Fon Bible - Ezekiel 37 (Fongbɛ)

Holy Bible

Search and read the Bible online

Ezekiel Chapter 37 (Fongbɛ)

Compare with Version:

¹ Hlɔ̌nhlɔ́n Mawu Mavɔmavɔ tɔn wá jǐ ce, bɔ yɛ Mawu Mavɔmavɔ tɔn sɔ́ mì yi ɖó tɔdo ɖaxó ɖé mɛ, bɔ gbɛtɔ́ xú gɔ́ tɔdo ɔ́.

² Mawu kplá mì bɔ un ɖi zɔnlin lɛ́ lɛ̌ dó xú lɛ́ɛ. Xú lɛ́ɛ sukpɔ́ káká; bǐ wɛ kó dóxó bó kó wé.

³ Énɛ́ ɔ́, Mawu kanbyɔ́ mì ɖɔ: “Hwɛ gbɛtɔ́ e, xúgloxú élɔ́ lɛ́ɛ sɔ́ sixú fɔ́n wá gbɛ a?” Bɔ un yí gbe ɖɔ: “Aklúnɔ Mavɔmavɔ, hwi ɖokpónɔ géé wɛ tunwun.”

⁴ Mawu lɛ́ ɖɔ nú mì ɖɔ: “Ɖɔ xó e un ná ɖɔ nú we ɔ́ nú xúgloxú énɛ́ lɛ́ɛ; ɖɔ nú yě ɖɔ: Xúgloxú lɛ́ɛ mi, mi ɖótó.

⁵ Xó e Aklúnɔ Mavɔmavɔ ɖo ɖiɖɔ nú mi wɛ ɔ́ ɖíe: xúgloxú lɛ́ɛ mi, un ná lɛ́ ná funfún mi, bɔ mi ná lɛ́ fɔ́n wá gbɛ.

⁶ Un na lɛ́ bló kan dó mi wú, lanti ná nyɛ ɖo mi wú, bɔ un ná sɔ́ anyǔ bú dó; énɛ́ ɔ́ gúdo ɔ́, un ná ná funfún mi, bɔ mi ná fɔ́n; énɛ́ ɔ́, mi ná tunwun ɖɔ nyi wɛ nyí Mawu Mavɔmavɔ.”

⁷ Bɔ un ɖɔ xó nú xúgloxú lɛ́ɛ lě e Mawu zɔ́n mì gbɔn é. Hwenu e un ɖo xó ɖɔ wɛ ɔ́, un jɛ zǐngídi ɖé se jí, xú lɛ́ɛ jɛ sisɛbɔ dó yěɖée wú jí. Mɛ ɖokpó ɖokpó sín xú jɛ sisɛkplé ɖó kpɔ́ jí

⁸ Ée un ɖo kpínkpɔ́n wɛ ɔ́, un mɔ bɔ kan jɛ xú lɛ́ɛ wú wá jí, bɔ lanti kpó anyǔ kpó wá xú lɛ́ɛ wú. Lo ɔ́, funfún kó byɔ́ yě mɛ ǎ.

⁹ Mawu ɖɔ nú mì ɖɔ: “Hwɛ gbɛtɔ́ e, ɖɔ xó nú funfún e nɔ ná gbɛ mɛ ɔ́ nú mì; ɖɔ n'i ɖɔ: ‘Funfún e nɔ́ ná gbɛ mɛ ɔ́ e, Aklúnɔ Mavɔmavɔ ɖe gbe nú we ɖɔ hwi ní gosín wɛ̌kɛ́zo ɛnɛ lɛ́ɛ bǐ jí wá nyi dó mɛkúkú élɔ́ lɛ́ɛ jí nú yě ní fɔ́n wá gbɛ.’ ”

¹⁰ ⓜ Xó e Mawu ɖɔ nú mì ɖɔ má ɖɔ lɛ́ɛ ɔ́, un ɖɔ, bɔ funfún byɔ́ mɛkúkú lɛ́ɛ mɛ, bɔ yě fɔ́n, bó xwe afɔ te. Ahwanfuntɔ́ maxamaxa wɛ.

¹¹ Mawu lɛ́ ɖɔ nú mì ɖɔ: “Hwɛ gbɛtɔ́ e, a mɔ a? Xúgloxú énɛ́ lɛ́ɛ ɔ́, togun ce Izlayɛ́li sín akpajlɛ́ wɛ. Ɖó Izlayɛ́li togun ce ɔ́ nɔ́ ɖɔ: ‘Xúgloxú wɛ mǐ nyǐ; nǔɖé sɔ́ kpo nú mǐ nǎ ɖó nukún ǎ. Xó mǐdɛɛ lɛ́ɛ tɔn kó fó.’

¹² Énɛ́ ɔ́ wú ɔ́, yi ɖɔ xó e nyɛ Aklúnɔ Mavɔmavɔ ɖɔ nú we ɔ́ nú yě; ɖɔ nú yě ɖɔ: un ná hun yɔdo mitɔn lɛ́ɛ, un ná ɖe mi tɔ́n sín mɛ, mi togun ce lɛ́ɛ, un ná kplá mi wá Izlayɛ́li, to mitɔn mɛ.

¹³ Hwenu e un ná hun yɔdo mitɔn lɛ́ɛ, bó ná ɖe mi tɔ́n sín mɛ ɔ́, mi ná tunwun ɖɔ nyɛ wɛ nyí Mawu Mavɔmavɔ.

¹⁴ Hwenu e un ná sɔ́ yɛ ce dó ná gbɛ mi, bó ná lɛ́ kplá mi wá to mitɔn mɛ ɔ́, mi ná tunwun ɖɔ nyi wɛ nyí Mawu Mavɔmavɔ. Nǔgbó wɛ, mi ná tunwun ɖɔ nyɛ Mawu Mavɔmavɔ ɔ́, un ɖɔ bó bló ɖ'é jí. Xó e nyɛ Aklúnɔ Mavɔmavɔ ɖɔ ɔ́ nɛ́.”

¹⁵ Mawu Mavɔmavɔ ɖɔ nú mì ɖɔ:

¹⁶ “Hwɛ gbɛtɔ́ e, sɔ́ kpo ɖokpó, bó wlán nǔ d'é jí; nǔ e a nǎ wlán d'é jí ɔ́ ɖíe: ‘Axɔ́súɖuto Judáa tɔn kpó mɛ e ɖ'é mɛ lɛ́ɛ kpó; yě bǐ wɛ nyí Izlayɛ́li ví.’ Lɛ̌ sɔ́ kpo ɖěvo bó wlán d'é jí ɖɔ: ‘Axɔ́súɖuto Izlayɛ́li tɔn, tínmɛ tɔn wɛ nyí Jozɛ́fu ví lɛ́ɛ kpó mɛ ɖě lɛ́ɛ e ɖo axɔ́súɖuto ɔ́ mɛ lɛ́ɛ kpó; yě bǐ wɛ nyí Izlayɛ́li ví.’

¹⁷ A nǎ fɔ kpo we lɛ́ɛ, bó ná sɔ́ ɖě kpé ɖě nu, bɔ yě ná húzú ɖokpó ɖo alɔ towe mɛ.

¹⁸ Énɛ́ ɔ́, Izlayɛ́li ví lɛ́ɛ ná ɖɔ hwi ní tín nǔ e bló wɛ hwi ɖe ɔ́ mɛ nú émí.

¹⁹ Yě ɖɔ mɔ̌ ɔ́, a nǎ ɖɔ nú yě ɖɔ: Xó e Aklúnɔ Mavɔmavɔ ɖɔ ɔ́ ɖíe: Un ná zé kpo e sɔ́ Jozɛ́fu kpó Izlayɛ́li ví e ɖo axɔ́súɖuto énɛ́ ɔ́ mɛ lɛ́ɛ kpó sín afɔ ɖó te ɔ́, bó ná zé kpo e sɔ́ axɔ́súɖuto Judáa tɔn sín afɔ ɖó te ɔ́ cá d'é nu; kpo we énɛ́ lɛ́ɛ kplé ɖo alɔ ce mɛ ɔ́, yě ná húzú kpo ɖokpó géé.

²⁰ “Kpo we e wú a wlǎn nǔ dó lɛ́ɛ ná ɖo alɔ towe mɛ ɖo nukún yětɔn mɛ,

²¹ bɔ a nǎ ɖɔ nú yě ɖɔ: xó e Aklúnɔ Mavɔmavɔ ɖɔ ɔ́ ɖíe: Izlayɛ́li ví lɛ́ɛ mi, un ná kplá mi sín to e mɛ mi gba kpé gbɔn lɛ́ɛ mɛ; un ná kplé mi, bó ná kplá mi wá to mitɔn mɛ.

²² Énɛ́ ɔ́, un ná dɔn mi kplé, bɔ mi ná húzú akɔta ɖokpó géé ɖo Izlayɛ́li só lɛ́ɛ jí; axɔ́sú ɖokpó géé wɛ na ɖu gǎn ɖo mi bǐ sésé nu. Togun ɔ́ sɔ́ ná nyí we ǎ; axɔ́súɖuto ɔ́ sɔ́ ná má ɖó we ǎ.

²³ Mi sɔ́ ná sɛn vodún ɖě dó ɖu su ǎ; mi sɔ́ ná ɖo nǔ baɖabaɖa ɖě dó sin wɛ, bó ɖo mɛ hu wɛ dó ɖu su ǎ. Un ná hwlɛ́n mi ɖo nǔ e mi nɔ wa nyi dó nú mì lɛ́ɛ bǐ mɛ. Un ná slá wǔ nú mi, bɔ mi ná húzú togun ce, bɔ un ná nyí Mawu mitɔn.

²⁴ ⓝ Mɛsɛntɔ́ ce Davídi ná nyí axɔ́sú mitɔn. É ɖokpónɔ wɛ ná nyí lɛ̌ngbɔ́nyitɔ́ mitɔn. Mi ná nɔ́ nyi sɛ́n ce lɛ́ɛ, bó ná se tónú nú nǔ e un ɖɔ lɛ́ɛ, bó ná nɔ́ bló ɖ'é jí.

²⁵ Mi ná nɔ to e un ná mɛsɛntɔ́ ce Jakɔ́bu, bɔ tɔ́gbó mitɔn lɛ́ɛ nɔ mɛ é mɛ. Mi ná nɔ fínɛ́ káká sɔ́yi, mi kpó vǐ mitɔn lɛ́ɛ kpó, kpódó vǐvú vivu mitɔn lɛ́ɛ kpó. Mɛsɛntɔ́ ce Davídi ná nɔ mi nu káká sɔ́yi.

²⁶ Un ná jɛ akɔ e ná ná fífá é ɖokpó xá mi; un ná jɛ akɔ mavɔ mavɔ ɖé xá mi. Un ná sɔ́ mi ɖó to ɔ́ mɛ, un ná bló bɔ mi ná ji gba. Un ná sɔ́ nɔtɛn ce ɖó mi tɛ́ntin; nɔtɛn ce ná nɔ mi tɛ́ntin káká sɔ́yi.

²⁷ ⓞ Un ná nɔ mi mɛ. Un ná nyí Mawu mitɔn, bɔ mi ná nyí togun ce.

²⁸ Ée un ná sɔ́ nɔtɛn ce ɖó mi tɛ́ntin, bɔ é ná nɔ fínɛ́ káká sɔ́yi ɔ́, to ɖě lɛ́ɛ ná tunwun ɖɔ nyi wɛ nyí Mawu Mavɔmavɔ; yě ná tunwun ɖɔ un sɔ́ Izlayɛ́li ɖó vo.”

#	Fongbɛ
1	Hlɔ̌nhlɔ́n Mawu Mavɔmavɔ tɔn wá jǐ ce, bɔ yɛ Mawu Mavɔmavɔ tɔn sɔ́ mì yi ɖó tɔdo ɖaxó ɖé mɛ, bɔ gbɛtɔ́ xú gɔ́ tɔdo ɔ́.
2	Mawu kplá mì bɔ un ɖi zɔnlin lɛ́ lɛ̌ dó xú lɛ́ɛ. Xú lɛ́ɛ sukpɔ́ káká; bǐ wɛ kó dóxó bó kó wé.
3	Énɛ́ ɔ́, Mawu kanbyɔ́ mì ɖɔ: “Hwɛ gbɛtɔ́ e, xúgloxú élɔ́ lɛ́ɛ sɔ́ sixú fɔ́n wá gbɛ a?” Bɔ un yí gbe ɖɔ: “Aklúnɔ Mavɔmavɔ, hwi ɖokpónɔ géé wɛ tunwun.”
4	Mawu lɛ́ ɖɔ nú mì ɖɔ: “Ɖɔ xó e un ná ɖɔ nú we ɔ́ nú xúgloxú énɛ́ lɛ́ɛ; ɖɔ nú yě ɖɔ: Xúgloxú lɛ́ɛ mi, mi ɖótó.
5	Xó e Aklúnɔ Mavɔmavɔ ɖo ɖiɖɔ nú mi wɛ ɔ́ ɖíe: xúgloxú lɛ́ɛ mi, un ná lɛ́ ná funfún mi, bɔ mi ná lɛ́ fɔ́n wá gbɛ.
6	Un na lɛ́ bló kan dó mi wú, lanti ná nyɛ ɖo mi wú, bɔ un ná sɔ́ anyǔ bú dó; énɛ́ ɔ́ gúdo ɔ́, un ná ná funfún mi, bɔ mi ná fɔ́n; énɛ́ ɔ́, mi ná tunwun ɖɔ nyi wɛ nyí Mawu Mavɔmavɔ.”
7	Bɔ un ɖɔ xó nú xúgloxú lɛ́ɛ lě e Mawu zɔ́n mì gbɔn é. Hwenu e un ɖo xó ɖɔ wɛ ɔ́, un jɛ zǐngídi ɖé se jí, xú lɛ́ɛ jɛ sisɛbɔ dó yěɖée wú jí. Mɛ ɖokpó ɖokpó sín xú jɛ sisɛkplé ɖó kpɔ́ jí
8	Ée un ɖo kpínkpɔ́n wɛ ɔ́, un mɔ bɔ kan jɛ xú lɛ́ɛ wú wá jí, bɔ lanti kpó anyǔ kpó wá xú lɛ́ɛ wú. Lo ɔ́, funfún kó byɔ́ yě mɛ ǎ.
9	Mawu ɖɔ nú mì ɖɔ: “Hwɛ gbɛtɔ́ e, ɖɔ xó nú funfún e nɔ ná gbɛ mɛ ɔ́ nú mì; ɖɔ n'i ɖɔ: ‘Funfún e nɔ́ ná gbɛ mɛ ɔ́ e, Aklúnɔ Mavɔmavɔ ɖe gbe nú we ɖɔ hwi ní gosín wɛ̌kɛ́zo ɛnɛ lɛ́ɛ bǐ jí wá nyi dó mɛkúkú élɔ́ lɛ́ɛ jí nú yě ní fɔ́n wá gbɛ.’ ”
10	ⓜ Xó e Mawu ɖɔ nú mì ɖɔ má ɖɔ lɛ́ɛ ɔ́, un ɖɔ, bɔ funfún byɔ́ mɛkúkú lɛ́ɛ mɛ, bɔ yě fɔ́n, bó xwe afɔ te. Ahwanfuntɔ́ maxamaxa wɛ.
11	Mawu lɛ́ ɖɔ nú mì ɖɔ: “Hwɛ gbɛtɔ́ e, a mɔ a? Xúgloxú énɛ́ lɛ́ɛ ɔ́, togun ce Izlayɛ́li sín akpajlɛ́ wɛ. Ɖó Izlayɛ́li togun ce ɔ́ nɔ́ ɖɔ: ‘Xúgloxú wɛ mǐ nyǐ; nǔɖé sɔ́ kpo nú mǐ nǎ ɖó nukún ǎ. Xó mǐdɛɛ lɛ́ɛ tɔn kó fó.’
12	Énɛ́ ɔ́ wú ɔ́, yi ɖɔ xó e nyɛ Aklúnɔ Mavɔmavɔ ɖɔ nú we ɔ́ nú yě; ɖɔ nú yě ɖɔ: un ná hun yɔdo mitɔn lɛ́ɛ, un ná ɖe mi tɔ́n sín mɛ, mi togun ce lɛ́ɛ, un ná kplá mi wá Izlayɛ́li, to mitɔn mɛ.
13	Hwenu e un ná hun yɔdo mitɔn lɛ́ɛ, bó ná ɖe mi tɔ́n sín mɛ ɔ́, mi ná tunwun ɖɔ nyɛ wɛ nyí Mawu Mavɔmavɔ.
14	Hwenu e un ná sɔ́ yɛ ce dó ná gbɛ mi, bó ná lɛ́ kplá mi wá to mitɔn mɛ ɔ́, mi ná tunwun ɖɔ nyi wɛ nyí Mawu Mavɔmavɔ. Nǔgbó wɛ, mi ná tunwun ɖɔ nyɛ Mawu Mavɔmavɔ ɔ́, un ɖɔ bó bló ɖ'é jí. Xó e nyɛ Aklúnɔ Mavɔmavɔ ɖɔ ɔ́ nɛ́.”
15	Mawu Mavɔmavɔ ɖɔ nú mì ɖɔ:
16	“Hwɛ gbɛtɔ́ e, sɔ́ kpo ɖokpó, bó wlán nǔ d'é jí; nǔ e a nǎ wlán d'é jí ɔ́ ɖíe: ‘Axɔ́súɖuto Judáa tɔn kpó mɛ e ɖ'é mɛ lɛ́ɛ kpó; yě bǐ wɛ nyí Izlayɛ́li ví.’ Lɛ̌ sɔ́ kpo ɖěvo bó wlán d'é jí ɖɔ: ‘Axɔ́súɖuto Izlayɛ́li tɔn, tínmɛ tɔn wɛ nyí Jozɛ́fu ví lɛ́ɛ kpó mɛ ɖě lɛ́ɛ e ɖo axɔ́súɖuto ɔ́ mɛ lɛ́ɛ kpó; yě bǐ wɛ nyí Izlayɛ́li ví.’
17	A nǎ fɔ kpo we lɛ́ɛ, bó ná sɔ́ ɖě kpé ɖě nu, bɔ yě ná húzú ɖokpó ɖo alɔ towe mɛ.
18	Énɛ́ ɔ́, Izlayɛ́li ví lɛ́ɛ ná ɖɔ hwi ní tín nǔ e bló wɛ hwi ɖe ɔ́ mɛ nú émí.
19	Yě ɖɔ mɔ̌ ɔ́, a nǎ ɖɔ nú yě ɖɔ: Xó e Aklúnɔ Mavɔmavɔ ɖɔ ɔ́ ɖíe: Un ná zé kpo e sɔ́ Jozɛ́fu kpó Izlayɛ́li ví e ɖo axɔ́súɖuto énɛ́ ɔ́ mɛ lɛ́ɛ kpó sín afɔ ɖó te ɔ́, bó ná zé kpo e sɔ́ axɔ́súɖuto Judáa tɔn sín afɔ ɖó te ɔ́ cá d'é nu; kpo we énɛ́ lɛ́ɛ kplé ɖo alɔ ce mɛ ɔ́, yě ná húzú kpo ɖokpó géé.
20	“Kpo we e wú a wlǎn nǔ dó lɛ́ɛ ná ɖo alɔ towe mɛ ɖo nukún yětɔn mɛ,
21	bɔ a nǎ ɖɔ nú yě ɖɔ: xó e Aklúnɔ Mavɔmavɔ ɖɔ ɔ́ ɖíe: Izlayɛ́li ví lɛ́ɛ mi, un ná kplá mi sín to e mɛ mi gba kpé gbɔn lɛ́ɛ mɛ; un ná kplé mi, bó ná kplá mi wá to mitɔn mɛ.
22	Énɛ́ ɔ́, un ná dɔn mi kplé, bɔ mi ná húzú akɔta ɖokpó géé ɖo Izlayɛ́li só lɛ́ɛ jí; axɔ́sú ɖokpó géé wɛ na ɖu gǎn ɖo mi bǐ sésé nu. Togun ɔ́ sɔ́ ná nyí we ǎ; axɔ́súɖuto ɔ́ sɔ́ ná má ɖó we ǎ.
23	Mi sɔ́ ná sɛn vodún ɖě dó ɖu su ǎ; mi sɔ́ ná ɖo nǔ baɖabaɖa ɖě dó sin wɛ, bó ɖo mɛ hu wɛ dó ɖu su ǎ. Un ná hwlɛ́n mi ɖo nǔ e mi nɔ wa nyi dó nú mì lɛ́ɛ bǐ mɛ. Un ná slá wǔ nú mi, bɔ mi ná húzú togun ce, bɔ un ná nyí Mawu mitɔn.
24	ⓝ Mɛsɛntɔ́ ce Davídi ná nyí axɔ́sú mitɔn. É ɖokpónɔ wɛ ná nyí lɛ̌ngbɔ́nyitɔ́ mitɔn. Mi ná nɔ́ nyi sɛ́n ce lɛ́ɛ, bó ná se tónú nú nǔ e un ɖɔ lɛ́ɛ, bó ná nɔ́ bló ɖ'é jí.
25	Mi ná nɔ to e un ná mɛsɛntɔ́ ce Jakɔ́bu, bɔ tɔ́gbó mitɔn lɛ́ɛ nɔ mɛ é mɛ. Mi ná nɔ fínɛ́ káká sɔ́yi, mi kpó vǐ mitɔn lɛ́ɛ kpó, kpódó vǐvú vivu mitɔn lɛ́ɛ kpó. Mɛsɛntɔ́ ce Davídi ná nɔ mi nu káká sɔ́yi.
26	Un ná jɛ akɔ e ná ná fífá é ɖokpó xá mi; un ná jɛ akɔ mavɔ mavɔ ɖé xá mi. Un ná sɔ́ mi ɖó to ɔ́ mɛ, un ná bló bɔ mi ná ji gba. Un ná sɔ́ nɔtɛn ce ɖó mi tɛ́ntin; nɔtɛn ce ná nɔ mi tɛ́ntin káká sɔ́yi.
27	ⓞ Un ná nɔ mi mɛ. Un ná nyí Mawu mitɔn, bɔ mi ná nyí togun ce.
28	Ée un ná sɔ́ nɔtɛn ce ɖó mi tɛ́ntin, bɔ é ná nɔ fínɛ́ káká sɔ́yi ɔ́, to ɖě lɛ́ɛ ná tunwun ɖɔ nyi wɛ nyí Mawu Mavɔmavɔ; yě ná tunwun ɖɔ un sɔ́ Izlayɛ́li ɖó vo.”

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary