Fon Bible - 2 Corinthians 2 (Fongbɛ)

2 Corinthians Chapter 2 (Fongbɛ)

Compare with Version:

¹ Énɛ́ ɔ́ wú wɛ, un ɖɔ un kún sɔ́ ná wá mi gɔ́n ó, ɖó un táá lɛ́ dɔn mi dó aluwɛ mɛ.

² Đó ényí un dɔn mi dó aluwɛ mɛ ɔ́, mɛ̌ ka ná lɛ́ dó xomɛhunhun nú mì? Mi mɛ énɛ́ lɛ́ɛ e un ná ko dɔn dó aluwɛ mɛ lɛ́ɛ kɛ́ɖɛ́ jɛ́n ná nyí!

³ Énɛ́ ɔ́ wú wɛ un wlán wěma sɛ́ dó mi lě e un bló gbɔn é: un jló ná wá mi gɔ́n bónú yě mɛ ɖokpó e ɖó ná dó xomɛhunhun nú mì lɛ́ɛ ná dɔn mì dó aluwɛ mɛ ǎ. Nǔgbó ɔ́, un ɖó gǎnjɛwú ɖɔ hwenu e xomɛ nɔ ɖo hunhun mì wɛ ɔ́, mi lɔmɔ̌ ɔ́, mi bǐ wɛ xomɛ nɔ hun.

⁴ Nǔgbó wɛ, un wlán wěma sɛ́ dó mi kpódó ayixa gbadó kpó, kpó vǐvɛ́ sise kpó, kpódó avǐ ya ma xwɛ kpán; é ka nyí ɖɔ un ná dó dɔn mi dó aluwɛ mɛ wútu wɛ ǎ; lo ɔ́, nú mi ná dó tunwun lě e un yí wǎn nú mi sɔ é.

⁵ Ényí é sín mɛɖé wú bɔ è jɛ aluwɛ mɛ ɔ́, nyɛ wɛ mɛ énɛ́ dɔn dó aluwɛ mɛ ǎ; lo ɔ́, mi bǐ wɛ; abǐ nú è ma ná dó atɔ́ɔ́n nú jí ǎ ɔ́, mɛ akpá ɖé wɛ è dɔn dó aluwɛ mɛ ɖo mi mɛ.

⁶ Tó e mɛ gěgé ɖo mi mɛ, bó dɔn nú mɛ énɛ́ ɔ́ ko kpé.

⁷ Énɛ́ ɔ́ wú ɔ́, mi gbɔ bo sɔ́ hwɛ kɛ ɛ, bó dó gbɔ n'i, bónú é ma yí jɛ aluwɛ ɖaxó ɖé mɛ, bó ná mɔ ɖɔ nǔ bǐ ko vɔ ó.

⁸ Hǔn, un ɖo byɔ̌byɔ́ mi wɛ ɖɔ mi ní ɖe xlɛ́ ɛ ɖɔ émí yí wǎn n'i.

⁹ Nǔgbó ɔ́, nǔ e wú un wlán wěma sɛ́ dó mi ɔ́ ɖíe: un jló ná tɛ́n mi kpɔ́n, bó ná kpɔ́n ɖɔ mi ɖo gbesisɔ mɛ hwebǐnu, bó ná bló nǔ e un ɖɔ nú mi lɛ́ɛ ají.

¹⁰ Nú mɛɖé wa nǔ nyi do, bónú mi sɔ́ kɛ ɛ ɔ́, nyi lɔ nɔ sɔ́ kɛ ɛ; ɖó ényí un sɔ́ hwɛ kɛ mɛ ɔ́, midɛɛ lɛ́ɛ wú wɛ un sɔ́ kɛ ɛ ɖo Klísu nukɔn,

¹¹ bónú Satáan ní ma kpé mǐ wú ó; nǔgbó ɔ́, mǐ tunwun linlin tɔn lɛ́ɛ ganjí.

¹² ⓔ Hwenu e un wá Tlowasi, bó ná jlá Wɛn Ɖagbe e ɖɔ xó dó Klísu wú é ɔ́, un mɔ ɖɔ Aklúnɔ bló bɔ azɔ̌ ɔ́ sín ali ɖagbe ɖé hun nú mì ɖo fínɛ́.

¹³ É ka ɖo mɔ̌ có wǔ kú mì ɖaxó tlala, ɖó un ko mɔ nɔví mǐtɔn Títu ǎ. Énɛ́ ɔ́ wú wɛ un ɖɔ nú Tlowasinu lɛ́ɛ ɖɔ é yi hweɖénu, bó ɖidó Masedwani.

¹⁴ Lo ɔ́, susu nú Mawu, ɖó é nɔ dɔn mǐ hwebǐnu, bɔ mǐ ɖo gúdo tɔn ɖo ɖuɖéjíhwan e mɛ mǐ ɖo bǔ xá Klísu ɖe ɔ́ mɛ. É nɔ sɔ́ mǐ dó wa azɔ̌ ná, bónú mɛ lɛ́ɛ ná tunwun Klísu gbɔn fí bǐ, célu e wǎn tɔn nɔ gba kpé fí bǐ é ɖɔhun.

¹⁵ Nǔgbó ɔ́, mǐ cí zǎlínkpɔ́n wǎnɖagbenɔ ɖé ɖɔhun, bɔ Klísu zé ná Mawu; mǐ nyǐ zǎlínkpɔ́n wǎnɖagbenɔ nú mɛ e ɖo hwlɛngán sín ali jí lɛ́ɛ é, bó lɛ́ nyí nú mɛ e ɖo bǔbú wɛ lɛ́ɛ é.

¹⁶ Amɔ̌, wǎn e nɔ hu mɛ ɔ́ wɛ mǐ nyí nú mɛ e ɖo bǔbú wɛ lɛ́ɛ, bó ka nyí wǎn e nɔ ná gbɛ mɛ ɔ́ nú mɛ e ɖo hwlɛngán sín ali jí lɛ́ɛ é. Mɛ̌ ka sixú kpé azɔ̌ mɔ̌hunkɔtɔn wú bó wa?

¹⁷ Mǐ cí mɛ tobutóbú e nɔ zé Mawuxó ɔ́ dó wa ajɔ̌ ná lɛ́ɛ ɖɔhun ǎ. É nyɔ́ wa ɔ́, ée é nyí ɖɔ Mawu wɛ sɛ́ mǐ dó ɔ́, mǐ nɔ ɖɔ xó kpódó nǔgbó kpó ɖo nukɔn tɔn azɔ̌watɔ́ Klísu tɔn ɖɔhun.

#	Fongbɛ
1	Énɛ́ ɔ́ wú wɛ, un ɖɔ un kún sɔ́ ná wá mi gɔ́n ó, ɖó un táá lɛ́ dɔn mi dó aluwɛ mɛ.
2	Đó ényí un dɔn mi dó aluwɛ mɛ ɔ́, mɛ̌ ka ná lɛ́ dó xomɛhunhun nú mì? Mi mɛ énɛ́ lɛ́ɛ e un ná ko dɔn dó aluwɛ mɛ lɛ́ɛ kɛ́ɖɛ́ jɛ́n ná nyí!
3	Énɛ́ ɔ́ wú wɛ un wlán wěma sɛ́ dó mi lě e un bló gbɔn é: un jló ná wá mi gɔ́n bónú yě mɛ ɖokpó e ɖó ná dó xomɛhunhun nú mì lɛ́ɛ ná dɔn mì dó aluwɛ mɛ ǎ. Nǔgbó ɔ́, un ɖó gǎnjɛwú ɖɔ hwenu e xomɛ nɔ ɖo hunhun mì wɛ ɔ́, mi lɔmɔ̌ ɔ́, mi bǐ wɛ xomɛ nɔ hun.
4	Nǔgbó wɛ, un wlán wěma sɛ́ dó mi kpódó ayixa gbadó kpó, kpó vǐvɛ́ sise kpó, kpódó avǐ ya ma xwɛ kpán; é ka nyí ɖɔ un ná dó dɔn mi dó aluwɛ mɛ wútu wɛ ǎ; lo ɔ́, nú mi ná dó tunwun lě e un yí wǎn nú mi sɔ é.
5	Ényí é sín mɛɖé wú bɔ è jɛ aluwɛ mɛ ɔ́, nyɛ wɛ mɛ énɛ́ dɔn dó aluwɛ mɛ ǎ; lo ɔ́, mi bǐ wɛ; abǐ nú è ma ná dó atɔ́ɔ́n nú jí ǎ ɔ́, mɛ akpá ɖé wɛ è dɔn dó aluwɛ mɛ ɖo mi mɛ.
6	Tó e mɛ gěgé ɖo mi mɛ, bó dɔn nú mɛ énɛ́ ɔ́ ko kpé.
7	Énɛ́ ɔ́ wú ɔ́, mi gbɔ bo sɔ́ hwɛ kɛ ɛ, bó dó gbɔ n'i, bónú é ma yí jɛ aluwɛ ɖaxó ɖé mɛ, bó ná mɔ ɖɔ nǔ bǐ ko vɔ ó.
8	Hǔn, un ɖo byɔ̌byɔ́ mi wɛ ɖɔ mi ní ɖe xlɛ́ ɛ ɖɔ émí yí wǎn n'i.
9	Nǔgbó ɔ́, nǔ e wú un wlán wěma sɛ́ dó mi ɔ́ ɖíe: un jló ná tɛ́n mi kpɔ́n, bó ná kpɔ́n ɖɔ mi ɖo gbesisɔ mɛ hwebǐnu, bó ná bló nǔ e un ɖɔ nú mi lɛ́ɛ ají.
10	Nú mɛɖé wa nǔ nyi do, bónú mi sɔ́ kɛ ɛ ɔ́, nyi lɔ nɔ sɔ́ kɛ ɛ; ɖó ényí un sɔ́ hwɛ kɛ mɛ ɔ́, midɛɛ lɛ́ɛ wú wɛ un sɔ́ kɛ ɛ ɖo Klísu nukɔn,
11	bónú Satáan ní ma kpé mǐ wú ó; nǔgbó ɔ́, mǐ tunwun linlin tɔn lɛ́ɛ ganjí.
12	ⓔ Hwenu e un wá Tlowasi, bó ná jlá Wɛn Ɖagbe e ɖɔ xó dó Klísu wú é ɔ́, un mɔ ɖɔ Aklúnɔ bló bɔ azɔ̌ ɔ́ sín ali ɖagbe ɖé hun nú mì ɖo fínɛ́.
13	É ka ɖo mɔ̌ có wǔ kú mì ɖaxó tlala, ɖó un ko mɔ nɔví mǐtɔn Títu ǎ. Énɛ́ ɔ́ wú wɛ un ɖɔ nú Tlowasinu lɛ́ɛ ɖɔ é yi hweɖénu, bó ɖidó Masedwani.
14	Lo ɔ́, susu nú Mawu, ɖó é nɔ dɔn mǐ hwebǐnu, bɔ mǐ ɖo gúdo tɔn ɖo ɖuɖéjíhwan e mɛ mǐ ɖo bǔ xá Klísu ɖe ɔ́ mɛ. É nɔ sɔ́ mǐ dó wa azɔ̌ ná, bónú mɛ lɛ́ɛ ná tunwun Klísu gbɔn fí bǐ, célu e wǎn tɔn nɔ gba kpé fí bǐ é ɖɔhun.
15	Nǔgbó ɔ́, mǐ cí zǎlínkpɔ́n wǎnɖagbenɔ ɖé ɖɔhun, bɔ Klísu zé ná Mawu; mǐ nyǐ zǎlínkpɔ́n wǎnɖagbenɔ nú mɛ e ɖo hwlɛngán sín ali jí lɛ́ɛ é, bó lɛ́ nyí nú mɛ e ɖo bǔbú wɛ lɛ́ɛ é.
16	Amɔ̌, wǎn e nɔ hu mɛ ɔ́ wɛ mǐ nyí nú mɛ e ɖo bǔbú wɛ lɛ́ɛ, bó ka nyí wǎn e nɔ ná gbɛ mɛ ɔ́ nú mɛ e ɖo hwlɛngán sín ali jí lɛ́ɛ é. Mɛ̌ ka sixú kpé azɔ̌ mɔ̌hunkɔtɔn wú bó wa?
17	Mǐ cí mɛ tobutóbú e nɔ zé Mawuxó ɔ́ dó wa ajɔ̌ ná lɛ́ɛ ɖɔhun ǎ. É nyɔ́ wa ɔ́, ée é nyí ɖɔ Mawu wɛ sɛ́ mǐ dó ɔ́, mǐ nɔ ɖɔ xó kpódó nǔgbó kpó ɖo nukɔn tɔn azɔ̌watɔ́ Klísu tɔn ɖɔhun.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary