Fon Bible - Ezekiel 33 (Fongbɛ)

Holy Bible

Search and read the Bible online

Ezekiel Chapter 33 (Fongbɛ)

Compare with Version:

¹ Mawu Mavɔmavɔ ɖɔ nú mì ɖɔ:

² “Hwɛ gbɛtɔ́ e, nú un sɛ́ ahwan dó to ɖé mɛ ɔ́, nǔ e nɔ jɛ lɛ́ɛ ɔ́, flín Izlayɛ́li ví lɛ́ɛ. To ɔ́ mɛ ví lɛ́ɛ nɔ́ kpɔ́n yěɖée mɛ, bó nɔ́ ɖe súnnu ɖokpó, bɔ é nɔ́ nyí mɛcɔ́tɔ́.

³ Mɛcɔ́tɔ́ ɔ́ mɔ ahwangɔnu kɛntɔ́ tɔn jǎwe lě tlóló ɔ́, é nɔ́ kún lanzo, bó nɔ́ ɖɔ nú mɛ tɔn lɛ́ɛ.

⁴ Ényí mɛɖé se lanzo ɔ́ gbe, bó má ké ya ná ǎ, bó jó éɖée dó bɔ kɛntɔ́ wá hu i hǔn, é ɖésú wú wɛ é sɔ́n nɛ́.

⁵ É se lanzo gbe ɔ́ ganjí bó ká ké ya ná ǎ; hǔn é ɖésú wɛ jló bó kú; é kó ké ya ná wɛ ɔ́, é ná gán.

⁶ Ényí mɛcɔ́tɔ́ ɔ́ ká mɔ ahwangɔnu kɛntɔ́ lɛ́ɛ tɔn jǎwe, bó má kún lanzo ǎ, bónú mɛtɔn lɛ́ɛ ɖo manywɛ́ mɛ, bɔ kɛntɔ́ wá fyán yě, bó hu mɛɖé ɔ́, mɛ ɔ́ ná kú ɖó hwɛ tɔn lɛ́ɛ wú, amɔ̌, mɛcɔ́tɔ́ ɔ́ wɛ un ná kan mɛ e kú ɔ́ sín hun byɔ́.

⁷ “Hwɛ gbɛtɔ́ e, hwi wɛ un sɔ́ mɛcɔ́tɔ́ ɖó Izlayɛ́li ví lɛ́ɛ nu, bónú yě ɖo nǔ nyanya ɖé mɛ ná jɛ wɛ ɔ́, a nǎ nɔ́ ɖɔ nú yě. A nǎ nɔ́ ɖótó mì, bɔ nú un dó wɛn ɖé we ɔ́, a nǎ nɔ́ dó yě.

⁸ Ényí mɛdídá ɖo nǔ wa nyi do wɛ, bónú un ɖɔ mɛdídá énɛ́ ɔ́ ná kú, nú hwɛ ma ka ɖɔ n'i bónú é jó jijɔ nyanya dó ǎ ɔ́, mɛdídá ɔ́ ná kú ɖó hwɛ tɔn lɛ́ɛ wú; amɔ̌, hwi wɛ un ná kan kanjɔ tɔn byɔ́.

⁹ A ka dó wɛn mɛ ɔ́ ɖɔ é ní húzú jijɔ, bónú é má húzú jijɔ ǎ ɔ́, é ná kú ɖó hwɛ tɔn lɛ́ɛ wútu; hwɛ ka ná hwlɛ́n gbɛ towe.”

¹⁰ “Hwɛ gbɛtɔ́ e, din ɔ́, ɖɔ nú Izlayɛ́li ví lɛ́ɛ ɖɔ mi nɔ gɔn ɖiɖɔ gbeɖé ɖɔ: ‘Hwɛ e mǐ hu lɛ́ɛ sín agban ɖo mǐ kpɛn wɛ, bɔ mǐ ɖo xúxú dó te wɛ. Nɛ̌ mǐ ná wa gbɔn din bó ná gán’ ǎ.

¹¹ Ɖɔ nú yě ɖɔ nyɛ Aklúnɔ Mavɔmavɔ ɔ́, un xwlé nyiɖée ɖɔ: Un ba gbeɖé kpɔ́n ɖɔ mɛ nyanya ní kú ǎ. Nǔ ɖokpó e ba wɛ un ɖe ɔ́ wɛ nyí ɖɔ é ní lɛ́ kɔ sín hwɛ tɔn lɛ́ɛ gúdo, bó nɔ gbɛ. Izlayɛ́li ví lɛ́ɛ mi, kɛnklɛ́n wɛ un dó nú mi, mi lɛ́ kɔ sín hwɛ mitɔn lɛ́ɛ gúdo. Étɛ́wú mi ɖésúnɔ ká ná jló bó ná kú?

¹² “Hwɛ gbɛtɔ́ e, ɖɔ xó élɔ́ nú to towe mɛ nu lɛ́ɛ: ‘Ényí gbɛtɔ́ e ko nɔ wa nǔ ɖó sɛ́nxwi jí ɔ́ wá jɛ nǔ nyanya wa jí ɔ́, nǔ e é nɔ́ wa ɖó sɛ́nxwi jí ɖ'ayǐ é nɔ́ zɔ́n bónú è nɔ gɔn tó dɔn n'i ǎ. Mɛ e ka ko nyí mɛdídá é wá jɛ nǔ wa ɖó sɛ́nxwi jí jí ɔ́, nyanya e é kó wa ɖ'ayǐ ɔ́ nɔ́ zɔ́n bónú è nɔ dɔn tó n'i ǎ. Ényí mɛ e nyí mɛ jlɔ́jlɔ́ ɔ́ wá jɛ nǔ nyanya wa jí ɔ́, tónú e é kó se ɖ'ayǐ ɔ́ nɔ́ zɔ́n nú é nɔ́ nɔ gbɛ ǎ.

¹³ Ényí mɛ ɖé tíin, bó nɔ́ wa nǔ jlɔ́jlɔ́, nú un dó gbɛ sín akpá n'i, bónú é kó mɔ ɖɔ nǔ jlɔ́jlɔ́ e émí wa e kó kpé, bó jɛ nǔ nyanya wa jí ɔ́, nǔ jlɔ́jlɔ́ e é kó wa ɖ'ayǐ ɔ́, è nǎ wɔn bǐ, bɔ é ná kú ɖó nyanya e é wa ɔ́ wú.

¹⁴ Ényí un ka ɖɔ nú mɛdídá ɖé ɖɔ é ná kú bónú é lɛ́ kɔ sín nǔ nyanya e dó sin wɛ é ɖe ɔ́ gúdo, bó jɛ nǔ e sɔgbe bó nyí nǔ jlɔ́jlɔ́ ɔ́ wa jí ɔ́, é ná nɔ gbɛ.

¹⁵ Nú mɛ ɔ́ sɔ́ nǔ e é yí ɖó gbanu ɔ́ jó, bó sɔ́ nǔ e é fin é jó bó ma sɔ́ wa nyanya ɖé ǎ, bó jɛ tónú se nú sɛ́n e nɔ́ ná gbɛ mɛ lɛ́ɛ jí ɔ́, é sɔ́ ná kú ǎ; é ná nɔ gbɛ.

¹⁶ Hwɛ e é ko hu lɛ́ɛ ɔ́, è nǎ wɔn bǐ, ɖó nǔ sɔgbe, nǔ jlɔ́jlɔ́ e é jɛ wiwa jí ɔ́ wú.’

¹⁷ “Mɛ towe lɛ́ɛ nɔ́ ɖɔ nyɛ Aklúnɔ, nyɛ nɔ́ dó atɔ́ɔ́nnu nǔ jí. Nyɛ wɛ ka nɔ dó atɔ́ɔ́nnu nǔ jí ǎ, yědɛɛ lɛ́ɛ wɛ ma ɖo nǔ wa ɖó nǔ gan jí wɛ ǎ.

¹⁸ Ényí mɛ jlɔ́jlɔ́ ɖé jó ɖagbewiwa dó, bó jɛ nǔ nyanya wa jí ɔ́, é ná kú ɖó énɛ́ ɔ́ wú.

¹⁹ Lo ɔ́, ényí mɛdídá jó nyanya wiwa dó, bó jɛ nǔ jlɔ́jlɔ́, nǔ e sɔgbe lɛ́ɛ wa jí ɔ́, é ná nɔ gbɛ ɖó énɛ́ ɔ́ wú.

²⁰ “Mi Izlayɛ́li ví lɛ́ɛ mi, mi nɔ ɖɔ nyi nɔ dó atɔ́ɔ́nnu nǔ jí. Nǔ e mi ná tunwun ɔ́ wɛ nyí ɖɔ lě e mɛ ɖokpó ɖokpó nɔ́ wa nǔ gbɔn ɔ́ wɛ un ná kpɔ́n dó ɖɔ hwɛ xá ɛ.”

²¹ ⓖ Ahwan wlí mǐ Izlayɛ́li ví lɛ́ɛ yi Babilɔ́nu ɔ́, xwe tɔn wěwegɔ́ ɔ́ mɛ ɔ́, mɛ e gán hwenu e è yǐ Jeluzalɛ́mu toxo ɔ́ ɖokpó wá ɖɔ xó nú mì ɖo azǎn atɔ́ɔ́ngɔ́ e ɖo sun wǒgɔ́ ɔ́ xwe énɛ́ xwe é gbe; é ɖɔ nú mì ɖɔ: “Kɛntɔ́ yí toxo ɔ́!”

²² É kpo sɔ bɔ mɛ ɔ́ ná wá ɖɔ xó nú mì ɔ́, gbadanu tɔn ɔ́, Mawu Mavɔmavɔ sín hlɔ̌nhlɔ́n kó wá jǐ ce, bó tún kan nú ɖɛ̌ ce bɔ un ko jɛ xó ɖɔ jí cóbɔ mɛ ɔ́ wá ayǐhɔ́ngbe tɔn zǎnzǎn; Mawu ko tún kan nú ɖɛ̌ ce bɔ un sɔ́ nyí mɛ e ma nɔ ɖɔ xó ǎ é ǎ; hǔn un hɛn ɔ́, un ná ɖɔ xó.

²³ Énɛ́ ɔ́, Mawu Mavɔmavɔ ɖɔ nú mì ɖɔ:

²⁴ “Hwɛ gbɛtɔ́ e, mɛ e kpo ɖo Izlayɛ́li toxo e è gba lɛ́ɛ mɛ lɛ́ɛ ɔ́, xó e yě nɔ́ ɖɔ é ɖíe: ‘Ablaxámu ɔ́, é ɖokpónɔ géé wɛ, bɔ to ɔ́ bǐ ká nyí étɔn; mǐdɛɛ lɛ́ɛ ká sukpɔ́; hǔn, mǐdɛɛ lɛ́ɛ tɔn wɛ to ɔ́ ɖó ná nyí din.’

²⁵ Din ɔ́, ɖɔ nú yě ɖɔ: Xó e nyɛ Aklúnɔ Mavɔmavɔ ɖɔ ɔ́ ɖíe: Mi nɔ ɖu lan kpó kanjɔ kpó, mi nɔ sɛn vodún, mi nɔ hu mɛ; nɛ̌ to ɔ́ ká ná nyí mitɔn gbɔn?

²⁶ Ahwanlyánnú mitɔn lɛ́ɛ wú wɛ mi nɔ gán jɛ, mi nɔ dó nǔ baɖabaɖa lɛ́ɛ sin; mi bǐ wɛ nɔ ba nɔzo mitɔn lɛ́ɛ sín asi. Nɛ̌ to ɔ́ ná nyí mitɔn gbɔn?

²⁷ “Hwɛ gbɛtɔ́ e, dǒ wɛn élɔ́ yě nú mì. Ɖɔ nú yě ɖɔ: ‘Nyɛ Aklúnɔ Mavɔmavɔ ɔ́, un xwlé nyiɖée nú mi ɖɔ: Mi mɛ e kpo bo ɖo toxo e è ko gba lɛ́ɛ mɛ lɛ́ɛ ɔ́, è nǎ hu mi bǐ. Mi mɛ e hɔn yi cí gběgbó mɛ lɛ́ɛ ɔ́, kanlin ná wlí mi ɖu. Mi mɛ e hɔn yi cí sókan mɛ, bó ɖo sónu mɛ sónu mɛ lɛ́ɛ ɔ́, jɛmɛjí ná hu mi.

²⁸ Un ná gba to ɔ́ bǐ hánnyá, bó ná sɔ́ dó húzú gbětótló; hlɔ̌nhlɔ́n e é ɖó bó nɔ́ dó yí go ná ɔ́, é ná ba kpo. Mɛ ɖé sɔ́ ná nɔ só e ɖo Izlayɛ́li lɛ́ɛ ɖě jí gbeɖé ǎ; mɛɖé sɔ́ ná zɛ gbɔn fínɛ́ gbeɖé ǎ.’

²⁹ Nú un gba Izlayɛ́li to ɔ́ bǐ bó sɔ́ dó húzú gbětótló, bó dó dɔn tó nú Izlayɛ́li ví lɛ́ɛ ɖó nǔ baɖabaɖa e yě dó sin lɛ́ɛ wútu ɔ́, yě ná tunwun ɖɔ nyɛ wɛ nyí Mawu Mavɔmavɔ nǔgbó.

³⁰ “Hwɛ gbɛtɔ́ e, mɛ e kpó hwi kpó ahwan wlí wá to ɖěvo mɛ fí lɛ́ɛ ɖo nǔ towe ɖɔ wɛ ɖo yěɖée tɛ́ntin; yě nɔ́ ɖo nǔ towe ɖɔ wɛ gbɔn dǒ e è mɛ lɛ́ lɛ̌ dó toxo ɔ́ lɛ́ɛ wú; yě nɔ́ ɖo nǔ towe ɖɔ wɛ gbɔn hɔn yětɔn lɛ́ɛ ta, hɔn yětɔn lɛ́ɛ ta. Yě nɔ́ ɖɔ: ‘Mi wá mǐ yi se xó e Mawu Mavɔmavɔ ɖɔ é mɛ!’

³¹ Énɛ́ ɔ́, yě nɔ́ dó ahwan gbě kpɔ́ gégé bó ná ɖótó we; yě nɔ́ jínjɔ́n ayǐ bó nɔ́ ɖótó we ganjí; amɔ̌, yě nɔ́ xwédo xó towe dó wa nǔ ǎ. Nǔ e jló yě lɛ́ɛ kɛ́ɖɛ́ wɛ yě nɔ́ wa; yě nɔ́ bló nǔ e ná nyí ɖagbe nú yě ɖokpónɔ lɛ́ɛ kɛ́ɖɛ́.

³² Hanvívíjitɔ́ ɖé kpowun wɛ yě sɔ́ we dó mɔ, hanvívíjitɔ́ e ɖó gbe ɖagbe kɔ nu bó nɔ́ dó ji han, bó nɔ́ ɖo nǔ xo d'é mɛ wɛ ɔ́ wɛ yě sɔ́ we dó mɔ. Yě nɔ́ se xó e a ɖɔ lɛ́ɛ; yě mɛ ɖěbǔ ka nɔ bló ɖ'é ji ǎ.

³³ Amɔ̌, hwenu e nǔ e a ɖɔ lɛ́ɛ ná jɛ ɔ́, é ká sɔ́ ɖo lǐnlín mɛ lɔ ǎ; nǎ jɛ wɛ é kó ɖe; hwe énɛ́ ɔ́ nu ɔ́, yě ná tunwun ɖɔ gbeyíɖɔ Mawu tɔn ɖokpó ɖo yě tɛ́ntin.”

#	Fongbɛ
1	Mawu Mavɔmavɔ ɖɔ nú mì ɖɔ:
2	“Hwɛ gbɛtɔ́ e, nú un sɛ́ ahwan dó to ɖé mɛ ɔ́, nǔ e nɔ jɛ lɛ́ɛ ɔ́, flín Izlayɛ́li ví lɛ́ɛ. To ɔ́ mɛ ví lɛ́ɛ nɔ́ kpɔ́n yěɖée mɛ, bó nɔ́ ɖe súnnu ɖokpó, bɔ é nɔ́ nyí mɛcɔ́tɔ́.
3	Mɛcɔ́tɔ́ ɔ́ mɔ ahwangɔnu kɛntɔ́ tɔn jǎwe lě tlóló ɔ́, é nɔ́ kún lanzo, bó nɔ́ ɖɔ nú mɛ tɔn lɛ́ɛ.
4	Ényí mɛɖé se lanzo ɔ́ gbe, bó má ké ya ná ǎ, bó jó éɖée dó bɔ kɛntɔ́ wá hu i hǔn, é ɖésú wú wɛ é sɔ́n nɛ́.
5	É se lanzo gbe ɔ́ ganjí bó ká ké ya ná ǎ; hǔn é ɖésú wɛ jló bó kú; é kó ké ya ná wɛ ɔ́, é ná gán.
6	Ényí mɛcɔ́tɔ́ ɔ́ ká mɔ ahwangɔnu kɛntɔ́ lɛ́ɛ tɔn jǎwe, bó má kún lanzo ǎ, bónú mɛtɔn lɛ́ɛ ɖo manywɛ́ mɛ, bɔ kɛntɔ́ wá fyán yě, bó hu mɛɖé ɔ́, mɛ ɔ́ ná kú ɖó hwɛ tɔn lɛ́ɛ wú, amɔ̌, mɛcɔ́tɔ́ ɔ́ wɛ un ná kan mɛ e kú ɔ́ sín hun byɔ́.
7	“Hwɛ gbɛtɔ́ e, hwi wɛ un sɔ́ mɛcɔ́tɔ́ ɖó Izlayɛ́li ví lɛ́ɛ nu, bónú yě ɖo nǔ nyanya ɖé mɛ ná jɛ wɛ ɔ́, a nǎ nɔ́ ɖɔ nú yě. A nǎ nɔ́ ɖótó mì, bɔ nú un dó wɛn ɖé we ɔ́, a nǎ nɔ́ dó yě.
8	Ényí mɛdídá ɖo nǔ wa nyi do wɛ, bónú un ɖɔ mɛdídá énɛ́ ɔ́ ná kú, nú hwɛ ma ka ɖɔ n'i bónú é jó jijɔ nyanya dó ǎ ɔ́, mɛdídá ɔ́ ná kú ɖó hwɛ tɔn lɛ́ɛ wú; amɔ̌, hwi wɛ un ná kan kanjɔ tɔn byɔ́.
9	A ka dó wɛn mɛ ɔ́ ɖɔ é ní húzú jijɔ, bónú é má húzú jijɔ ǎ ɔ́, é ná kú ɖó hwɛ tɔn lɛ́ɛ wútu; hwɛ ka ná hwlɛ́n gbɛ towe.”
10	“Hwɛ gbɛtɔ́ e, din ɔ́, ɖɔ nú Izlayɛ́li ví lɛ́ɛ ɖɔ mi nɔ gɔn ɖiɖɔ gbeɖé ɖɔ: ‘Hwɛ e mǐ hu lɛ́ɛ sín agban ɖo mǐ kpɛn wɛ, bɔ mǐ ɖo xúxú dó te wɛ. Nɛ̌ mǐ ná wa gbɔn din bó ná gán’ ǎ.
11	Ɖɔ nú yě ɖɔ nyɛ Aklúnɔ Mavɔmavɔ ɔ́, un xwlé nyiɖée ɖɔ: Un ba gbeɖé kpɔ́n ɖɔ mɛ nyanya ní kú ǎ. Nǔ ɖokpó e ba wɛ un ɖe ɔ́ wɛ nyí ɖɔ é ní lɛ́ kɔ sín hwɛ tɔn lɛ́ɛ gúdo, bó nɔ gbɛ. Izlayɛ́li ví lɛ́ɛ mi, kɛnklɛ́n wɛ un dó nú mi, mi lɛ́ kɔ sín hwɛ mitɔn lɛ́ɛ gúdo. Étɛ́wú mi ɖésúnɔ ká ná jló bó ná kú?
12	“Hwɛ gbɛtɔ́ e, ɖɔ xó élɔ́ nú to towe mɛ nu lɛ́ɛ: ‘Ényí gbɛtɔ́ e ko nɔ wa nǔ ɖó sɛ́nxwi jí ɔ́ wá jɛ nǔ nyanya wa jí ɔ́, nǔ e é nɔ́ wa ɖó sɛ́nxwi jí ɖ'ayǐ é nɔ́ zɔ́n bónú è nɔ gɔn tó dɔn n'i ǎ. Mɛ e ka ko nyí mɛdídá é wá jɛ nǔ wa ɖó sɛ́nxwi jí jí ɔ́, nyanya e é kó wa ɖ'ayǐ ɔ́ nɔ́ zɔ́n bónú è nɔ dɔn tó n'i ǎ. Ényí mɛ e nyí mɛ jlɔ́jlɔ́ ɔ́ wá jɛ nǔ nyanya wa jí ɔ́, tónú e é kó se ɖ'ayǐ ɔ́ nɔ́ zɔ́n nú é nɔ́ nɔ gbɛ ǎ.
13	Ényí mɛ ɖé tíin, bó nɔ́ wa nǔ jlɔ́jlɔ́, nú un dó gbɛ sín akpá n'i, bónú é kó mɔ ɖɔ nǔ jlɔ́jlɔ́ e émí wa e kó kpé, bó jɛ nǔ nyanya wa jí ɔ́, nǔ jlɔ́jlɔ́ e é kó wa ɖ'ayǐ ɔ́, è nǎ wɔn bǐ, bɔ é ná kú ɖó nyanya e é wa ɔ́ wú.
14	Ényí un ka ɖɔ nú mɛdídá ɖé ɖɔ é ná kú bónú é lɛ́ kɔ sín nǔ nyanya e dó sin wɛ é ɖe ɔ́ gúdo, bó jɛ nǔ e sɔgbe bó nyí nǔ jlɔ́jlɔ́ ɔ́ wa jí ɔ́, é ná nɔ gbɛ.
15	Nú mɛ ɔ́ sɔ́ nǔ e é yí ɖó gbanu ɔ́ jó, bó sɔ́ nǔ e é fin é jó bó ma sɔ́ wa nyanya ɖé ǎ, bó jɛ tónú se nú sɛ́n e nɔ́ ná gbɛ mɛ lɛ́ɛ jí ɔ́, é sɔ́ ná kú ǎ; é ná nɔ gbɛ.
16	Hwɛ e é ko hu lɛ́ɛ ɔ́, è nǎ wɔn bǐ, ɖó nǔ sɔgbe, nǔ jlɔ́jlɔ́ e é jɛ wiwa jí ɔ́ wú.’
17	“Mɛ towe lɛ́ɛ nɔ́ ɖɔ nyɛ Aklúnɔ, nyɛ nɔ́ dó atɔ́ɔ́nnu nǔ jí. Nyɛ wɛ ka nɔ dó atɔ́ɔ́nnu nǔ jí ǎ, yědɛɛ lɛ́ɛ wɛ ma ɖo nǔ wa ɖó nǔ gan jí wɛ ǎ.
18	Ényí mɛ jlɔ́jlɔ́ ɖé jó ɖagbewiwa dó, bó jɛ nǔ nyanya wa jí ɔ́, é ná kú ɖó énɛ́ ɔ́ wú.
19	Lo ɔ́, ényí mɛdídá jó nyanya wiwa dó, bó jɛ nǔ jlɔ́jlɔ́, nǔ e sɔgbe lɛ́ɛ wa jí ɔ́, é ná nɔ gbɛ ɖó énɛ́ ɔ́ wú.
20	“Mi Izlayɛ́li ví lɛ́ɛ mi, mi nɔ ɖɔ nyi nɔ dó atɔ́ɔ́nnu nǔ jí. Nǔ e mi ná tunwun ɔ́ wɛ nyí ɖɔ lě e mɛ ɖokpó ɖokpó nɔ́ wa nǔ gbɔn ɔ́ wɛ un ná kpɔ́n dó ɖɔ hwɛ xá ɛ.”
21	ⓖ Ahwan wlí mǐ Izlayɛ́li ví lɛ́ɛ yi Babilɔ́nu ɔ́, xwe tɔn wěwegɔ́ ɔ́ mɛ ɔ́, mɛ e gán hwenu e è yǐ Jeluzalɛ́mu toxo ɔ́ ɖokpó wá ɖɔ xó nú mì ɖo azǎn atɔ́ɔ́ngɔ́ e ɖo sun wǒgɔ́ ɔ́ xwe énɛ́ xwe é gbe; é ɖɔ nú mì ɖɔ: “Kɛntɔ́ yí toxo ɔ́!”
22	É kpo sɔ bɔ mɛ ɔ́ ná wá ɖɔ xó nú mì ɔ́, gbadanu tɔn ɔ́, Mawu Mavɔmavɔ sín hlɔ̌nhlɔ́n kó wá jǐ ce, bó tún kan nú ɖɛ̌ ce bɔ un ko jɛ xó ɖɔ jí cóbɔ mɛ ɔ́ wá ayǐhɔ́ngbe tɔn zǎnzǎn; Mawu ko tún kan nú ɖɛ̌ ce bɔ un sɔ́ nyí mɛ e ma nɔ ɖɔ xó ǎ é ǎ; hǔn un hɛn ɔ́, un ná ɖɔ xó.
23	Énɛ́ ɔ́, Mawu Mavɔmavɔ ɖɔ nú mì ɖɔ:
24	“Hwɛ gbɛtɔ́ e, mɛ e kpo ɖo Izlayɛ́li toxo e è gba lɛ́ɛ mɛ lɛ́ɛ ɔ́, xó e yě nɔ́ ɖɔ é ɖíe: ‘Ablaxámu ɔ́, é ɖokpónɔ géé wɛ, bɔ to ɔ́ bǐ ká nyí étɔn; mǐdɛɛ lɛ́ɛ ká sukpɔ́; hǔn, mǐdɛɛ lɛ́ɛ tɔn wɛ to ɔ́ ɖó ná nyí din.’
25	Din ɔ́, ɖɔ nú yě ɖɔ: Xó e nyɛ Aklúnɔ Mavɔmavɔ ɖɔ ɔ́ ɖíe: Mi nɔ ɖu lan kpó kanjɔ kpó, mi nɔ sɛn vodún, mi nɔ hu mɛ; nɛ̌ to ɔ́ ká ná nyí mitɔn gbɔn?
26	Ahwanlyánnú mitɔn lɛ́ɛ wú wɛ mi nɔ gán jɛ, mi nɔ dó nǔ baɖabaɖa lɛ́ɛ sin; mi bǐ wɛ nɔ ba nɔzo mitɔn lɛ́ɛ sín asi. Nɛ̌ to ɔ́ ná nyí mitɔn gbɔn?
27	“Hwɛ gbɛtɔ́ e, dǒ wɛn élɔ́ yě nú mì. Ɖɔ nú yě ɖɔ: ‘Nyɛ Aklúnɔ Mavɔmavɔ ɔ́, un xwlé nyiɖée nú mi ɖɔ: Mi mɛ e kpo bo ɖo toxo e è ko gba lɛ́ɛ mɛ lɛ́ɛ ɔ́, è nǎ hu mi bǐ. Mi mɛ e hɔn yi cí gběgbó mɛ lɛ́ɛ ɔ́, kanlin ná wlí mi ɖu. Mi mɛ e hɔn yi cí sókan mɛ, bó ɖo sónu mɛ sónu mɛ lɛ́ɛ ɔ́, jɛmɛjí ná hu mi.
28	Un ná gba to ɔ́ bǐ hánnyá, bó ná sɔ́ dó húzú gbětótló; hlɔ̌nhlɔ́n e é ɖó bó nɔ́ dó yí go ná ɔ́, é ná ba kpo. Mɛ ɖé sɔ́ ná nɔ só e ɖo Izlayɛ́li lɛ́ɛ ɖě jí gbeɖé ǎ; mɛɖé sɔ́ ná zɛ gbɔn fínɛ́ gbeɖé ǎ.’
29	Nú un gba Izlayɛ́li to ɔ́ bǐ bó sɔ́ dó húzú gbětótló, bó dó dɔn tó nú Izlayɛ́li ví lɛ́ɛ ɖó nǔ baɖabaɖa e yě dó sin lɛ́ɛ wútu ɔ́, yě ná tunwun ɖɔ nyɛ wɛ nyí Mawu Mavɔmavɔ nǔgbó.
30	“Hwɛ gbɛtɔ́ e, mɛ e kpó hwi kpó ahwan wlí wá to ɖěvo mɛ fí lɛ́ɛ ɖo nǔ towe ɖɔ wɛ ɖo yěɖée tɛ́ntin; yě nɔ́ ɖo nǔ towe ɖɔ wɛ gbɔn dǒ e è mɛ lɛ́ lɛ̌ dó toxo ɔ́ lɛ́ɛ wú; yě nɔ́ ɖo nǔ towe ɖɔ wɛ gbɔn hɔn yětɔn lɛ́ɛ ta, hɔn yětɔn lɛ́ɛ ta. Yě nɔ́ ɖɔ: ‘Mi wá mǐ yi se xó e Mawu Mavɔmavɔ ɖɔ é mɛ!’
31	Énɛ́ ɔ́, yě nɔ́ dó ahwan gbě kpɔ́ gégé bó ná ɖótó we; yě nɔ́ jínjɔ́n ayǐ bó nɔ́ ɖótó we ganjí; amɔ̌, yě nɔ́ xwédo xó towe dó wa nǔ ǎ. Nǔ e jló yě lɛ́ɛ kɛ́ɖɛ́ wɛ yě nɔ́ wa; yě nɔ́ bló nǔ e ná nyí ɖagbe nú yě ɖokpónɔ lɛ́ɛ kɛ́ɖɛ́.
32	Hanvívíjitɔ́ ɖé kpowun wɛ yě sɔ́ we dó mɔ, hanvívíjitɔ́ e ɖó gbe ɖagbe kɔ nu bó nɔ́ dó ji han, bó nɔ́ ɖo nǔ xo d'é mɛ wɛ ɔ́ wɛ yě sɔ́ we dó mɔ. Yě nɔ́ se xó e a ɖɔ lɛ́ɛ; yě mɛ ɖěbǔ ka nɔ bló ɖ'é ji ǎ.
33	Amɔ̌, hwenu e nǔ e a ɖɔ lɛ́ɛ ná jɛ ɔ́, é ká sɔ́ ɖo lǐnlín mɛ lɔ ǎ; nǎ jɛ wɛ é kó ɖe; hwe énɛ́ ɔ́ nu ɔ́, yě ná tunwun ɖɔ gbeyíɖɔ Mawu tɔn ɖokpó ɖo yě tɛ́ntin.”

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary