Fon Bible - Proverbs 27 (Fongbɛ)

Holy Bible

Search and read the Bible online

Proverbs Chapter 27 (Fongbɛ)

Compare with Version:

¹ ⓣ A lɛ̌n nǔɖé bó ná bló sɔ hǔn, ma dó yí go ná ó, ɖó a tunwun lě e sɔ ná cí ɔ́ ǎ.

² Gbɔ nú mɛ ɖěvo ní kpa we, ma kpa hwiɖée ó; mɛ ɖěvo kpa we ɔ́, é nyɔ́ hú é tɔ́n sín hwi ɖésú sín mɛ.

³ Awǐnnyagban ɔ́, nǔ kpinkpɛn wɛ, kɔ́gban lɔ ɔ́, nǔ kpinkpɛn wɛ; amɔ̌, xomɛsin e nǔlúnɔ nɔ́ dó xomɛ nú mɛ ɔ́ kpɛn mɛ hú nǔ we énɛ́ lɛ́ɛ bǐ.

⁴ Adǎn nɔ wa nǔ kanlin ɖɔhun; xomɛsin nɔ hɛn nǔ gblé; amɔ̌, wǔhwinhwan ɔ́, mɛ̌ ká sixú nɔ te nukɔn tɔn?

⁵ È gbɛ̌ nǔ nú mɛ ɖo togun mɛ ɔ́, é nyɔ́ hú è tin dó mɛ ɖó xɔ́ntɔn e è nyǐ ɔ́ wútu.

⁶ Xɔ́ntɔn mɛ tɔn gbɛ́ nǔ nú mɛ ɔ́, wǎn e é yí nú mɛ ɔ́ wú wɛ; kɛntɔ́ ká nɔ́ ɖo jasísi xo dó mɛ wɛ magbokɔ.

⁷ Mɛ e gɔ́ xo ɔ́ mɔ wǐinkpa ɖo kɔ́ mɛ ɔ́, afɔ wɛ é nɔ tɛ jí; lo ɔ́, mɛ e xovɛ́ sin ɔ́ ná bó ɖu nǔ e vlɛ́ ɔ́, é nɔ mɔ ɖɔ é víví.

⁸ Mɛ e ɖo zɔ nú to tɔn bo ɖo flúflú wɛ ɔ́ cí xɛ e jó adɔ̌ tɔn dó bó ɖo flúflú wɛ ɔ́ ɖɔhun.

⁹ Nǔsáwǔ wǎnnywɛ́ lɛ́ɛ kpó célu lɛ́ɛ kpó nɔ́ ná bɔ xomɛ nɔ hun mɛ; amɔ̌, xomɛfífá e xɔ́ntɔn nɔ́ ɖó dó mɛ wú ɔ́ nyí célu ɖé ɔ́, é nyɔ́ wǎn hú nǔ énɛ́ lɛ́ɛ bǐ.

¹⁰ Ma jó xɔ́ntɔn towe lɛ́ɛ dó ó; ma jó tɔ́ towe xɔ́ntɔn lɛ́ɛ lɔ dó ó. Adǎn gbo we hǔn, ma yi mɛ towe gɔ́n ó, ɖó nɔzo mɛtɔn e sɛkpɔ́ mɛ ɔ́ nyɔ́ hú mɛ mɛtɔn e lín dó mɛ é.

¹¹ Vǐ ce, yǐ nǔnywɛ́, bónú xomɛ ná hun mì; énɛ́ ɔ́, un hɛn ɔ́, un ná kɛ nu nú mɛ e nɔ ɖo nǔ ce ɖɔ wɛ é.

¹² Gbɛtɔ́ e ayi tɔn ɖo te ɔ́ mɔ nǔ nyanya ja ɔ́, é nɔ́ hɔn bɛ; xlonɔ ka nɔ zɔn mɔ̌ bó nɔ́ yi zɔn mɛ.

¹³ Ényí mɛɖé ná nɔ te nú mɛ e a ma tunwun ǎ bɔ mɛ ɔ́ ná nya akwɛ́ ɖo gɔ̌n towe hǔn, yǐ awu tɔn ɖó gbanu; yǐ nǔ tɔn ɖé ɖó gbanu, ɖó é nɔ te nú mɛ e a ma tunwun ǎ é bɔ mɛ ɔ́ ɖu axɔ́.

¹⁴ Ényí è fɔ́n zǎnzǎn tɛɛn, bó sú xó dó dó gbe nɔzo mɛtɔn ɔ́, é nɔ́ cí nu wɛ è dǒ e ɖɔhun.

¹⁵ Nyɔ̌nu jlɛɖɔtɔ́ cí gɔ̌ta e jǐ ja ɔ́ é nɔ́ kɔn sin sooo é ɖɔhun.

¹⁶ Ényí mɛɖé sixú yí jlɛ sín nyɔ̌nu tagbanɔ sí ɔ́, hǔn mɛ énɛ́ hɛn ɔ́, é ná wlí jɔhɔn abǐ é ná wún ami dó alɔgogo mɛ bɔ é ná nɔ te nɛ́.

¹⁷ Alǐnnyánú ɖě wɛ nɔ́ gan ɖě; mɔ̌ ɖokpó ɔ́, gbɛtɔ́ ɖě wɛ nɔ́ yi dó ɖě wú bó nɔ́ dó nyɔ́ nǔ i.

¹⁸ Mɛ e nɔ kpé nukún dó atín ɖé wú ɔ́ ná ɖu sínsɛ́n tɔn; mɔ̌ ɖokpó ɔ́, mɛ e nɔ sɛn gǎn tɔn ɔ́, è nǎ sɔ́ ɛ su.

¹⁹ È kpɔ́n sin mɛ ɔ́, è nɔ mɔ mɛɖée ɖ'é mɛ; mɔ̌ ɖokpó ɔ́, è kpɔ́n ayixa mɛ ɖésúnɔ tɔn mɛ ɔ́, è nɔ mɔ mɛɖée ɖ'é mɛ.

²⁰ Kútomɛ nɔ́ gɔ́ xo gbeɖé ǎ; domaɖó-azan nɔ gɔ́ xo gbeɖé ǎ; mɔ̌ ɖokpó ɔ́, nǔ nɔ kpé gbɛtɔ́ gbeɖé ǎ.

²¹ Siká kpó kpatágan kpó ɔ́, zo wɛ è nɔ xo dó, bó nɔ́ tunwun ɖagbe kpó nyanya kpó; amɔ̌, gbɛtɔ́ ɔ́, walɔ tɔn wɛ è ka nɔ kpɔ́n bó nɔ́ tunwun mɛ alɔkpa e é nyí é.

²² È na bo sɔ́ xlonɔ dó to mɛ bo só nukún ɖɔhun ɔ́, è nǎ ɖe yɛyi sín ayi tɔn mɛ gbeɖé ǎ.

²³ Kpé nukún dó lɛ̌ngbɔ́ towe lɛ́ɛ ɖokpó ɖokpó wú ganjí, lěbe nú yě;

²⁴ ɖó dɔkun nɔ nɔ ayǐ káká sɔ́yi ǎ; mɔ̌ ɖokpó ɔ́, axɔ́súgbákún nɔ́ nɔ ayǐ káká sɔ́yi ǎ.

²⁵ Yi ba gběhan ɖo gle mɛ; lo ɔ́, hwenu e ɖěvo ná jɛ wǔwú jí ɔ́, yi ba gbɔn só jí só jí.

²⁶ A blǒ mɔ̌ ɔ́, a nǎ ɖǒ lɛ̌ngbɔ́ lobo ná kpa fún yětɔn dó bló awu bó ná dó; a nǎ ɖó gbǎgbá bó ná sa dó xɔ gle yɔ̌yɔ́.

²⁷ Xwégbɔ́ towe lɛ́ɛ ná nɔ́ ná anɔ̌sin gěgé, bɔ hwi kpó xwédo towe kpó, kpódó nyɔ̌nu e nɔ wa azɔ̌ nú we lɛ́ɛ kpó ná nɔ nu bɔ é ná kpé mi.

#	Fongbɛ
1	ⓣ A lɛ̌n nǔɖé bó ná bló sɔ hǔn, ma dó yí go ná ó, ɖó a tunwun lě e sɔ ná cí ɔ́ ǎ.
2	Gbɔ nú mɛ ɖěvo ní kpa we, ma kpa hwiɖée ó; mɛ ɖěvo kpa we ɔ́, é nyɔ́ hú é tɔ́n sín hwi ɖésú sín mɛ.
3	Awǐnnyagban ɔ́, nǔ kpinkpɛn wɛ, kɔ́gban lɔ ɔ́, nǔ kpinkpɛn wɛ; amɔ̌, xomɛsin e nǔlúnɔ nɔ́ dó xomɛ nú mɛ ɔ́ kpɛn mɛ hú nǔ we énɛ́ lɛ́ɛ bǐ.
4	Adǎn nɔ wa nǔ kanlin ɖɔhun; xomɛsin nɔ hɛn nǔ gblé; amɔ̌, wǔhwinhwan ɔ́, mɛ̌ ká sixú nɔ te nukɔn tɔn?
5	È gbɛ̌ nǔ nú mɛ ɖo togun mɛ ɔ́, é nyɔ́ hú è tin dó mɛ ɖó xɔ́ntɔn e è nyǐ ɔ́ wútu.
6	Xɔ́ntɔn mɛ tɔn gbɛ́ nǔ nú mɛ ɔ́, wǎn e é yí nú mɛ ɔ́ wú wɛ; kɛntɔ́ ká nɔ́ ɖo jasísi xo dó mɛ wɛ magbokɔ.
7	Mɛ e gɔ́ xo ɔ́ mɔ wǐinkpa ɖo kɔ́ mɛ ɔ́, afɔ wɛ é nɔ tɛ jí; lo ɔ́, mɛ e xovɛ́ sin ɔ́ ná bó ɖu nǔ e vlɛ́ ɔ́, é nɔ mɔ ɖɔ é víví.
8	Mɛ e ɖo zɔ nú to tɔn bo ɖo flúflú wɛ ɔ́ cí xɛ e jó adɔ̌ tɔn dó bó ɖo flúflú wɛ ɔ́ ɖɔhun.
9	Nǔsáwǔ wǎnnywɛ́ lɛ́ɛ kpó célu lɛ́ɛ kpó nɔ́ ná bɔ xomɛ nɔ hun mɛ; amɔ̌, xomɛfífá e xɔ́ntɔn nɔ́ ɖó dó mɛ wú ɔ́ nyí célu ɖé ɔ́, é nyɔ́ wǎn hú nǔ énɛ́ lɛ́ɛ bǐ.
10	Ma jó xɔ́ntɔn towe lɛ́ɛ dó ó; ma jó tɔ́ towe xɔ́ntɔn lɛ́ɛ lɔ dó ó. Adǎn gbo we hǔn, ma yi mɛ towe gɔ́n ó, ɖó nɔzo mɛtɔn e sɛkpɔ́ mɛ ɔ́ nyɔ́ hú mɛ mɛtɔn e lín dó mɛ é.
11	Vǐ ce, yǐ nǔnywɛ́, bónú xomɛ ná hun mì; énɛ́ ɔ́, un hɛn ɔ́, un ná kɛ nu nú mɛ e nɔ ɖo nǔ ce ɖɔ wɛ é.
12	Gbɛtɔ́ e ayi tɔn ɖo te ɔ́ mɔ nǔ nyanya ja ɔ́, é nɔ́ hɔn bɛ; xlonɔ ka nɔ zɔn mɔ̌ bó nɔ́ yi zɔn mɛ.
13	Ényí mɛɖé ná nɔ te nú mɛ e a ma tunwun ǎ bɔ mɛ ɔ́ ná nya akwɛ́ ɖo gɔ̌n towe hǔn, yǐ awu tɔn ɖó gbanu; yǐ nǔ tɔn ɖé ɖó gbanu, ɖó é nɔ te nú mɛ e a ma tunwun ǎ é bɔ mɛ ɔ́ ɖu axɔ́.
14	Ényí è fɔ́n zǎnzǎn tɛɛn, bó sú xó dó dó gbe nɔzo mɛtɔn ɔ́, é nɔ́ cí nu wɛ è dǒ e ɖɔhun.
15	Nyɔ̌nu jlɛɖɔtɔ́ cí gɔ̌ta e jǐ ja ɔ́ é nɔ́ kɔn sin sooo é ɖɔhun.
16	Ényí mɛɖé sixú yí jlɛ sín nyɔ̌nu tagbanɔ sí ɔ́, hǔn mɛ énɛ́ hɛn ɔ́, é ná wlí jɔhɔn abǐ é ná wún ami dó alɔgogo mɛ bɔ é ná nɔ te nɛ́.
17	Alǐnnyánú ɖě wɛ nɔ́ gan ɖě; mɔ̌ ɖokpó ɔ́, gbɛtɔ́ ɖě wɛ nɔ́ yi dó ɖě wú bó nɔ́ dó nyɔ́ nǔ i.
18	Mɛ e nɔ kpé nukún dó atín ɖé wú ɔ́ ná ɖu sínsɛ́n tɔn; mɔ̌ ɖokpó ɔ́, mɛ e nɔ sɛn gǎn tɔn ɔ́, è nǎ sɔ́ ɛ su.
19	È kpɔ́n sin mɛ ɔ́, è nɔ mɔ mɛɖée ɖ'é mɛ; mɔ̌ ɖokpó ɔ́, è kpɔ́n ayixa mɛ ɖésúnɔ tɔn mɛ ɔ́, è nɔ mɔ mɛɖée ɖ'é mɛ.
20	Kútomɛ nɔ́ gɔ́ xo gbeɖé ǎ; domaɖó-azan nɔ gɔ́ xo gbeɖé ǎ; mɔ̌ ɖokpó ɔ́, nǔ nɔ kpé gbɛtɔ́ gbeɖé ǎ.
21	Siká kpó kpatágan kpó ɔ́, zo wɛ è nɔ xo dó, bó nɔ́ tunwun ɖagbe kpó nyanya kpó; amɔ̌, gbɛtɔ́ ɔ́, walɔ tɔn wɛ è ka nɔ kpɔ́n bó nɔ́ tunwun mɛ alɔkpa e é nyí é.
22	È na bo sɔ́ xlonɔ dó to mɛ bo só nukún ɖɔhun ɔ́, è nǎ ɖe yɛyi sín ayi tɔn mɛ gbeɖé ǎ.
23	Kpé nukún dó lɛ̌ngbɔ́ towe lɛ́ɛ ɖokpó ɖokpó wú ganjí, lěbe nú yě;
24	ɖó dɔkun nɔ nɔ ayǐ káká sɔ́yi ǎ; mɔ̌ ɖokpó ɔ́, axɔ́súgbákún nɔ́ nɔ ayǐ káká sɔ́yi ǎ.
25	Yi ba gběhan ɖo gle mɛ; lo ɔ́, hwenu e ɖěvo ná jɛ wǔwú jí ɔ́, yi ba gbɔn só jí só jí.
26	A blǒ mɔ̌ ɔ́, a nǎ ɖǒ lɛ̌ngbɔ́ lobo ná kpa fún yětɔn dó bló awu bó ná dó; a nǎ ɖó gbǎgbá bó ná sa dó xɔ gle yɔ̌yɔ́.
27	Xwégbɔ́ towe lɛ́ɛ ná nɔ́ ná anɔ̌sin gěgé, bɔ hwi kpó xwédo towe kpó, kpódó nyɔ̌nu e nɔ wa azɔ̌ nú we lɛ́ɛ kpó ná nɔ nu bɔ é ná kpé mi.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary