Fon Bible - Daniel 12 (Fongbɛ)

Daniel Chapter 12 (Fongbɛ)

Compare with Version:

Hosea

¹ ⓑ Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma[14] ɔ́ mɛ lɛ́ɛ gán.

² ⓒ Mɛ e ɖo amlɔ dɔ́ wɛ ɖo yɔdo mɛ lɛ́ɛ gěgé ná fɔ́n; mɛ ɖě ná fɔ́n nú gbɛ mavɔ mavɔ, mɛ ɖě ká ná fɔ́n dó winnyá nu, mɛ ɖě ká ná fɔ́n dó ya mavɔ mavɔ nu.

³ Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.

⁴ ⓓ “Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”

⁵ Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ ɔ́, mɛ we ɖěvo xwetɔ́n, bó ɖo te ɖo ɖisí amyɔ nú tɔsisa ɔ́.

⁶ Mɛ ɖokpó kpan nukɔn nya e dó lɛ̌ɛnkanvɔ, bó ɖo tɔ ɔ́ jí ɔ́, bó kanbyɔ́ ɛ ɖɔ: “Hwetɛ́nu nǔ baɖabaɖa énɛ́ lɛ́ɛ ká ná fó dó?”

⁷ ⓔ Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

⁸ Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

⁹ É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

¹⁰ ⓕ Mɛ gěgé ná tíin bɔ è ná slá wǔ nú yě, bɔ yě ná wé, bó ná mɛ́. Mɛdídá e ma sixú mɔ nukúnnú jɛ nǔ mɛ ǎ lɛ́ɛ ná kpo ɖo nǔ nyanya yětɔn lɛ́ɛ dó sin wɛ. Amɔ̌, mɛ e ɖó nǔnywɛ́ lɛ́ɛ ná mɔ nukúnnú jɛ nǔ e ɖo jijɛ wɛ é wú.

¹¹ ⓖ Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

¹² Nǔ nyɔ́ nú mɛ e ná syɛ́nlǐn, bó ná ɖo nukún ɖó nǔ wɛ káká nú azǎn afayizɛ́n kantɔn afɔtɔn (1.335) é.

¹³ Amɔ̌, hwɛ Daniyɛ́li ɔ́, nɔ gbejí káká yi fó. Énɛ́ ɔ́, a nǎ ɖó vivo, bó ná fɔ́n sí te, bó ná wá yí ajɔ towe ɖo vivɔnu.”

#	Fongbɛ
1	ⓑ Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma[14] ɔ́ mɛ lɛ́ɛ gán.
2	ⓒ Mɛ e ɖo amlɔ dɔ́ wɛ ɖo yɔdo mɛ lɛ́ɛ gěgé ná fɔ́n; mɛ ɖě ná fɔ́n nú gbɛ mavɔ mavɔ, mɛ ɖě ká ná fɔ́n dó winnyá nu, mɛ ɖě ká ná fɔ́n dó ya mavɔ mavɔ nu.
3	Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.
4	ⓓ “Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”
5	Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ ɔ́, mɛ we ɖěvo xwetɔ́n, bó ɖo te ɖo ɖisí amyɔ nú tɔsisa ɔ́.
6	Mɛ ɖokpó kpan nukɔn nya e dó lɛ̌ɛnkanvɔ, bó ɖo tɔ ɔ́ jí ɔ́, bó kanbyɔ́ ɛ ɖɔ: “Hwetɛ́nu nǔ baɖabaɖa énɛ́ lɛ́ɛ ká ná fó dó?”
7	ⓔ Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”
8	Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”
9	É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.
10	ⓕ Mɛ gěgé ná tíin bɔ è ná slá wǔ nú yě, bɔ yě ná wé, bó ná mɛ́. Mɛdídá e ma sixú mɔ nukúnnú jɛ nǔ mɛ ǎ lɛ́ɛ ná kpo ɖo nǔ nyanya yětɔn lɛ́ɛ dó sin wɛ. Amɔ̌, mɛ e ɖó nǔnywɛ́ lɛ́ɛ ná mɔ nukúnnú jɛ nǔ e ɖo jijɛ wɛ é wú.
11	ⓖ Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).
12	Nǔ nyɔ́ nú mɛ e ná syɛ́nlǐn, bó ná ɖo nukún ɖó nǔ wɛ káká nú azǎn afayizɛ́n kantɔn afɔtɔn (1.335) é.
13	Amɔ̌, hwɛ Daniyɛ́li ɔ́, nɔ gbejí káká yi fó. Énɛ́ ɔ́, a nǎ ɖó vivo, bó ná fɔ́n sí te, bó ná wá yí ajɔ towe ɖo vivɔnu.”

Footnotes & Cross-References

No footnotes for this chapter.

No cross-references for this chapter.

Previous Chapter

Hosea

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary