Fon Bible - Isaiah 65 (Fongbɛ)

Holy Bible

Search and read the Bible online

Isaiah Chapter 65 (Fongbɛ)

Compare with Version:

¹ ⓔ Mawu ɖɔ: “Un ɖo gbesisɔ mɛ ɖɔ è nǐ wá kan nǔ byɔ́ mì, mɛɖé ká nɔ́ kan nǔɖé byɔ́ mì ǎ. Un ɖo gbesisɔ mɛ ɖɔ è nǐ wá mɔ mì; mɛɖé ká nɔ́ wá gɔ̌n ce ǎ. Un ɖɔ nú togun ɖé ɖɔ: ‘Nyi ɖíe ɖo fí e, nyi ɖíe ɖo fí e’. Togun énɛ́ ka nɔ́ xomlá mì ǎ.

² ⓕ Un nɔ dlɛ́n alɔ nú togun gǔfɔ́ntɔ́ ɔ́, togun e ɖo ali nyanya jí é, togun e nǔ e wá tamɛ n'i é jɛ́n é nɔ́ bló é; un nɔ dlɛ́n alɔ n'i hwebǐnu.

³ Togun énɛ́ ká nɔ́ ɖo nǔɖɔ ba mì wɛ gannaganna hwebǐnu; yě nɔ́ ɖo vɔ̌ sá wɛ gbɔn vodúnzun mɛ vodúnzun mɛ, bó nɔ́ ɖo zǎlínkpɔ́n dó zo wɛ gbɔn vodúnkpe jí vodúnkpe jí.

⁴ Yě nɔ́ yi sá xwé ɖó yɔdo mɛ, yě nɔ́ yi cí sónu mɛ sónu mɛ; yě nɔ́ ɖu aglǔza lan, nǔ e yě nɔ́ ɖu lɛ́ɛ bǐ wɛ nyí nǔ blíblí.

⁵ Yě nɔ́ ɖɔ nú mɛ lɛ́ɛ ɖɔ: ‘Ma sɛkpɔ́ mì ó, ma ɖó alɔ wǔ ce ó. A sɛkpɔ́ mì ɔ́, é ná vɛ́ afɔ nú we, ɖó nyɛ ɔ́, vo wɛ è sɔ́ mì ɖó nú Mawu.’ Un mɔ nǔ énɛ́ lɛ́ɛ e wa wɛ mi nɔ ɖe ɔ́, xomɛ nɔ sin mì bɔ xo ce mɛ nɔ hun agbǎn.

⁶ Nǔ énɛ́ lɛ́ɛ bǐ wɛ ɖo wěma mɛ ɖo gɔ̌n ce. Énɛ́ wú ɔ́, un ma sú axɔ́ tɔn yě ǎ ɔ́, un ná gbɔjɛ́ ǎ; un ná sú axɔ́ tɔn yě ganjí.

⁷ Un ná sú nǔ e yě wa ɔ́ sín axɔ́ yě, bó ná lɛ́ sú nǔ e tɔ́gbó yětɔn lɛ́ɛ wa é lɔ sín axɔ́ yě, ɖó yě nɔ́ dó zǎlínkpɔ́n zo gbɔn só jí só jí; yě nɔ́ ba nǔɖɔ mì gbɔn só kpɛví kpɛví lɛ́ɛ jí. Nǔ e yě wa ɖ'ayǐ lɛ́ɛ ɔ́, un ná sú bǐ sín axɔ́ yě. Xó e nyɛ Mawu Mavɔmavɔ ɖɔ ɔ́ nɛ́.”

⁸ Mawu Mavɔmavɔ ɖɔ: “Ényí è mɔ vǐwun bɔ é kó myá ɔ́, è nɔ́ ɖɔ: ‘Ma hɛn gblé ó, ɖó é ná ná vɛ̌ɛn ɖagbe.’ Mɔ̌ wɛ nyi lɔ ná bló gbɔn: un ná sú mɛ bǐ sín kún dó ǎ, ɖó mɛ e nɔ sɛn mì lɛ́ɛ wú.

⁹ Un ná ná vǐ Jakɔ́bu sín togun ɔ́, akɔta Judáa tɔn ɔ́, só ce lɛ́ɛ ná nyí yětɔn; só ce lɛ́ɛ ná nyí mɛ e un sɔ́ lɛ́ɛ tɔn; mɛ e nɔ sɛn mì lɛ́ɛ ná nɔ só ce lɛ́ɛ jí.

¹⁰ ⓖ Ayǐkúngban wɛnjɛ Calɔ́ni tɔn ná húzú amagbo nú gbɔ̌ lɛ́ɛ, bɔ tɔdo Akɔ́ɔ tɔn ná húzú fí e nyibú togun ce tɔn lɛ́ɛ ná nɔ́ nɔ é, nyibú togun ce e ná lɛ́ kɔ wá gɔ̌n ce lɛ́ɛ tɔn ná nɔ é.

¹¹ Amɔ̌, mi mɛ e jó nyɛ Mawu Mavɔmavɔ dó lɛ́ɛ ɔ́, mi mɛ e wɔn só mímɛ́ ce, bó nɔ́ tɛ́ távo nú Gadi ‘taɖagbevodún’, bó nɔ́ ba ahan nú Mɛni ‘byɔ̌wá’ vodún lɛ́ɛ ɔ́,

¹² un ná cyán mi ɖó te nú hwǐ. Mi bǐ ná jɛ kpo, bɔ è nǎ gbo gbe mi. Đó un ylɔ́ mi bɔ mi ka sɔ ǎ; un ɖɔ xó, mi ka ɖótó mì ǎ, bɔ nǔ e má nɔ́ jló mì ǎ é wiwa nɔ́ víví nú mi.

¹³ Énɛ́ ɔ́ wú ɔ́, xó e nyɛ Aklúnɔ Mavɔmavɔ ɖɔ ɔ́ ɖíe: Mɛsɛntɔ́ ce lɛ́ɛ ná mɔ nǔ e yě ná ɖu é, bɔ midɛɛ lɛ́ɛ ka ná nɔ xovɛ́. Mɛsɛntɔ́ ce lɛ́ɛ ná mɔ sin bó nu, midɛɛ lɛ́ɛ ka ná nɔ nugblá. Mɛsɛntɔ́ ce lɛ́ɛ ná ɖo awǎjijɛ mɛ, midɛɛ lɛ́ɛ ka ná ɖu winnyá.

¹⁴ Mɛsɛntɔ́ ce lɛ́ɛ ná nɔ́ ɖo xó sú wɛ kpó awǎjijɛ kpó, ɖó nǔ ná nyɔ́ nú yě; midɛɛ lɛ́ɛ ká ná ɖo wǔvɛ́ mɔ wɛ bó ná ɖo xó sú wɛ. Mi ná dán ɖě wa gbɔn bó ná ɖo alě ná wɛ.

¹⁵ Mɛ e un sɔ́ lɛ́ɛ ɔ́, nyǐkɔ mitɔn wɛ yě ná nɔ́ dó dó nu mɛ, yě ná nɔ́ ɖɔ: ‘Aklúnɔ Mavɔmavɔ ní hu we mɛ lě, abǐ keté lě ɖɔhun.’ Amɔ̌, mɛ e nyí mɛsɛntɔ́ ce lɛ́ɛ ɔ́, nyǐkɔ ɖěvo wɛ un ná ná yě.

¹⁶ Mɛ ɖěbǔ jló ná byɔ́ fífá nú mɛ ɖo to ɔ́ mɛ ɔ́, é ná byɔ́ nú mɛ ɔ́ ɖo Mawu gbejínɔtɔ́ ɔ́ sín nyǐkɔ mɛ. Mɛ ɖěbǔ ná xwlé nǔ ɖo to ɔ́ mɛ ɔ́, é ná xwlé ɖo Mawu gbejínɔtɔ́ ɔ́ sín nyǐkɔ mɛ.” Mawu ɖɔ: “Tagba xóxó tɔn lɛ́ɛ ɔ́, è nǎ wɔn yě. Yě ná bú sín nukún ce mɛ.

¹⁷ ⓗ É ɖíe, un ná bló jǐnukúnsin yɔ̌yɔ́, bó ná bló ayǐkúngban yɔ̌yɔ́. Énɛ́ ɔ́, mɛ ɖé sɔ́ ná flín nǔ xóxó lɛ́ɛ ǎ. Yě sɔ́ ná wá ayi mɛ nú mɛ ɖé ǎ.

¹⁸ Xomɛ ní hun mi, mi nɔ j'awǎ hwebǐnu ɖó nǔ e ná bló wɛ un ɖe lɛ́ɛ wú: un ná sɔ́ Jeluzalɛ́mu dó húzú toxo e mɛ awǎjijɛ ná gɔ́ é, un ná sɔ́ Jeluzalɛ́munu lɛ́ɛ dó húzú togun e ná nɔ ɖo awǎjijɛ mɛ é.

¹⁹ ⓘ Un ná nɔ́ j'awǎ ɖó Jeluzalɛ́mu wú, xomɛ ná nɔ́ hun mì ɖésú ɖó togun ce wú. È sɔ́ ná se avǐ kpó xósúsú kpó ɖě gbeɖé ɖo fínɛ́ ǎ.

²⁰ Yɔkpɔ́vú ɖě sɔ́ ná flɛ́ kɛ́n ǎ; Degénɔ ɖě sɔ́ ná kú azǎn tɔn má sɔgbe ǎ; mɛ e ná ɖó xwe kanwe ko (100), bó ná kú ɔ́, è nǎ ɖɔ dɔ̌nkpɛ mɛ wɛ é ɖe bó kú. Mɛ e ma ná ɖó xwe kanwe ko (100), có bó kú ǎ ɔ́, è nǎ ɖɔ nu wɛ è dǒ e.

²¹ Yě ná sá xwé bó nɔ ɛ mɛ. Yě ná tun vǐwun bó ná ɖu sínsɛ́n tɔn.

²² Yě sɔ́ ná sá xwé ɖě, bɔ mɛ ɖěvo ná nɔ mɛ ǎ; yě ká sɔ́ ná tun vǐwun ɖě, bɔ mɛ ɖěvo ná wá ɖu sínsɛ́n tɔn ǎ. Ji e atín nɔ́ dɔ́ é wɛ togun ce ná dɔ́. Mɛ e un sɔ́ lɛ́ɛ ɔ́, nǔ e yě sɔ́ alɔ yětɔn dó bló lɛ́ɛ ɔ́, yě ná ɖu le tɔn.

²³ Yě sɔ́ ná jɛ tagba dó wǔvɔ́ ɖě ǎ. Vǐ e yě ná ji lɛ́ɛ ɖě sɔ́ ná kú ɖo nukún yětɔn mɛ ǎ, ɖó mɛ e jí un xo ɖɛ dó lɛ́ɛ wɛ yě nyí, yě kpó vǐ yětɔn lɛ́ɛ kpó.

²⁴ Cóbónú yě ná ylɔ́ mì ɔ́, un ná kó sɔ nú yě, yě ná kpo ɖo xó ɖɔ wɛ cóbɔ un ná kó se xó yětɔn.

²⁵ ⓙ Hla kpó lɛ̌ngbɔ́ví kpó ná ɖu ama ɖó kpɔ́; kinnikínní ná ɖu ama nyibú ɖɔhun; dan ná nɔ́ ɖu kɔ́. Mɛ ɖé sɔ́ ná wa nyanya nú mɛ ɖé ǎ, mɛɖé ká sɔ́ ná hɛn nǔ gblé ɖo só mímɛ́ ce ɔ́ jí ǎ. Xó e nyɛ Mawu Mavɔmavɔ ɖɔ ɔ́ nɛ́.”

#	Fongbɛ
1	ⓔ Mawu ɖɔ: “Un ɖo gbesisɔ mɛ ɖɔ è nǐ wá kan nǔ byɔ́ mì, mɛɖé ká nɔ́ kan nǔɖé byɔ́ mì ǎ. Un ɖo gbesisɔ mɛ ɖɔ è nǐ wá mɔ mì; mɛɖé ká nɔ́ wá gɔ̌n ce ǎ. Un ɖɔ nú togun ɖé ɖɔ: ‘Nyi ɖíe ɖo fí e, nyi ɖíe ɖo fí e’. Togun énɛ́ ka nɔ́ xomlá mì ǎ.
2	ⓕ Un nɔ dlɛ́n alɔ nú togun gǔfɔ́ntɔ́ ɔ́, togun e ɖo ali nyanya jí é, togun e nǔ e wá tamɛ n'i é jɛ́n é nɔ́ bló é; un nɔ dlɛ́n alɔ n'i hwebǐnu.
3	Togun énɛ́ ká nɔ́ ɖo nǔɖɔ ba mì wɛ gannaganna hwebǐnu; yě nɔ́ ɖo vɔ̌ sá wɛ gbɔn vodúnzun mɛ vodúnzun mɛ, bó nɔ́ ɖo zǎlínkpɔ́n dó zo wɛ gbɔn vodúnkpe jí vodúnkpe jí.
4	Yě nɔ́ yi sá xwé ɖó yɔdo mɛ, yě nɔ́ yi cí sónu mɛ sónu mɛ; yě nɔ́ ɖu aglǔza lan, nǔ e yě nɔ́ ɖu lɛ́ɛ bǐ wɛ nyí nǔ blíblí.
5	Yě nɔ́ ɖɔ nú mɛ lɛ́ɛ ɖɔ: ‘Ma sɛkpɔ́ mì ó, ma ɖó alɔ wǔ ce ó. A sɛkpɔ́ mì ɔ́, é ná vɛ́ afɔ nú we, ɖó nyɛ ɔ́, vo wɛ è sɔ́ mì ɖó nú Mawu.’ Un mɔ nǔ énɛ́ lɛ́ɛ e wa wɛ mi nɔ ɖe ɔ́, xomɛ nɔ sin mì bɔ xo ce mɛ nɔ hun agbǎn.
6	Nǔ énɛ́ lɛ́ɛ bǐ wɛ ɖo wěma mɛ ɖo gɔ̌n ce. Énɛ́ wú ɔ́, un ma sú axɔ́ tɔn yě ǎ ɔ́, un ná gbɔjɛ́ ǎ; un ná sú axɔ́ tɔn yě ganjí.
7	Un ná sú nǔ e yě wa ɔ́ sín axɔ́ yě, bó ná lɛ́ sú nǔ e tɔ́gbó yětɔn lɛ́ɛ wa é lɔ sín axɔ́ yě, ɖó yě nɔ́ dó zǎlínkpɔ́n zo gbɔn só jí só jí; yě nɔ́ ba nǔɖɔ mì gbɔn só kpɛví kpɛví lɛ́ɛ jí. Nǔ e yě wa ɖ'ayǐ lɛ́ɛ ɔ́, un ná sú bǐ sín axɔ́ yě. Xó e nyɛ Mawu Mavɔmavɔ ɖɔ ɔ́ nɛ́.”
8	Mawu Mavɔmavɔ ɖɔ: “Ényí è mɔ vǐwun bɔ é kó myá ɔ́, è nɔ́ ɖɔ: ‘Ma hɛn gblé ó, ɖó é ná ná vɛ̌ɛn ɖagbe.’ Mɔ̌ wɛ nyi lɔ ná bló gbɔn: un ná sú mɛ bǐ sín kún dó ǎ, ɖó mɛ e nɔ sɛn mì lɛ́ɛ wú.
9	Un ná ná vǐ Jakɔ́bu sín togun ɔ́, akɔta Judáa tɔn ɔ́, só ce lɛ́ɛ ná nyí yětɔn; só ce lɛ́ɛ ná nyí mɛ e un sɔ́ lɛ́ɛ tɔn; mɛ e nɔ sɛn mì lɛ́ɛ ná nɔ só ce lɛ́ɛ jí.
10	ⓖ Ayǐkúngban wɛnjɛ Calɔ́ni tɔn ná húzú amagbo nú gbɔ̌ lɛ́ɛ, bɔ tɔdo Akɔ́ɔ tɔn ná húzú fí e nyibú togun ce tɔn lɛ́ɛ ná nɔ́ nɔ é, nyibú togun ce e ná lɛ́ kɔ wá gɔ̌n ce lɛ́ɛ tɔn ná nɔ é.
11	Amɔ̌, mi mɛ e jó nyɛ Mawu Mavɔmavɔ dó lɛ́ɛ ɔ́, mi mɛ e wɔn só mímɛ́ ce, bó nɔ́ tɛ́ távo nú Gadi ‘taɖagbevodún’, bó nɔ́ ba ahan nú Mɛni ‘byɔ̌wá’ vodún lɛ́ɛ ɔ́,
12	un ná cyán mi ɖó te nú hwǐ. Mi bǐ ná jɛ kpo, bɔ è nǎ gbo gbe mi. Đó un ylɔ́ mi bɔ mi ka sɔ ǎ; un ɖɔ xó, mi ka ɖótó mì ǎ, bɔ nǔ e má nɔ́ jló mì ǎ é wiwa nɔ́ víví nú mi.
13	Énɛ́ ɔ́ wú ɔ́, xó e nyɛ Aklúnɔ Mavɔmavɔ ɖɔ ɔ́ ɖíe: Mɛsɛntɔ́ ce lɛ́ɛ ná mɔ nǔ e yě ná ɖu é, bɔ midɛɛ lɛ́ɛ ka ná nɔ xovɛ́. Mɛsɛntɔ́ ce lɛ́ɛ ná mɔ sin bó nu, midɛɛ lɛ́ɛ ka ná nɔ nugblá. Mɛsɛntɔ́ ce lɛ́ɛ ná ɖo awǎjijɛ mɛ, midɛɛ lɛ́ɛ ka ná ɖu winnyá.
14	Mɛsɛntɔ́ ce lɛ́ɛ ná nɔ́ ɖo xó sú wɛ kpó awǎjijɛ kpó, ɖó nǔ ná nyɔ́ nú yě; midɛɛ lɛ́ɛ ká ná ɖo wǔvɛ́ mɔ wɛ bó ná ɖo xó sú wɛ. Mi ná dán ɖě wa gbɔn bó ná ɖo alě ná wɛ.
15	Mɛ e un sɔ́ lɛ́ɛ ɔ́, nyǐkɔ mitɔn wɛ yě ná nɔ́ dó dó nu mɛ, yě ná nɔ́ ɖɔ: ‘Aklúnɔ Mavɔmavɔ ní hu we mɛ lě, abǐ keté lě ɖɔhun.’ Amɔ̌, mɛ e nyí mɛsɛntɔ́ ce lɛ́ɛ ɔ́, nyǐkɔ ɖěvo wɛ un ná ná yě.
16	Mɛ ɖěbǔ jló ná byɔ́ fífá nú mɛ ɖo to ɔ́ mɛ ɔ́, é ná byɔ́ nú mɛ ɔ́ ɖo Mawu gbejínɔtɔ́ ɔ́ sín nyǐkɔ mɛ. Mɛ ɖěbǔ ná xwlé nǔ ɖo to ɔ́ mɛ ɔ́, é ná xwlé ɖo Mawu gbejínɔtɔ́ ɔ́ sín nyǐkɔ mɛ.” Mawu ɖɔ: “Tagba xóxó tɔn lɛ́ɛ ɔ́, è nǎ wɔn yě. Yě ná bú sín nukún ce mɛ.
17	ⓗ É ɖíe, un ná bló jǐnukúnsin yɔ̌yɔ́, bó ná bló ayǐkúngban yɔ̌yɔ́. Énɛ́ ɔ́, mɛ ɖé sɔ́ ná flín nǔ xóxó lɛ́ɛ ǎ. Yě sɔ́ ná wá ayi mɛ nú mɛ ɖé ǎ.
18	Xomɛ ní hun mi, mi nɔ j'awǎ hwebǐnu ɖó nǔ e ná bló wɛ un ɖe lɛ́ɛ wú: un ná sɔ́ Jeluzalɛ́mu dó húzú toxo e mɛ awǎjijɛ ná gɔ́ é, un ná sɔ́ Jeluzalɛ́munu lɛ́ɛ dó húzú togun e ná nɔ ɖo awǎjijɛ mɛ é.
19	ⓘ Un ná nɔ́ j'awǎ ɖó Jeluzalɛ́mu wú, xomɛ ná nɔ́ hun mì ɖésú ɖó togun ce wú. È sɔ́ ná se avǐ kpó xósúsú kpó ɖě gbeɖé ɖo fínɛ́ ǎ.
20	Yɔkpɔ́vú ɖě sɔ́ ná flɛ́ kɛ́n ǎ; Degénɔ ɖě sɔ́ ná kú azǎn tɔn má sɔgbe ǎ; mɛ e ná ɖó xwe kanwe ko (100), bó ná kú ɔ́, è nǎ ɖɔ dɔ̌nkpɛ mɛ wɛ é ɖe bó kú. Mɛ e ma ná ɖó xwe kanwe ko (100), có bó kú ǎ ɔ́, è nǎ ɖɔ nu wɛ è dǒ e.
21	Yě ná sá xwé bó nɔ ɛ mɛ. Yě ná tun vǐwun bó ná ɖu sínsɛ́n tɔn.
22	Yě sɔ́ ná sá xwé ɖě, bɔ mɛ ɖěvo ná nɔ mɛ ǎ; yě ká sɔ́ ná tun vǐwun ɖě, bɔ mɛ ɖěvo ná wá ɖu sínsɛ́n tɔn ǎ. Ji e atín nɔ́ dɔ́ é wɛ togun ce ná dɔ́. Mɛ e un sɔ́ lɛ́ɛ ɔ́, nǔ e yě sɔ́ alɔ yětɔn dó bló lɛ́ɛ ɔ́, yě ná ɖu le tɔn.
23	Yě sɔ́ ná jɛ tagba dó wǔvɔ́ ɖě ǎ. Vǐ e yě ná ji lɛ́ɛ ɖě sɔ́ ná kú ɖo nukún yětɔn mɛ ǎ, ɖó mɛ e jí un xo ɖɛ dó lɛ́ɛ wɛ yě nyí, yě kpó vǐ yětɔn lɛ́ɛ kpó.
24	Cóbónú yě ná ylɔ́ mì ɔ́, un ná kó sɔ nú yě, yě ná kpo ɖo xó ɖɔ wɛ cóbɔ un ná kó se xó yětɔn.
25	ⓙ Hla kpó lɛ̌ngbɔ́ví kpó ná ɖu ama ɖó kpɔ́; kinnikínní ná ɖu ama nyibú ɖɔhun; dan ná nɔ́ ɖu kɔ́. Mɛ ɖé sɔ́ ná wa nyanya nú mɛ ɖé ǎ, mɛɖé ká sɔ́ ná hɛn nǔ gblé ɖo só mímɛ́ ce ɔ́ jí ǎ. Xó e nyɛ Mawu Mavɔmavɔ ɖɔ ɔ́ nɛ́.”

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary