó dɔkun kpó nɔ́ ɖo xwé tɔn gbe, é nɔ́ nyí hwɛjijɔnɔ tɛgbɛ ɖo Mawu nukɔn. |
|
| 4 |
Hwenu e kɛ́ mɛ nɔ́ dó ablu dó mɛ ɔ́, wěziza ɖé nɔ́ hɔ́n nú ayijlɔ́jlɔ́nɔ. É nyɔ́ xomɛ, mɛ nú nɔ blá wǔ n'i, hwɛjijɔnɔ wɛ. |
|
| 5 |
É nyɔ́ ɖɔ gbɛtɔ́ ní nɔ hun alɔ bó nɔ́ nya nǔ nú mɛ, é nyɔ́ ɖɔ gbɛtɔ́ ní nɔ wa nǔ tɔn lɛ́ɛ bǐ lě e sɛ́n ɔ́ ɖɔ gbɔn é. |
|
| 6 |
Mɛ e nɔ wa nǔ gbɔn mɔ̌ ɔ́ nɔ́ jɛ ayǐ gbeɖé ǎ; è nǎ nɔ flín i tɛgbɛ. |
|
| 7 |
É nɔ́ ɖo xɛsi jí ɖɔ wɛn nyanya ná wá din ǎ, ayixa tɔn nɔ jɛ ayǐ, bɔ é nɔ́ ɖeji dó Mawu Mavɔmavɔ wú. |
|
| 8 |
É nɔ́ lí dǒ, é nɔ́ ɖi xɛsi ǎ, é ɖó gǎnjɛwú ɖɔ émí ná mɔ kɛntɔ́ sín ayǐjijɛ. |
|
| 9 |
ⓔ É nɔ́ hun alɔ dó ná nǔ mɛ, é nɔ́ ná nǔ wamamɔnɔ lɛ́ɛ, é nɔ́ nyí hwɛjijɔnɔ ɖo Mawu nukɔn tɛgbɛ, hlɔ̌nhlɔ́n tɔn nɔ ɖo jijɛ jí wɛ kpó susu kpó. |
|
| 10 |
Mɛdídá nɔ́ mɔ ɛ, bɔ xomɛ nɔ sin i; é nɔ́ ɖu aɖǔkún bɔ é nɔ́ mɛ dó wǔ tɔn. Nǔ e é nɔ́ lin é bǐ nɔ cí xo tɔn mɛ. |
|
Arabic
French
Spanish
Portuguese
Deutsch
Turkish
Dutch
Italiano
Russian
Romaian
Portuguese (Brazil)
Greek