Fon Bible - Ezekiel 27 (Fongbɛ)

Holy Bible

Search and read the Bible online

Ezekiel Chapter 27 (Fongbɛ)

Compare with Version:

¹ Mawu Mavɔmavɔ ɖɔ nú mì ɖɔ:

² “Hwɛ gbɛtɔ́ e, ji nǔwamɛhan ɖokpó nú Tíi toxo.

³ Ji nǔwamɛhan ɖokpó nú toxo énɛ́ ɔ́ kpó zohúnglíntɛn tɔn lɛ́ɛ kpó; ji nǔwamɛhan nú ajɔ̌watɔ́ lɛ́ɛ sín toxo énɛ́ ɔ́; ajɔ̌watɔ́ ée ɖo toxo énɛ́ ɔ́ mɛ lɛ́ɛ nɔ́ wa ajɔ̌ dó toxo gěgé mɛ; yě nɔ́ wa ajɔ̌ dó toxo e gbɔn xutó xutó lɛ́ɛ mɛ. Ji nǔwamɛhan nú yě ɖɔ: xó e nyɛ Aklúnɔ Mavɔmavɔ ɖɔ ɔ́ ɖíe: Tíi toxo! A nɔ ɖɔ: ‘Un nyɔ́ ɖɛkpɛ bɔ nǔ vɔ ɖ'é wú’.

⁴ Ayǐkúngban towe hun káká yi xu mɛ; mɛ e gbá we lɛ́ɛ ɔ́, yě bló we ɖó bɔ a nyɔ̌ ɖɛkpɛ bɔ nǔ vɔ ɖ'é wú.

⁵ Yě bló we bɔ a cí tɔjíhún ɖaxó ɖé ɖɔhun; yě sɔ́ siplɛ́tín Seníi tɔn dó bló wǔtu towe bǐ; yě sɔ́ sɛ́dlutín Libáan tɔn dó bló asyákpo towe.

⁶ Yě sɔ́ cɛ́nitín Basáni tɔn dó kpa zɛn towe lɛ́ɛ; fí e è nɔ nɔ bó nɔ́ kun tɔjíhún ɔ́ é ɔ́, sɛ́dlutín wɛ è dǒ bló; sɛ́dlutín tɔtɛ́ntinto Glɛ̌si tɔn lɛ́ɛ wɛ è dǒ bló, bó sɔ́ ajinakúɖú dó ba acɔ́ ná.

⁷ Avɔ e è nɔ dó nú we ɔ́ lɛ̌ɛnkan Ejípu tɔn wɛ è dǒ lɔn bó kó. Lɛ̌ɛnvɔ kíkó énɛ́ ɔ́ nɔ́ zɔ́n bɔ è ɖo zɔ ɔ́, è nɔ ko tunwun ɖɔ hwi wɛ. Avɔ kwélesinnɔ kpó vɔvɔ kpó e a nɔ cyɔ́n dó agban towe lɛ́ɛ ɔ́, tɔtɛ́ntinto Ciplu tɔn mɛ wɛ yě gosín.

⁸ Zɛnkuntɔ́ towe lɛ́ɛ ɔ́, Sidɔ́ɔn kpó Aavadi kpó wɛ yě gosín; Tíinu e nyɔ́ hǔn kun dóó lɛ́ɛ wɛ nɔ́ xlɛ́ ali tɔjíhún ɔ́.

⁹ Mɛ e nyɔ́ alɔlyɛ́nzɔ́ wa dódó lɛ́ɛ wɛ nɔ́ wa azɔ̌ ɖo tɔjíhún ɔ́ wú. Gebali wɛ yě gosín. Tɔjíhún e ko nɔ gbɔn xu jí lɛ́ɛ bǐ wɛ nɔ́ wá glín ɖo to towe mɛ, bɔ tɔzɔ́watɔ́ lɛ́ɛ nɔ́ xɔ ajɔ̌nú towe lɛ́ɛ.

¹⁰ Sɔ́ja e ɖo ahwangɔnu towe lɛ́ɛ mɛ lɛ́ɛ ɔ́, Pɛ́sinu ɖo yě mɛ, Lǔdinu ɖo yě mɛ, Pútinu ɖo yě mɛ. Yě fɔ gangbákún yětɔn lɛ́ɛ kpó gǎglónú yětɔn lɛ́ɛ kpó kplá nǔ kɔ ɖo ahwankpá towe lɛ́ɛ mɛ; sɔ́ja énɛ́ lɛ́ɛ zɔ́n bɔ nyǐkɔ towe yi jǐ.

¹¹ Sɔ́ja Aavadinu lɛ́ɛ kpó sɔ́ja towe lɛ́ɛ kpó nɔ́ cɔ́ ahohó towe lɛ́ɛ. Gamumadinu lɛ́ɛ nɔ́ nɔ mɛcɔ́kpe lɛ́ɛ ta. Yě nɔ́ fɔ gǎglónú yětɔn lɛ́ɛ kplá dǒ e è mɛ lɛ́ lɛ̌ dó we é. Yě wɛ zɔ́n bɔ ɖɛkpɛ towe ɔ́, nǔ vɔ ɖ'é wú.”

¹² “Taasísinu lɛ́ɛ nɔ wá xɔ ajɔ̌nú tɛnmɛ tɛnmɛ ɖo gɔ̌n towe, bó nɔ́ sɔ́ kpatágan, gan, aflélé kpó sunmí kpó dó sú axɔ́ we.

¹³ Glɛ̌sinu lɛ́ɛ, Tubalunu lɛ́ɛ kpó Mɛcɛ́kinu lɛ́ɛ kpó nɔ́ xɔ nǔ ɖo gɔ̌n towe; yě nɔ́ sɔ́ kannumɔ kpó nǔ tɛnmɛ tɛnmɛ e è sɔ́ ganvɔ dó bló lɛ́ɛ kpó dó wá ɖyɔ́ nǔ e a nɔ sa lɛ́ɛ ná.

¹⁴ Bɛti-Togáamanu lɛ́ɛ nɔ́ hɛn sɔ́ e a nɔ dó wa azɔ̌ lɛ́ɛ kpó sɔ́ e a nɔ hɛn yi ahwan lɛ́ɛ kpó, kpó sɔ́tócí kpó wá nú we.

¹⁵ Dedáninu lɛ́ɛ nɔ́ wa ajɔ̌ xá we. Mɛ e nɔ wa ajɔ̌ ɖo tɔtɛ́ntin to lɛ́ɛ mɛ lɛ́ɛ gěgé sín agban nɔ gbɔn jǐ towe. Bɔ yě nɔ́ sɔ́ ajinakúɖú kpó atín e è nɔ ylɔ́ ɖɔ ebɛ́ni é kpó dó sú axɔ́ we.

¹⁶ Silíinu lɛ́ɛ nɔ́ wá xɔ nǔ gěgé ɖo así we, bó nɔ́ sɔ́ awǐnnya e è nɔ ylɔ́ ɖɔ emɛlodu é kpó avɔ kwélesinnɔ ɖé lɛ́ɛ kpó, kpó avɔ kíkó lɛ́ɛ kpó, kpó awǐnnya e è nɔ ylɔ́ ɖɔ lubi é kpó nǔ awǐnnya ɖɔhun e è nɔ ylɔ́ ɖɔ koláyi é kpó, dó sú axɔ́ we.

¹⁷ Judáa togun ɔ́ kpó Izlayɛ́li togun ɔ́ kpó nɔ́ wa ajɔ̌ xá we; yě nɔ́ hɛn blěe Mɛniti tɔn, kpó wɔ̌xúxú kpó wǐin kpó, ami kpó, kpódó atínhúnhɔ́n wǎnɖagbenɔ kpó wá, bó nɔ́ wá ɖyɔ́ kpó nǔ e a nɔ sa lɛ́ɛ kpó.

¹⁸ Damásinu lɛ́ɛ nɔ́ xɔ nǔ ɖagbe tɛnmɛ tɛnmɛ e a nɔ sa lɛ́ɛ, káká bó nɔ́ sɔ́ vɛ̌ɛn ɖagbe ɖagbe Hɛlubɔ́ni tɔn kpó gbɔ̌fún Saxáa tɔn kpó dó sú axɔ́ we.

¹⁹ Dan sín akɔta lɛ́ɛ kpó Yaváni-Mɛwuzálu sín akɔta lɛ́ɛ kpó nɔ́ sɛ́ alǐnnyánú kpó atínfló kpó fántín wǎnɖagbenɔ kpó dó we sín Uzalu toxo ɔ́ mɛ, dó sú nǔ e yě xɔ ɖo así we lɛ́ɛ sín axɔ́.

²⁰ Dedáninu lɛ́ɛ ɔ́, nǔ e è nɔ sɔ́ ɖó sɔ́ jí, bó nɔ́ jínjɔ́n jí é sín ajɔ̌ wɛ yě nɔ́ wa xá we.

²¹ Alabíinu lɛ́ɛ kpódó gǎn Kedáa tɔn lɛ́ɛ kpó ɔ́, ajɔ̌tɔ́ towe wɛ yě nyǐ. Lɛ̌ngbɔ́ví kpó lɛ̌ngbɔ́ kpó gbɔ̌ kpó wɛ yě nɔ́ dó sú axɔ́ we.

²² Ajɔ̌tɔ́ Saba tɔn lɛ́ɛ kpó Hlaema tɔn lɛ́ɛ kpó ɔ́, nǔsáwǔ wǎnɖagbenɔ lɛ́ɛ kpó awǐnnya xɔ akwɛ́ tɛnmɛ tɛnmɛ lɛ́ɛ kpó siká kpó wɛ yě nɔ́ hɛn dó wá ɖyɔ́ ajɔ̌nú ná ɖo gɔ̌n towe.

²³ Haláani toxo ɔ́, Kannɛ́ɛ toxo ɔ́ kpódó Edɛ́ni toxo ɔ́ kpó nɔ́ wa ajɔ̌ xá we; mɔ̌ ɖokpó ɔ́, ajɔ̌tɔ́ Saba tɔn lɛ́ɛ, Asilíi toxo ɔ́ kpódó Kilumadi toxo ɔ́ tɔn kpó nɔ́ wa ajɔ̌ xá we.

²⁴ Nǔzínzán ɖagbe ɖagbe lɛ́ɛ wɛ yě nɔ́ wá sa xá we. Yě nɔ́ hɛn avɔ kwélesinnɔ, avɔ kíkó lɛ́ɛ kpó avɔ e è nɔ tɛ́ ɖó xɔ mɛ, bɔ é nɔ́ ɖó sin tɛnmɛ tɛnmɛ lɛ́ɛ kpó, bó nɔ́ hɛn kan gbigbɛ ɖagbe ɖagbe lɛ́ɛ wá gɔ̌n towe bó nɔ́ wá sa.

²⁵ ⓐ Tɔjíhún ɖaxó ɖaxó lɛ́ɛ wɛ nɔ́ kun agban tɛnmɛ tɛnmɛ nú we.” “Hwɛ Tíi toxo, hwɛ tɔjíhún ɖɛkpɛ ɖɛkpɛ, agban gɔ́ we ɖo xuzan mɛ.

²⁶ Zɛnkuntɔ́ towe lɛ́ɛ kun we yi xuzan mɛ aga ɖéé. Jɔhɔn zǎnzǎnhwe jí tɔn sí te, jɔhɔn ɔ́ sí te bo flí we gba dó xuzan mɛ.

²⁷ Ajɔ̌nú towe lɛ́ɛ, agban towe lɛ́ɛ, dɔkun towe lɛ́ɛ, tɔjíhúnkuntɔ́ towe lɛ́ɛ, tɔzɔ́watɔ́ towe lɛ́ɛ, mɛ e nɔ bló we ɖó lɛ́ɛ, axisinɔ towe e zɔ́n bɔ ajɔ̌ towe ɖo yiyi wɛ lɛ́ɛ, sɔ́ja e ɖo azɔ̌ wa nú we wɛ lɛ́ɛ, kpódó mɛ tobutóbú e a hɛn lɛ́ɛ bǐ kpó hwi kpó syɔ́.

²⁸ Mɛ e nɔ kpé nukún dó wǔ we lɛ́ɛ sú xó; mɛ e sín xwé ɖo tɔ tó lɛ́ɛ se bó nɔ́ sísɔ́.

²⁹ Énɛ́ ɔ́, mɛ e ɖo zɛn kun wɛ lɛ́ɛ bǐ gosín tɔjíhún yětɔn yětɔn mɛ, mɛ e ɖo tɔjíhún lɛ́ɛ mɛ lɛ́ɛ bǐ jɛ te wá agě jí.

³⁰ Yě bǐ byɔ́ aluwɛ mɛ; yě ɖo avǐ ya wɛ, yě ɖo vo sa wɛ, yě nɔ́ wún kɔ́ dó ta, yě nɔ́ blí gbo gbɔn afín mɛ.

³¹ Yě bǐ xwlɛ́ ta, yě dó nǔwamɛwu; yě ɖo vǐví we wɛ, yě ɖo alě ná wɛ.

³² Ɖo aluwɛ yětɔn mɛ ɔ́, yě ji gbɛvíhan nú we ɖɔ: ‘Tíi toxo! Ɖ'ayǐ ɔ́, è sixú sɔ́ we jlɛ́ dó toxo ɖé wú ǎ. Hwi ɖíe ká nɔ nu ma kɛ bo vɔ ɖo xu tɛ́ntin din e!’

³³ Nú a yi ɖe agban ɖó fí ɖé ɔ́, togun gěgé nɔ́ mɔ agban. Dɔkun towe wɔ̌buwɔ́bú lɛ́ɛ kpó ajɔ̌nú towe lɛ́ɛ kpó ɔ́, yě nɔ́ dó dɔkun nú axɔ́sú e ɖo ayǐkúngban jí lɛ́ɛ.

³⁴ Hwi ɖíe aslɔkɛ́ lɛ́ɛ ká gba din e! Hwi ɖíe syɔ́ ɖo xuzan mɛ e! Azɔ̌watɔ́ towe lɛ́ɛ kpó nǔ e a hɛn lɛ́ɛ kpó bǐ syɔ́. Hwi kpó yě kpó bǐ wɛ syɔ́, bó yi xuzan jí.

³⁵ Mɛ e ɖo tɔtó tɔtó ɖo zɔzɔ lɛ́ɛ ɔ́, ado hu yě bǐ, ahwi xo axɔ́sú yětɔn lɛ́ɛ; xɛsi ɖo nukún yětɔn ta.

³⁶ Nǔ e jɛ dó jǐ towe ɔ́ hu ado; ajɔ̌tɔ́ to ɖěvo mɛ tɔn lɛ́ɛ bǐ nɔ́ sá heelú; xó towe fó bǐ gbídí gbídí.”

#	Fongbɛ
1	Mawu Mavɔmavɔ ɖɔ nú mì ɖɔ:
2	“Hwɛ gbɛtɔ́ e, ji nǔwamɛhan ɖokpó nú Tíi toxo.
3	Ji nǔwamɛhan ɖokpó nú toxo énɛ́ ɔ́ kpó zohúnglíntɛn tɔn lɛ́ɛ kpó; ji nǔwamɛhan nú ajɔ̌watɔ́ lɛ́ɛ sín toxo énɛ́ ɔ́; ajɔ̌watɔ́ ée ɖo toxo énɛ́ ɔ́ mɛ lɛ́ɛ nɔ́ wa ajɔ̌ dó toxo gěgé mɛ; yě nɔ́ wa ajɔ̌ dó toxo e gbɔn xutó xutó lɛ́ɛ mɛ. Ji nǔwamɛhan nú yě ɖɔ: xó e nyɛ Aklúnɔ Mavɔmavɔ ɖɔ ɔ́ ɖíe: Tíi toxo! A nɔ ɖɔ: ‘Un nyɔ́ ɖɛkpɛ bɔ nǔ vɔ ɖ'é wú’.
4	Ayǐkúngban towe hun káká yi xu mɛ; mɛ e gbá we lɛ́ɛ ɔ́, yě bló we ɖó bɔ a nyɔ̌ ɖɛkpɛ bɔ nǔ vɔ ɖ'é wú.
5	Yě bló we bɔ a cí tɔjíhún ɖaxó ɖé ɖɔhun; yě sɔ́ siplɛ́tín Seníi tɔn dó bló wǔtu towe bǐ; yě sɔ́ sɛ́dlutín Libáan tɔn dó bló asyákpo towe.
6	Yě sɔ́ cɛ́nitín Basáni tɔn dó kpa zɛn towe lɛ́ɛ; fí e è nɔ nɔ bó nɔ́ kun tɔjíhún ɔ́ é ɔ́, sɛ́dlutín wɛ è dǒ bló; sɛ́dlutín tɔtɛ́ntinto Glɛ̌si tɔn lɛ́ɛ wɛ è dǒ bló, bó sɔ́ ajinakúɖú dó ba acɔ́ ná.
7	Avɔ e è nɔ dó nú we ɔ́ lɛ̌ɛnkan Ejípu tɔn wɛ è dǒ lɔn bó kó. Lɛ̌ɛnvɔ kíkó énɛ́ ɔ́ nɔ́ zɔ́n bɔ è ɖo zɔ ɔ́, è nɔ ko tunwun ɖɔ hwi wɛ. Avɔ kwélesinnɔ kpó vɔvɔ kpó e a nɔ cyɔ́n dó agban towe lɛ́ɛ ɔ́, tɔtɛ́ntinto Ciplu tɔn mɛ wɛ yě gosín.
8	Zɛnkuntɔ́ towe lɛ́ɛ ɔ́, Sidɔ́ɔn kpó Aavadi kpó wɛ yě gosín; Tíinu e nyɔ́ hǔn kun dóó lɛ́ɛ wɛ nɔ́ xlɛ́ ali tɔjíhún ɔ́.
9	Mɛ e nyɔ́ alɔlyɛ́nzɔ́ wa dódó lɛ́ɛ wɛ nɔ́ wa azɔ̌ ɖo tɔjíhún ɔ́ wú. Gebali wɛ yě gosín. Tɔjíhún e ko nɔ gbɔn xu jí lɛ́ɛ bǐ wɛ nɔ́ wá glín ɖo to towe mɛ, bɔ tɔzɔ́watɔ́ lɛ́ɛ nɔ́ xɔ ajɔ̌nú towe lɛ́ɛ.
10	Sɔ́ja e ɖo ahwangɔnu towe lɛ́ɛ mɛ lɛ́ɛ ɔ́, Pɛ́sinu ɖo yě mɛ, Lǔdinu ɖo yě mɛ, Pútinu ɖo yě mɛ. Yě fɔ gangbákún yětɔn lɛ́ɛ kpó gǎglónú yětɔn lɛ́ɛ kpó kplá nǔ kɔ ɖo ahwankpá towe lɛ́ɛ mɛ; sɔ́ja énɛ́ lɛ́ɛ zɔ́n bɔ nyǐkɔ towe yi jǐ.
11	Sɔ́ja Aavadinu lɛ́ɛ kpó sɔ́ja towe lɛ́ɛ kpó nɔ́ cɔ́ ahohó towe lɛ́ɛ. Gamumadinu lɛ́ɛ nɔ́ nɔ mɛcɔ́kpe lɛ́ɛ ta. Yě nɔ́ fɔ gǎglónú yětɔn lɛ́ɛ kplá dǒ e è mɛ lɛ́ lɛ̌ dó we é. Yě wɛ zɔ́n bɔ ɖɛkpɛ towe ɔ́, nǔ vɔ ɖ'é wú.”
12	“Taasísinu lɛ́ɛ nɔ wá xɔ ajɔ̌nú tɛnmɛ tɛnmɛ ɖo gɔ̌n towe, bó nɔ́ sɔ́ kpatágan, gan, aflélé kpó sunmí kpó dó sú axɔ́ we.
13	Glɛ̌sinu lɛ́ɛ, Tubalunu lɛ́ɛ kpó Mɛcɛ́kinu lɛ́ɛ kpó nɔ́ xɔ nǔ ɖo gɔ̌n towe; yě nɔ́ sɔ́ kannumɔ kpó nǔ tɛnmɛ tɛnmɛ e è sɔ́ ganvɔ dó bló lɛ́ɛ kpó dó wá ɖyɔ́ nǔ e a nɔ sa lɛ́ɛ ná.
14	Bɛti-Togáamanu lɛ́ɛ nɔ́ hɛn sɔ́ e a nɔ dó wa azɔ̌ lɛ́ɛ kpó sɔ́ e a nɔ hɛn yi ahwan lɛ́ɛ kpó, kpó sɔ́tócí kpó wá nú we.
15	Dedáninu lɛ́ɛ nɔ́ wa ajɔ̌ xá we. Mɛ e nɔ wa ajɔ̌ ɖo tɔtɛ́ntin to lɛ́ɛ mɛ lɛ́ɛ gěgé sín agban nɔ gbɔn jǐ towe. Bɔ yě nɔ́ sɔ́ ajinakúɖú kpó atín e è nɔ ylɔ́ ɖɔ ebɛ́ni é kpó dó sú axɔ́ we.
16	Silíinu lɛ́ɛ nɔ́ wá xɔ nǔ gěgé ɖo así we, bó nɔ́ sɔ́ awǐnnya e è nɔ ylɔ́ ɖɔ emɛlodu é kpó avɔ kwélesinnɔ ɖé lɛ́ɛ kpó, kpó avɔ kíkó lɛ́ɛ kpó, kpó awǐnnya e è nɔ ylɔ́ ɖɔ lubi é kpó nǔ awǐnnya ɖɔhun e è nɔ ylɔ́ ɖɔ koláyi é kpó, dó sú axɔ́ we.
17	Judáa togun ɔ́ kpó Izlayɛ́li togun ɔ́ kpó nɔ́ wa ajɔ̌ xá we; yě nɔ́ hɛn blěe Mɛniti tɔn, kpó wɔ̌xúxú kpó wǐin kpó, ami kpó, kpódó atínhúnhɔ́n wǎnɖagbenɔ kpó wá, bó nɔ́ wá ɖyɔ́ kpó nǔ e a nɔ sa lɛ́ɛ kpó.
18	Damásinu lɛ́ɛ nɔ́ xɔ nǔ ɖagbe tɛnmɛ tɛnmɛ e a nɔ sa lɛ́ɛ, káká bó nɔ́ sɔ́ vɛ̌ɛn ɖagbe ɖagbe Hɛlubɔ́ni tɔn kpó gbɔ̌fún Saxáa tɔn kpó dó sú axɔ́ we.
19	Dan sín akɔta lɛ́ɛ kpó Yaváni-Mɛwuzálu sín akɔta lɛ́ɛ kpó nɔ́ sɛ́ alǐnnyánú kpó atínfló kpó fántín wǎnɖagbenɔ kpó dó we sín Uzalu toxo ɔ́ mɛ, dó sú nǔ e yě xɔ ɖo así we lɛ́ɛ sín axɔ́.
20	Dedáninu lɛ́ɛ ɔ́, nǔ e è nɔ sɔ́ ɖó sɔ́ jí, bó nɔ́ jínjɔ́n jí é sín ajɔ̌ wɛ yě nɔ́ wa xá we.
21	Alabíinu lɛ́ɛ kpódó gǎn Kedáa tɔn lɛ́ɛ kpó ɔ́, ajɔ̌tɔ́ towe wɛ yě nyǐ. Lɛ̌ngbɔ́ví kpó lɛ̌ngbɔ́ kpó gbɔ̌ kpó wɛ yě nɔ́ dó sú axɔ́ we.
22	Ajɔ̌tɔ́ Saba tɔn lɛ́ɛ kpó Hlaema tɔn lɛ́ɛ kpó ɔ́, nǔsáwǔ wǎnɖagbenɔ lɛ́ɛ kpó awǐnnya xɔ akwɛ́ tɛnmɛ tɛnmɛ lɛ́ɛ kpó siká kpó wɛ yě nɔ́ hɛn dó wá ɖyɔ́ ajɔ̌nú ná ɖo gɔ̌n towe.
23	Haláani toxo ɔ́, Kannɛ́ɛ toxo ɔ́ kpódó Edɛ́ni toxo ɔ́ kpó nɔ́ wa ajɔ̌ xá we; mɔ̌ ɖokpó ɔ́, ajɔ̌tɔ́ Saba tɔn lɛ́ɛ, Asilíi toxo ɔ́ kpódó Kilumadi toxo ɔ́ tɔn kpó nɔ́ wa ajɔ̌ xá we.
24	Nǔzínzán ɖagbe ɖagbe lɛ́ɛ wɛ yě nɔ́ wá sa xá we. Yě nɔ́ hɛn avɔ kwélesinnɔ, avɔ kíkó lɛ́ɛ kpó avɔ e è nɔ tɛ́ ɖó xɔ mɛ, bɔ é nɔ́ ɖó sin tɛnmɛ tɛnmɛ lɛ́ɛ kpó, bó nɔ́ hɛn kan gbigbɛ ɖagbe ɖagbe lɛ́ɛ wá gɔ̌n towe bó nɔ́ wá sa.
25	ⓐ Tɔjíhún ɖaxó ɖaxó lɛ́ɛ wɛ nɔ́ kun agban tɛnmɛ tɛnmɛ nú we.” “Hwɛ Tíi toxo, hwɛ tɔjíhún ɖɛkpɛ ɖɛkpɛ, agban gɔ́ we ɖo xuzan mɛ.
26	Zɛnkuntɔ́ towe lɛ́ɛ kun we yi xuzan mɛ aga ɖéé. Jɔhɔn zǎnzǎnhwe jí tɔn sí te, jɔhɔn ɔ́ sí te bo flí we gba dó xuzan mɛ.
27	Ajɔ̌nú towe lɛ́ɛ, agban towe lɛ́ɛ, dɔkun towe lɛ́ɛ, tɔjíhúnkuntɔ́ towe lɛ́ɛ, tɔzɔ́watɔ́ towe lɛ́ɛ, mɛ e nɔ bló we ɖó lɛ́ɛ, axisinɔ towe e zɔ́n bɔ ajɔ̌ towe ɖo yiyi wɛ lɛ́ɛ, sɔ́ja e ɖo azɔ̌ wa nú we wɛ lɛ́ɛ, kpódó mɛ tobutóbú e a hɛn lɛ́ɛ bǐ kpó hwi kpó syɔ́.
28	Mɛ e nɔ kpé nukún dó wǔ we lɛ́ɛ sú xó; mɛ e sín xwé ɖo tɔ tó lɛ́ɛ se bó nɔ́ sísɔ́.
29	Énɛ́ ɔ́, mɛ e ɖo zɛn kun wɛ lɛ́ɛ bǐ gosín tɔjíhún yětɔn yětɔn mɛ, mɛ e ɖo tɔjíhún lɛ́ɛ mɛ lɛ́ɛ bǐ jɛ te wá agě jí.
30	Yě bǐ byɔ́ aluwɛ mɛ; yě ɖo avǐ ya wɛ, yě ɖo vo sa wɛ, yě nɔ́ wún kɔ́ dó ta, yě nɔ́ blí gbo gbɔn afín mɛ.
31	Yě bǐ xwlɛ́ ta, yě dó nǔwamɛwu; yě ɖo vǐví we wɛ, yě ɖo alě ná wɛ.
32	Ɖo aluwɛ yětɔn mɛ ɔ́, yě ji gbɛvíhan nú we ɖɔ: ‘Tíi toxo! Ɖ'ayǐ ɔ́, è sixú sɔ́ we jlɛ́ dó toxo ɖé wú ǎ. Hwi ɖíe ká nɔ nu ma kɛ bo vɔ ɖo xu tɛ́ntin din e!’
33	Nú a yi ɖe agban ɖó fí ɖé ɔ́, togun gěgé nɔ́ mɔ agban. Dɔkun towe wɔ̌buwɔ́bú lɛ́ɛ kpó ajɔ̌nú towe lɛ́ɛ kpó ɔ́, yě nɔ́ dó dɔkun nú axɔ́sú e ɖo ayǐkúngban jí lɛ́ɛ.
34	Hwi ɖíe aslɔkɛ́ lɛ́ɛ ká gba din e! Hwi ɖíe syɔ́ ɖo xuzan mɛ e! Azɔ̌watɔ́ towe lɛ́ɛ kpó nǔ e a hɛn lɛ́ɛ kpó bǐ syɔ́. Hwi kpó yě kpó bǐ wɛ syɔ́, bó yi xuzan jí.
35	Mɛ e ɖo tɔtó tɔtó ɖo zɔzɔ lɛ́ɛ ɔ́, ado hu yě bǐ, ahwi xo axɔ́sú yětɔn lɛ́ɛ; xɛsi ɖo nukún yětɔn ta.
36	Nǔ e jɛ dó jǐ towe ɔ́ hu ado; ajɔ̌tɔ́ to ɖěvo mɛ tɔn lɛ́ɛ bǐ nɔ́ sá heelú; xó towe fó bǐ gbídí gbídí.”

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary