Fon Bible - Psalms 47 (Fongbɛ)

Psalms Chapter 47 (Fongbɛ)

Compare with Version:

Previous Chapter

Next Chapter

¹ Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ.

² Togun lɛ́ɛ mi, mi bǐ mi xo kpɛ́ nú Mawu! Mi sú xó bó kpa Mawu kpó awǒbóbó kpó.

³ Đó Mawu Mavɔmavɔ, Mawu Ajalɔ̌nlɔn ɔ́ dó xɛsi; é wɛ nyí axɔ́sú ɖaxó e ɖo ayǐkúngban ɔ́ bǐ jí é.

⁴ É fɔ togun lɛ́ɛ dó acɛ mǐtɔn mɛ; é fɔ akɔta lɛ́ɛ dó afɔ mǐtɔn glɔ́.

⁵ É sɔ́ to e nyí mǐ Jakɔ́bu ví lɛ́ɛ tɔn ɔ́ nú mǐ, bɔ é nyí susu nú mǐ, mǐ Jakɔ́bu ví e é yí wǎn ná lɛ́ɛ. Agbɔ̌n

⁶ Mawu ɖo kpó fán wɛ xwe xwé tɔn gbe[5] kpó awǒbóbó kpó. Mawu Mavɔmavɔ ɖo afɔ ɖe wɛ, bɔ è ɖo lanzo kwín d'é mɛ wɛ.

⁷ Mi ɖɔ xó lómílómí dó mlá Mawu dó han mɛ! Mi ɖɔ xó lómílómí dó mlá ɛ! Mi ɖɔ xó lómílómí dó mlá axɔ́sú mǐtɔn dó han mɛ! Mi ɖɔ xó lómílómí dó mlá ɛ!

⁸ Đó Mawu wɛ nyí axɔ́sú ayǐkúngban ɔ́ bǐ tɔn. Mi ɖɔ xó lómílómí dó ji han víví n'i.

⁹ Mawu wɛ ɖu axɔ́sú ɖo akɔta lɛ́ɛ nu; é jínjɔ́n ayǐ ɖo axɔ́súzinkpo mímɛ́ tɔn jí.

¹⁰ Gǎn akɔta lɛ́ɛ tɔn lɛ́ɛ nɔ́ wá sɛ ta kplé xá togun Mawu Ablaxámu tɔn ɔ́ tɔn. Gǎnhúnǔtɔ́ e ɖo gbɛmɛ fí lɛ́ɛ bǐ wɛ nyí Mawu tɔn, é wɛ hú gǎn nǔ bǐ.

#	Fongbɛ
1	Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ.
2	Togun lɛ́ɛ mi, mi bǐ mi xo kpɛ́ nú Mawu! Mi sú xó bó kpa Mawu kpó awǒbóbó kpó.
3	Đó Mawu Mavɔmavɔ, Mawu Ajalɔ̌nlɔn ɔ́ dó xɛsi; é wɛ nyí axɔ́sú ɖaxó e ɖo ayǐkúngban ɔ́ bǐ jí é.
4	É fɔ togun lɛ́ɛ dó acɛ mǐtɔn mɛ; é fɔ akɔta lɛ́ɛ dó afɔ mǐtɔn glɔ́.
5	É sɔ́ to e nyí mǐ Jakɔ́bu ví lɛ́ɛ tɔn ɔ́ nú mǐ, bɔ é nyí susu nú mǐ, mǐ Jakɔ́bu ví e é yí wǎn ná lɛ́ɛ. Agbɔ̌n
6	Mawu ɖo kpó fán wɛ xwe xwé tɔn gbe[5] kpó awǒbóbó kpó. Mawu Mavɔmavɔ ɖo afɔ ɖe wɛ, bɔ è ɖo lanzo kwín d'é mɛ wɛ.
7	Mi ɖɔ xó lómílómí dó mlá Mawu dó han mɛ! Mi ɖɔ xó lómílómí dó mlá ɛ! Mi ɖɔ xó lómílómí dó mlá axɔ́sú mǐtɔn dó han mɛ! Mi ɖɔ xó lómílómí dó mlá ɛ!
8	Đó Mawu wɛ nyí axɔ́sú ayǐkúngban ɔ́ bǐ tɔn. Mi ɖɔ xó lómílómí dó ji han víví n'i.
9	Mawu wɛ ɖu axɔ́sú ɖo akɔta lɛ́ɛ nu; é jínjɔ́n ayǐ ɖo axɔ́súzinkpo mímɛ́ tɔn jí.
10	Gǎn akɔta lɛ́ɛ tɔn lɛ́ɛ nɔ́ wá sɛ ta kplé xá togun Mawu Ablaxámu tɔn ɔ́ tɔn. Gǎnhúnǔtɔ́ e ɖo gbɛmɛ fí lɛ́ɛ bǐ wɛ nyí Mawu tɔn, é wɛ hú gǎn nǔ bǐ.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Footnotes