Fon Bible - Proverbs 7 (Fongbɛ)

Holy Bible

Search and read the Bible online

Proverbs Chapter 7 (Fongbɛ)

Compare with Version:

Previous Chapter

Next Chapter

¹ Vǐ ce, flín xó ce lɛ́ɛ; nǔ e un zɔ́n we ɖɔ hwi ní bló lɛ́ɛ ɔ́, hɛn bǐ ayi mɛ.

² Blǒ nǔ e un ɖɔ hwi ní bló lɛ́ɛ; énɛ́ ɔ́, a nǎ nɔ gbɛ. Hɛn nǔ e un kplɔ́n we lɛ́ɛ nukúnzin towe ɖɔhun.

³ Yě ní nyí alɔkɛ́, bó nɔ alɔ nú we; wlǎn yě dó ayi towe mɛ.

⁴ Sɔ́ nǔnywɛ́ dó ɖó nɔví, sɔ́ bǐbí dó ɖó xɔ́ntɔn.

⁵ Énɛ́ ɔ́, yě ná cyɔ́n alɔ jǐ towe ɖo nyɔ̌nu e má nyí asi towe ǎ é nukɔn; yě ná cyɔ́n alɔ jǐ we ɖo mɛsi e nɔ ɖɔ xó víví dó dɔn mɛ dó nǔ nyanya mɛ ɔ́ nukɔn.

⁶ Un ɖo flɛtɛ́li nu ɖo xɔ ce mɛ gbe ɖokpó, bó ɖo kɔ́xo kpɔ́n sɛ́ dó wɛ,

⁷ bó mɔ súnnuví e má ko tunwun gbɛxó ɖé ǎ lɛ́ɛ ɖo yiyi wɛ, bɔ nyaví xlonɔ ɖokpó ɖo yě mɛ.

⁸ Nyaví ɔ́ wlí ali ɖé, ali ɔ́ gbɔn fí e nyɔ̌nu ɖé nɔ́ nɔ é kpá; é sɔ́ ali e yi nyɔ̌nu ɔ́ xwé é.

⁹ Gbadanu, hwenu e zǎn nɔ́ ɖo bibɔ wɛ, bɔ ablu nɔ ɖo dǐdó wɛ é wɛ.

¹⁰ Kpowun ɔ́, nyɔ̌nu ɔ́ jɛ́n wá kpé e. Nyɔ̌nu ɔ́ sɔ́ nǔ agalɛtɔ́ ɖɔhun; é nyí mɛɖé bó sɛ́.

¹¹ Wǔ yá ɛ káká, winnyá ɖěbǔ ɖo nukún tɔn jí ǎ. Yonu tɔn nɔ hu ayǐsínzɛn ɖo xwé tɔn gbe ǎ.

¹² A mɔ ɛ ɖo alitó din ɔ́, a nǎ lɛ́ mɔ ɛ ɖo tokplétɛn din; a nǎ mɔ ɛ ɖo fí bǐ, bɔ é ná ɖo súnnu gbé mɛ.

¹³ Nyɔ̌nu énɛ́ ɔ́ zunfán nyaví ɔ́, bó kí si n'i, bó ɖɔ n'i kpó wunhínhɔ́n kpó ɖɔ:

¹⁴ “Un ko dó akpá nú Mawu ɖɔ un ná sá vɔ̌ ɖé dó dó kú n'i. Égbé din wɛ un hu kanlin dó sá vɔ̌ ɔ́;

¹⁵ énɛ́ wú wɛ un tɔ́n din bó wá kpé we. Un ɖo biba we wɛ, din ɔ́, un mɔ we.

¹⁶ Un ko ɖó zan ce bǐ ɖo xwé gbe; kanvɔ wɛ un tɛ́ ɖ'é jí; Ejípu wɛ kanvɔ ɔ́ gosín, é ɖó sin tɛnmɛ tɛnmɛ.

¹⁷ Un vun célu alɔkpa alɔkpa dó zan ce jí: un vun mǐla, alowɛ́si kpó sinnamɔmi kpó dó zan ce jí.

¹⁸ Wǎ mǐ yi ɖó he káká nú ayǐ ná hɔ́n: Wǎ mǐ yi ɖu gbɛ bó ɖɔ éé ɖo mɔ̌ é.

¹⁹ Asú ce ɖo xwé ǎ; to línlín ɖé mɛ wɛ é yi.

²⁰ É hɛn akwɛ́ bɔ é tlí. Sun jɛ́n ná kpé ká cóbɔ é ná wá.”

²¹ Nyɔ̌nu énɛ́ dó jɔngwín jɔngwín nú nyaví ɔ́ káká bɔ é se xó tɔn. É sɔ́ xó víví tɔn dó dɔn ɛ.

²² Énɛ́ ɔ́, nyaví ɔ́ jɛ gǔdo tɔn kpowun nyibú e è kplá xwe lanhutɛn é ɖɔhun; é jɛ gǔdo tɔn xlonɔ e è blǎ bó dɔn xwe xixo gbé é ɖɔhun.

²³ É ɖo nyɔ̌nu ɔ́ gǔdo káká bɔ gǎ xo hǔn tɔn zlɛ́; é cí xɛ e zɔn bó yi jɛ mɔ mɛ é ɖɔhun; é tunwun ɖɔ gbɛ émí tɔn ko vɔ ǎ.

²⁴ Din ɔ́, vǐ ce lɛ́ɛ mi, mi ɖótó mì, mi ɖótó xó e ɖɔ nú mi wɛ un ɖe lɛ́ɛ.

²⁵ Mi ma lɔn nú nyɔ̌nu mɔ̌hun dɔn mi dó nǔ nyanya mɛ ó; mi ma ɖo bǔbú wɛ lɔ bó yi gbɔn ali tɔn jí ó.

²⁶ Đó mɛ e é hu lɛ́ɛ sukpɔ́ dín, có mɛ énɛ́ lɛ́ɛ ɖěbǔ nyí mɛɖé kpowun ǎ.

²⁷ Nú mɛ ɖé yi xwé tɔn gbe hǔn, mɛ ɔ́ ní tunwun ɖɔ ali e è nɔ gbɔn yi kútomɛ é jí wɛ émí ɖe. Maɖɔnǔxwɛ wɛ ali énɛ́ nɔ́ kplá mɛ yi.

#	Fongbɛ
1	Vǐ ce, flín xó ce lɛ́ɛ; nǔ e un zɔ́n we ɖɔ hwi ní bló lɛ́ɛ ɔ́, hɛn bǐ ayi mɛ.
2	Blǒ nǔ e un ɖɔ hwi ní bló lɛ́ɛ; énɛ́ ɔ́, a nǎ nɔ gbɛ. Hɛn nǔ e un kplɔ́n we lɛ́ɛ nukúnzin towe ɖɔhun.
3	Yě ní nyí alɔkɛ́, bó nɔ alɔ nú we; wlǎn yě dó ayi towe mɛ.
4	Sɔ́ nǔnywɛ́ dó ɖó nɔví, sɔ́ bǐbí dó ɖó xɔ́ntɔn.
5	Énɛ́ ɔ́, yě ná cyɔ́n alɔ jǐ towe ɖo nyɔ̌nu e má nyí asi towe ǎ é nukɔn; yě ná cyɔ́n alɔ jǐ we ɖo mɛsi e nɔ ɖɔ xó víví dó dɔn mɛ dó nǔ nyanya mɛ ɔ́ nukɔn.
6	Un ɖo flɛtɛ́li nu ɖo xɔ ce mɛ gbe ɖokpó, bó ɖo kɔ́xo kpɔ́n sɛ́ dó wɛ,
7	bó mɔ súnnuví e má ko tunwun gbɛxó ɖé ǎ lɛ́ɛ ɖo yiyi wɛ, bɔ nyaví xlonɔ ɖokpó ɖo yě mɛ.
8	Nyaví ɔ́ wlí ali ɖé, ali ɔ́ gbɔn fí e nyɔ̌nu ɖé nɔ́ nɔ é kpá; é sɔ́ ali e yi nyɔ̌nu ɔ́ xwé é.
9	Gbadanu, hwenu e zǎn nɔ́ ɖo bibɔ wɛ, bɔ ablu nɔ ɖo dǐdó wɛ é wɛ.
10	Kpowun ɔ́, nyɔ̌nu ɔ́ jɛ́n wá kpé e. Nyɔ̌nu ɔ́ sɔ́ nǔ agalɛtɔ́ ɖɔhun; é nyí mɛɖé bó sɛ́.
11	Wǔ yá ɛ káká, winnyá ɖěbǔ ɖo nukún tɔn jí ǎ. Yonu tɔn nɔ hu ayǐsínzɛn ɖo xwé tɔn gbe ǎ.
12	A mɔ ɛ ɖo alitó din ɔ́, a nǎ lɛ́ mɔ ɛ ɖo tokplétɛn din; a nǎ mɔ ɛ ɖo fí bǐ, bɔ é ná ɖo súnnu gbé mɛ.
13	Nyɔ̌nu énɛ́ ɔ́ zunfán nyaví ɔ́, bó kí si n'i, bó ɖɔ n'i kpó wunhínhɔ́n kpó ɖɔ:
14	“Un ko dó akpá nú Mawu ɖɔ un ná sá vɔ̌ ɖé dó dó kú n'i. Égbé din wɛ un hu kanlin dó sá vɔ̌ ɔ́;
15	énɛ́ wú wɛ un tɔ́n din bó wá kpé we. Un ɖo biba we wɛ, din ɔ́, un mɔ we.
16	Un ko ɖó zan ce bǐ ɖo xwé gbe; kanvɔ wɛ un tɛ́ ɖ'é jí; Ejípu wɛ kanvɔ ɔ́ gosín, é ɖó sin tɛnmɛ tɛnmɛ.
17	Un vun célu alɔkpa alɔkpa dó zan ce jí: un vun mǐla, alowɛ́si kpó sinnamɔmi kpó dó zan ce jí.
18	Wǎ mǐ yi ɖó he káká nú ayǐ ná hɔ́n: Wǎ mǐ yi ɖu gbɛ bó ɖɔ éé ɖo mɔ̌ é.
19	Asú ce ɖo xwé ǎ; to línlín ɖé mɛ wɛ é yi.
20	É hɛn akwɛ́ bɔ é tlí. Sun jɛ́n ná kpé ká cóbɔ é ná wá.”
21	Nyɔ̌nu énɛ́ dó jɔngwín jɔngwín nú nyaví ɔ́ káká bɔ é se xó tɔn. É sɔ́ xó víví tɔn dó dɔn ɛ.
22	Énɛ́ ɔ́, nyaví ɔ́ jɛ gǔdo tɔn kpowun nyibú e è kplá xwe lanhutɛn é ɖɔhun; é jɛ gǔdo tɔn xlonɔ e è blǎ bó dɔn xwe xixo gbé é ɖɔhun.
23	É ɖo nyɔ̌nu ɔ́ gǔdo káká bɔ gǎ xo hǔn tɔn zlɛ́; é cí xɛ e zɔn bó yi jɛ mɔ mɛ é ɖɔhun; é tunwun ɖɔ gbɛ émí tɔn ko vɔ ǎ.
24	Din ɔ́, vǐ ce lɛ́ɛ mi, mi ɖótó mì, mi ɖótó xó e ɖɔ nú mi wɛ un ɖe lɛ́ɛ.
25	Mi ma lɔn nú nyɔ̌nu mɔ̌hun dɔn mi dó nǔ nyanya mɛ ó; mi ma ɖo bǔbú wɛ lɔ bó yi gbɔn ali tɔn jí ó.
26	Đó mɛ e é hu lɛ́ɛ sukpɔ́ dín, có mɛ énɛ́ lɛ́ɛ ɖěbǔ nyí mɛɖé kpowun ǎ.
27	Nú mɛ ɖé yi xwé tɔn gbe hǔn, mɛ ɔ́ ní tunwun ɖɔ ali e è nɔ gbɔn yi kútomɛ é jí wɛ émí ɖe. Maɖɔnǔxwɛ wɛ ali énɛ́ nɔ́ kplá mɛ yi.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary