Fon Bible - Proverbs 28 (Fongbɛ)

Holy Bible

Search and read the Bible online

Proverbs Chapter 28 (Fongbɛ)

Compare with Version:

¹ Mɛ e nɔ wa nǔ nyanya ɔ́, mɛɖé nɔ́ ɖo nyinya ɛ wɛ cóbónú é nɔ́ ɖo hinhɔn wɛ ǎ; lo ɔ́, hwɛjijɔnɔ nɔ ɖeji dó éɖée wú kinnikínní wínnyáwínnyá ɖɔhun.

² To e mɛ toví lɛ́ɛ nɔ́ ɖo gǔ fɔ́n ɖe wɛ ɔ́, gǎn wɛ nɔ sukpɔ́. Amɔ̌, gǎn ɖé ká tíin bó ɖó nǔnywɛ́, bó tunwun nǔ ɔ́, acɛkpikpa tɔn nɔ jínjɔ́n ayǐ.

³ Wamamɔnɔ e nɔ táfú mɛ e ma ɖó mɛɖé ǎ ɔ́, é cí jǐgbó e nɔ́ ja bó nɔ́ hɛn gle bǐ gblé é ɖɔhun.

⁴ Mɛ e ma nɔ xwedó sɛ́n ǎ lɛ́ɛ nɔ́ kpa susu nú mɛdídá lɛ́ɛ; mɛ e ka nɔ xwedó sɛ́n lɛ́ɛ nɔ́ tɔ́n ahwan yě.

⁵ Mɛ nyanya lɛ́ɛ nɔ́ ba ná mɔ nǔ jɛ lě e è nǎ nyi sɛ́n gbɔn é wú ɖěbǔ ǎ; lo ɔ́, mɛ e nɔ ba ná se tónú nú Mawu Mavɔmavɔ lɛ́ɛ nɔ́ mɔ nǔ jɛ nǔ bǐ wú.

⁶ È nyǐ wamamɔnɔ nú ayi mɛtɔn ɖo wɛn ɔ́, é nyɔ́ hú è ɖu ahizi dó jɛ dɔkun.

⁷ Mɛ e nɔ xwedó sɛ́n dó wá nǔ ɔ́, vǐ nǔnywɛ́tɔ́ nɛ́; lo ɔ́, mɛ e nɔ dó lǐkpánɔ lɛ́ɛ sín gbɛ̌ ɔ́, é nɔ́ dó winnyá tɔ́ tɔn.

⁸ Ényí mɛ ɖé nya akwɛ́ nú mɛ, lobo yí akwɛ́ví kpɔ́ gěgé dó jɛ dɔkun ɔ́, dɔkun tɔn ɔ́, mɛ e nɔ kú nǔbláwǔ nú wamamɔnɔ ɔ́ wɛ ná ɖu.

⁹ Mɛ e nɔ dó tókúse sɛ́n ɔ́ mɛ ɔ́, ɖɛ e é nɔ xo ɔ́ nɔ́ vɛ́ se nú Mawu.

¹⁰ Mɛ e nɔ dɔn mɛ e nɔ wa nǔ ɖó sɛ́nxwi jí lɛ́ɛ dó ali nyanya jí ɔ́, é ná jɛ mɔ e é ɖésúnɔ ɖó é mɛ; amɔ̌, gbɛtɔ́ gbejínɔtɔ́ lɛ́ɛ ɔ́, nyɔ̌ná wɛ ɖo te nú yě.

¹¹ Dɔkunnɔ nɔ mɔ ɖɔ émí nyɔ́ nǔ i; amɔ̌, wamamɔnɔ e ɖó nǔnywɛ́ ɔ́ tunwun mɛ alɔkpa e dɔkunnɔ nyí tawun é.

¹² Gbɛtɔ́ hwɛjijɔnɔ ɖó ɖuɖéjí ɔ́, xwe wɛ é nɔ́ nyí; amɔ̌, mɛdídá ɖu gǎn ɔ́, mɛ bǐ wɛ nɔ́ hɔn hwlá.

¹³ Mɛ e nɔ sɔ́ hwɛ tɔn hwlá ɔ́ nɔ yi nukɔn ǎ; amɔ̌, mɛ e nɔ ɖɔ hwɛ tɔn lɛ́ɛ, bó nɔ jó dó ɔ́, è nɔ sɔ́ hwɛ tɔn kɛ ɛ.

¹⁴ Nǔ nyɔ́ nú mɛ e nɔ ɖó sísí nú Mawu hwebǐnu é; amɔ̌, mɛ e nɔ syɛ́n ta lɛ́ɛ ɔ́, awě wɛ nɔ́ xo yě.

¹⁵ Acɛgannaganna-kpanúmɛtɔ́ ɖu gǎn ɖo wamamɔnɔ lɛ́ɛ nu ɔ́, kinnikínní ɖɔhun wɛ é nɔ́ dó gbe dó ta nú yě, bó nɔ́ kplɔ́ dó yě lɔnmɔ e xovɛ́ sin é ɖɔhun.

¹⁶ Gǎn xlonɔ ɔ́, alɔ sló dó gǔdo nú mɛ tɔn ɔ́, ɖě wɛ nɔ́ ɖo ɖě jí jɛ wɛ; amɔ̌, mɛ e ma yí wǎn nú ahizi ǎ ɔ́, é nɔ́ dɔ́ ji.

¹⁷ Mɛ e hu mɛ ɔ́, hɔn wɛ é nɔ́ hɔn káká yi byɔ́ yɔdo mɛ: mɛɖé má ɖó e te ó!

¹⁸ Mɛ e nɔ sɔ́ ayi ɖó wɛn dó wa nǔ ɔ́ nɔ́ nɔ vivo mɛ; amɔ̌, mɛ e nɔ mlɛ́ ali we ɖó kpɔ́ jí lɛ́ɛ ná yi jɛ ayǐ ɖo ali we lɛ́ɛ ɖokpó xo.

¹⁹ Mɛ e nɔ lɛ gle tɔn ɔ́ ná mɔ nǔ ɖu, bó gɔ́ xo; mɛ e ka nɔ ɖó kan dó nǔ ma nyí nǔɖé wú ɔ́, ya wɛ nɔ blá ta n'i.

²⁰ Gbɛtɔ́ e ná ɖɔ xó bɔ è nǎ ɖeji dó wǔ tɔn ɔ́, è nǎ xo nyɔ̌ná ɖɛ dó jǐ tɔn ɖě jɛ ɖě jí; amɔ̌, mɛ e jló ná jɛ dɔkun zogbe ɔ́, è nǎ gɔn tó dɔn n'i ǎ.

²¹ É nyɔ́ bónú è nǎ nɔ gbɛtɔ́ jí ǎ; nǔ ɖo mɔ̌ có mɛ ɖé lɛ́ɛ nɔ́ kpɔ́n dó nǔɖuɖu gǒbǔ ɖé wú, bó nɔ́ hu hwɛ.

²² Mɛ e nǔ nɔ jló dín ɔ́, nɔ́ ba ná jɛ dɔkun zogbe; é ká nɔ́ tunwun ɖɔ ya ná wa vun blá émí ǎ.

²³ Mɛ e nɔ gbɛ́ nǔ nú nɔzo tɔn ɔ́, nɔzo tɔn nɔ wá yí wǎn n'i hú mɛ e nɔ klɔ́ ɛ é.

²⁴ Mɛ e nɔ ja ajo dó tɔ́ kpó nɔ kpó, bó nɔ́ ɖɔ é kún nyí hwɛ ó ɔ́, é kpó ajotɔ́ axánsúnxó kpó wɛ nyí nǔ ɖokpó ɔ́.

²⁵ Mɛ e nǔɖé má nɔ́ kpé ǎ ɔ́, hun wɛ é nɔ́ dɔn kpé. Mɛ e ka nɔ jó éɖée dó nú Mawu Mavɔmavɔ ɔ́, nǔ nɔ nyɔ́ n'i.

²⁶ Mɛ e ɖeji dó nǔ e ɖo ayi tɔn mɛ é kɛ́ɖɛ́ wú ɔ́, xlonɔ wɛ; mɛ e ka nɔ wa nǔ kpó nǔnywɛ́ kpó ɔ́ ná gló nǔ nyanya.

²⁷ Mɛ e nɔ ná nǔ wamamɔnɔ ɔ́, nǔɖé ná hwe dó e ǎ; amɔ̌, mɛ e nɔ ɖe kɔ dó wamamɔnɔ ɔ́, nu gěgé wɛ è dó e.

²⁸ Mɛdídá ɖu gǎn ɔ́, mɛ bǐ wɛ nɔ́ hɔn hwlá; yě kú ɔ́, hwɛjijɔnɔ lɛ́ɛ nɔ́ sukpɔ́.

#	Fongbɛ
1	Mɛ e nɔ wa nǔ nyanya ɔ́, mɛɖé nɔ́ ɖo nyinya ɛ wɛ cóbónú é nɔ́ ɖo hinhɔn wɛ ǎ; lo ɔ́, hwɛjijɔnɔ nɔ ɖeji dó éɖée wú kinnikínní wínnyáwínnyá ɖɔhun.
2	To e mɛ toví lɛ́ɛ nɔ́ ɖo gǔ fɔ́n ɖe wɛ ɔ́, gǎn wɛ nɔ sukpɔ́. Amɔ̌, gǎn ɖé ká tíin bó ɖó nǔnywɛ́, bó tunwun nǔ ɔ́, acɛkpikpa tɔn nɔ jínjɔ́n ayǐ.
3	Wamamɔnɔ e nɔ táfú mɛ e ma ɖó mɛɖé ǎ ɔ́, é cí jǐgbó e nɔ́ ja bó nɔ́ hɛn gle bǐ gblé é ɖɔhun.
4	Mɛ e ma nɔ xwedó sɛ́n ǎ lɛ́ɛ nɔ́ kpa susu nú mɛdídá lɛ́ɛ; mɛ e ka nɔ xwedó sɛ́n lɛ́ɛ nɔ́ tɔ́n ahwan yě.
5	Mɛ nyanya lɛ́ɛ nɔ́ ba ná mɔ nǔ jɛ lě e è nǎ nyi sɛ́n gbɔn é wú ɖěbǔ ǎ; lo ɔ́, mɛ e nɔ ba ná se tónú nú Mawu Mavɔmavɔ lɛ́ɛ nɔ́ mɔ nǔ jɛ nǔ bǐ wú.
6	È nyǐ wamamɔnɔ nú ayi mɛtɔn ɖo wɛn ɔ́, é nyɔ́ hú è ɖu ahizi dó jɛ dɔkun.
7	Mɛ e nɔ xwedó sɛ́n dó wá nǔ ɔ́, vǐ nǔnywɛ́tɔ́ nɛ́; lo ɔ́, mɛ e nɔ dó lǐkpánɔ lɛ́ɛ sín gbɛ̌ ɔ́, é nɔ́ dó winnyá tɔ́ tɔn.
8	Ényí mɛ ɖé nya akwɛ́ nú mɛ, lobo yí akwɛ́ví kpɔ́ gěgé dó jɛ dɔkun ɔ́, dɔkun tɔn ɔ́, mɛ e nɔ kú nǔbláwǔ nú wamamɔnɔ ɔ́ wɛ ná ɖu.
9	Mɛ e nɔ dó tókúse sɛ́n ɔ́ mɛ ɔ́, ɖɛ e é nɔ xo ɔ́ nɔ́ vɛ́ se nú Mawu.
10	Mɛ e nɔ dɔn mɛ e nɔ wa nǔ ɖó sɛ́nxwi jí lɛ́ɛ dó ali nyanya jí ɔ́, é ná jɛ mɔ e é ɖésúnɔ ɖó é mɛ; amɔ̌, gbɛtɔ́ gbejínɔtɔ́ lɛ́ɛ ɔ́, nyɔ̌ná wɛ ɖo te nú yě.
11	Dɔkunnɔ nɔ mɔ ɖɔ émí nyɔ́ nǔ i; amɔ̌, wamamɔnɔ e ɖó nǔnywɛ́ ɔ́ tunwun mɛ alɔkpa e dɔkunnɔ nyí tawun é.
12	Gbɛtɔ́ hwɛjijɔnɔ ɖó ɖuɖéjí ɔ́, xwe wɛ é nɔ́ nyí; amɔ̌, mɛdídá ɖu gǎn ɔ́, mɛ bǐ wɛ nɔ́ hɔn hwlá.
13	Mɛ e nɔ sɔ́ hwɛ tɔn hwlá ɔ́ nɔ yi nukɔn ǎ; amɔ̌, mɛ e nɔ ɖɔ hwɛ tɔn lɛ́ɛ, bó nɔ jó dó ɔ́, è nɔ sɔ́ hwɛ tɔn kɛ ɛ.
14	Nǔ nyɔ́ nú mɛ e nɔ ɖó sísí nú Mawu hwebǐnu é; amɔ̌, mɛ e nɔ syɛ́n ta lɛ́ɛ ɔ́, awě wɛ nɔ́ xo yě.
15	Acɛgannaganna-kpanúmɛtɔ́ ɖu gǎn ɖo wamamɔnɔ lɛ́ɛ nu ɔ́, kinnikínní ɖɔhun wɛ é nɔ́ dó gbe dó ta nú yě, bó nɔ́ kplɔ́ dó yě lɔnmɔ e xovɛ́ sin é ɖɔhun.
16	Gǎn xlonɔ ɔ́, alɔ sló dó gǔdo nú mɛ tɔn ɔ́, ɖě wɛ nɔ́ ɖo ɖě jí jɛ wɛ; amɔ̌, mɛ e ma yí wǎn nú ahizi ǎ ɔ́, é nɔ́ dɔ́ ji.
17	Mɛ e hu mɛ ɔ́, hɔn wɛ é nɔ́ hɔn káká yi byɔ́ yɔdo mɛ: mɛɖé má ɖó e te ó!
18	Mɛ e nɔ sɔ́ ayi ɖó wɛn dó wa nǔ ɔ́ nɔ́ nɔ vivo mɛ; amɔ̌, mɛ e nɔ mlɛ́ ali we ɖó kpɔ́ jí lɛ́ɛ ná yi jɛ ayǐ ɖo ali we lɛ́ɛ ɖokpó xo.
19	Mɛ e nɔ lɛ gle tɔn ɔ́ ná mɔ nǔ ɖu, bó gɔ́ xo; mɛ e ka nɔ ɖó kan dó nǔ ma nyí nǔɖé wú ɔ́, ya wɛ nɔ blá ta n'i.
20	Gbɛtɔ́ e ná ɖɔ xó bɔ è nǎ ɖeji dó wǔ tɔn ɔ́, è nǎ xo nyɔ̌ná ɖɛ dó jǐ tɔn ɖě jɛ ɖě jí; amɔ̌, mɛ e jló ná jɛ dɔkun zogbe ɔ́, è nǎ gɔn tó dɔn n'i ǎ.
21	É nyɔ́ bónú è nǎ nɔ gbɛtɔ́ jí ǎ; nǔ ɖo mɔ̌ có mɛ ɖé lɛ́ɛ nɔ́ kpɔ́n dó nǔɖuɖu gǒbǔ ɖé wú, bó nɔ́ hu hwɛ.
22	Mɛ e nǔ nɔ jló dín ɔ́, nɔ́ ba ná jɛ dɔkun zogbe; é ká nɔ́ tunwun ɖɔ ya ná wa vun blá émí ǎ.
23	Mɛ e nɔ gbɛ́ nǔ nú nɔzo tɔn ɔ́, nɔzo tɔn nɔ wá yí wǎn n'i hú mɛ e nɔ klɔ́ ɛ é.
24	Mɛ e nɔ ja ajo dó tɔ́ kpó nɔ kpó, bó nɔ́ ɖɔ é kún nyí hwɛ ó ɔ́, é kpó ajotɔ́ axánsúnxó kpó wɛ nyí nǔ ɖokpó ɔ́.
25	Mɛ e nǔɖé má nɔ́ kpé ǎ ɔ́, hun wɛ é nɔ́ dɔn kpé. Mɛ e ka nɔ jó éɖée dó nú Mawu Mavɔmavɔ ɔ́, nǔ nɔ nyɔ́ n'i.
26	Mɛ e ɖeji dó nǔ e ɖo ayi tɔn mɛ é kɛ́ɖɛ́ wú ɔ́, xlonɔ wɛ; mɛ e ka nɔ wa nǔ kpó nǔnywɛ́ kpó ɔ́ ná gló nǔ nyanya.
27	Mɛ e nɔ ná nǔ wamamɔnɔ ɔ́, nǔɖé ná hwe dó e ǎ; amɔ̌, mɛ e nɔ ɖe kɔ dó wamamɔnɔ ɔ́, nu gěgé wɛ è dó e.
28	Mɛdídá ɖu gǎn ɔ́, mɛ bǐ wɛ nɔ́ hɔn hwlá; yě kú ɔ́, hwɛjijɔnɔ lɛ́ɛ nɔ́ sukpɔ́.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary