Fon Bible - Hosea 5 (Fongbɛ)

Hosea Chapter 5 (Fongbɛ)

Compare with Version:

¹ “Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

² bó nyí do gɔngɔn ɖo Citímu. Amɔ̌, nyɛ ɔ́, un ná kplɔ́n mi mɛ bǐ.

³ Un tunwun Eflayímunu lɛ́ɛ, un dán Izlayɛ́linu lɛ́ɛ ǎ, ɖó din ɔ́, Eflayímu dó afɔ gbě, Izlayɛ́li ɖu su.

⁴ Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.

⁵ Go e yí wɛ togun Izlayɛ́li tɔn ɔ́ ɖe ɔ́ kó ɖe nǔ e é nyí ɔ́ xlɛ́. Togun Izlayɛ́li tɔn kpó akɔta Eflayímu tɔn ɔ́ kpó ná klɛ́n afɔ ɖó hwɛ e yě hu lɛ́ɛ wú. Akɔta Judáa tɔn ɔ́ lɔmɔ̌ ná klɛ́n afɔ kpó yě kpó.

⁶ Yě ná hɛn lɛ̌ngbɔ́ kpó nyibú kpó dó yi sá vɔ̌ nú Mawu Mavɔmavɔ, yě ká ná mɔ ɛ ǎ, ɖó é kó ɖo zɔ nú yě.

⁷ Yě nɔ gbejí nú Mawu Mavɔmavɔ ǎ, ɖó yě ji agaví. Din ɔ́, sun ɖokpó kó kpé bɔ è nǎ vɔ yě kpó nǔ e yě ɖó lɛ́ɛ bǐ kpó.”

⁸ “Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.

⁹ È nǎ vɔ akɔta Eflayímu tɔn ɔ́ ɖo tódɔnnúmɛ zǎn ɔ́ gbe. Nǔ e ɖɔ nú akɔta Izlayɛ́li tɔn lɛ́ɛ wɛ un ɖe ɔ́ ná jɛ nǔgbó.

¹⁰ Judáa sín gǎn lɛ́ɛ nɔ wa nǔ mɛ e nɔ sɛ tɛn nú ayǐkúngban yětɔn sín dogbó lɛ́ɛ ɖɔhun[5]. Un ka ná gba xomɛsin ce kɔn nyi yě jí tɔsisa ɖɔhun.

¹¹ È dǒ ya nú akɔta Eflayímu tɔn ɔ́, bɔ hwɛ e è ɖǒ n'i ɔ́ zɔ́n bɔ é gba bǐ, ɖó é wa nǔ e jló e lɛ́ɛ.

¹² Un ná cí lakpálakpá ɖɔhun nú akɔta Eflayímu tɔn ɔ́. Un ná cí akpa e vó ɔ́ ɖɔhun nú Judáanu lɛ́ɛ.

¹³ Akɔta Eflayímu tɔn ɔ́ mɔ azɔn e jɛ wɛ é ɖe ɔ́. Akɔta Judáa tɔn ɔ́ mɔ akpa e ɖo wǔ tɔn ɔ́. Énɛ́ ɔ́, Eflayímu yi Asilíi bó ɖɔ xó nú Axɔ́sú Đaxó ɔ́; lo ɔ́, axɔ́sú énɛ́ ɔ́ sixú gbɔ azɔn nú mi ǎ, é ká sixú mɔ nǔɖé dó hu akpa mitɔn lɛ́ɛ ná ǎ.

¹⁴ Kinnikínní ɖɔhun wɛ un ná cí nú akɔta Eflayímu tɔn ɔ́, bó ná cí kinnikínníví ɖɔhun nú Judáanu lɛ́ɛ. Nyɛ Mawu Mavɔmavɔ ɔ́, nyɛ ɖésúnɔ wɛ ná vúnvún yě bó ná yi. Un ná bɛ́ yě yi, bɔ mɛ ɖěbǔ ná sixú yí yě sín así ce ǎ.”

¹⁵ Mawu Mavɔmavɔ ɖɔ: “Un ná yi, un ná yi nɔ xwé ce gbe, káká jɛ hwenu e yě ná tunwun ɖɔ émí wa nǔ nyi do bó ná lɛ́ kɔ wá gɔ̌n ce dó é. Nú adǎn kó jɛ yě gbo jí ɔ́, yě ná ba mì mɔ.”

#	Fongbɛ
1	“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,
2	bó nyí do gɔngɔn ɖo Citímu. Amɔ̌, nyɛ ɔ́, un ná kplɔ́n mi mɛ bǐ.
3	Un tunwun Eflayímunu lɛ́ɛ, un dán Izlayɛ́linu lɛ́ɛ ǎ, ɖó din ɔ́, Eflayímu dó afɔ gbě, Izlayɛ́li ɖu su.
4	Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.
5	Go e yí wɛ togun Izlayɛ́li tɔn ɔ́ ɖe ɔ́ kó ɖe nǔ e é nyí ɔ́ xlɛ́. Togun Izlayɛ́li tɔn kpó akɔta Eflayímu tɔn ɔ́ kpó ná klɛ́n afɔ ɖó hwɛ e yě hu lɛ́ɛ wú. Akɔta Judáa tɔn ɔ́ lɔmɔ̌ ná klɛ́n afɔ kpó yě kpó.
6	Yě ná hɛn lɛ̌ngbɔ́ kpó nyibú kpó dó yi sá vɔ̌ nú Mawu Mavɔmavɔ, yě ká ná mɔ ɛ ǎ, ɖó é kó ɖo zɔ nú yě.
7	Yě nɔ gbejí nú Mawu Mavɔmavɔ ǎ, ɖó yě ji agaví. Din ɔ́, sun ɖokpó kó kpé bɔ è nǎ vɔ yě kpó nǔ e yě ɖó lɛ́ɛ bǐ kpó.”
8	“Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.
9	È nǎ vɔ akɔta Eflayímu tɔn ɔ́ ɖo tódɔnnúmɛ zǎn ɔ́ gbe. Nǔ e ɖɔ nú akɔta Izlayɛ́li tɔn lɛ́ɛ wɛ un ɖe ɔ́ ná jɛ nǔgbó.
10	Judáa sín gǎn lɛ́ɛ nɔ wa nǔ mɛ e nɔ sɛ tɛn nú ayǐkúngban yětɔn sín dogbó lɛ́ɛ ɖɔhun[5]. Un ka ná gba xomɛsin ce kɔn nyi yě jí tɔsisa ɖɔhun.
11	È dǒ ya nú akɔta Eflayímu tɔn ɔ́, bɔ hwɛ e è ɖǒ n'i ɔ́ zɔ́n bɔ é gba bǐ, ɖó é wa nǔ e jló e lɛ́ɛ.
12	Un ná cí lakpálakpá ɖɔhun nú akɔta Eflayímu tɔn ɔ́. Un ná cí akpa e vó ɔ́ ɖɔhun nú Judáanu lɛ́ɛ.
13	Akɔta Eflayímu tɔn ɔ́ mɔ azɔn e jɛ wɛ é ɖe ɔ́. Akɔta Judáa tɔn ɔ́ mɔ akpa e ɖo wǔ tɔn ɔ́. Énɛ́ ɔ́, Eflayímu yi Asilíi bó ɖɔ xó nú Axɔ́sú Đaxó ɔ́; lo ɔ́, axɔ́sú énɛ́ ɔ́ sixú gbɔ azɔn nú mi ǎ, é ká sixú mɔ nǔɖé dó hu akpa mitɔn lɛ́ɛ ná ǎ.
14	Kinnikínní ɖɔhun wɛ un ná cí nú akɔta Eflayímu tɔn ɔ́, bó ná cí kinnikínníví ɖɔhun nú Judáanu lɛ́ɛ. Nyɛ Mawu Mavɔmavɔ ɔ́, nyɛ ɖésúnɔ wɛ ná vúnvún yě bó ná yi. Un ná bɛ́ yě yi, bɔ mɛ ɖěbǔ ná sixú yí yě sín así ce ǎ.”
15	Mawu Mavɔmavɔ ɖɔ: “Un ná yi, un ná yi nɔ xwé ce gbe, káká jɛ hwenu e yě ná tunwun ɖɔ émí wa nǔ nyi do bó ná lɛ́ kɔ wá gɔ̌n ce dó é. Nú adǎn kó jɛ yě gbo jí ɔ́, yě ná ba mì mɔ.”

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary