Fon Bible - Deuteronomy 14 (Fongbɛ)

Holy Bible

Search and read the Bible online

Deuteronomy Chapter 14 (Fongbɛ)

Compare with Version:

¹ ⓣ Mɔyízi ɖɔ: Vǐ wɛ mi nyí nú Mawu Mavɔmavɔ, Mawu mitɔn. Énɛ́ wú ɔ́, nú cyɔ kú mi hǔn, mi ma já wǔtu mitɔn ó, mi ma xwlɛ́ ɖa ɖo nukɔn ó.

² ⓤĐó togun ɖé wɛ mi nyí, bó ɖo vo nú Mawu Mavɔmavɔ, Mawu mitɔn. Mi wɛ é sɔ́ ɖo togun e ɖo ayǐkúngban ɔ́ jí lɛ́ɛ bǐ mɛ, bɔ mi vɛ́ n'i hú nǔ bǐ.

³ Mi ɖó ná ɖu nǔ e Mawu Mavɔmavɔ mɔ dó mɔ nǔblíblí é ɖěbǔ ǎ.

⁴ Kanlin e mi ná ɖu lɛ́ɛ sín nyǐkɔ ɖíe: nyibú, gbɔ̌, lɛ̌ngbɔ́,

⁵ hwǐn, tɛ́, lǎ, sógbɔ́, lɛ̌ngbɔ́ gbě tɔn, agbanlín, zungbɔ́,

⁶ kpódó kanlin ɖěvo e sín afɔkpa zɛ, bɔ yě nɔ́ tún nǔ ɖu lɛ́ɛ kpó.

⁷ É ká nyí kanlin e sín afɔkpa zɛ, abǐ kanlin e nɔ tún nǔ ɖu lɛ́ɛ bǐ wɛ mi ná ɖu ǎ; kanlin e mi ná zé dó mɔ nǔblíblí lɛ́ɛ ɖíe: lǎkúnmí, azwi, azwijɔmɔ, kanlin énɛ́ lɛ́ɛ nɔ́ tún nǔ ɖu, lo ɔ́, yě ɖó afɔkpa ǎ.

⁸ Mɔ̌ ɖokpó ɔ́, mi ná ɖu aglǔza ǎ, ɖó afɔkpa tɔn zɛ, éyɛ́ ká nɔ́ tún nǔ ɖu ǎ. Mi ma ɖu kanlin énɛ́ lɛ́ɛ ɖěbǔ ó; mi ma ɖ'alɔ kúkú yětɔn wú lɔ vɔ́vɔ́ ó.

⁹ Kanlin e ɖo tɔ mɛ lɛ́ɛ mɛ ɔ́, mi hɛn ɔ́, mi ná ɖu éé ɖó kɛn bó ɖó zǎ lɛ́ɛ.

¹⁰ Mi ɖó ná ɖu éé má ɖó kɛn ǎ lɛ́ɛ é ǎ, mi ɖó ná ɖu éé má ɖó zǎ ǎ lɛ́ɛ é ǎ; mi mɔ yě dó mɔ nǔblíblí.

¹¹ Mi hɛn ɔ́, mi ná ɖu xɛ e nyí xɛ mímɛ́ lɛ́ɛ.

¹² Xɛ e ka vɛ́ mi lɛ́ɛ sín nyǐkɔ ɖíe: hɔ̌n, gangan, hɔ̌n xu mɛ tɔn,

¹³ gɛ̌nkpákpɛ, aklasú, lanɖuxɛ alɔkpa alɔkpa lɛ́ɛ bǐ,

¹⁴ avǔnsákɔwó,

¹⁵ gowungo, klolwe, aɖɔwé xu mɛ tɔn, gɛ̌n alɔkpa alɔkpa lɛ́ɛ,

¹⁶ agbigbi, sɔ́wáyi, klolwe zonɔ,

¹⁷ avǔnsákɔwó kpɛví kpɛví, lanɖuxɛ, avǔnsákɔwó xu mɛ tɔn,

¹⁸ Tɔxɛ, aɖɔwé alɔkpa alɔkpa lɛ́ɛ, ahlǐnhǎn, afluiflui.

¹⁹ Mi mɔ nǔvínúví e ɖó awa lɛ́ɛ bǐ dó mɔ nǔblíblí; è ɖǒ ná ɖu ǎ.

²⁰ Amɔ̌, mi hɛn ɔ́, mi ná ɖu nǔvínúví e nyí nǔvínúví mímɛ́ lɛ́ɛ bǐ.

²¹ ⓥ Mi ma ɖu kanlin kúkú ó; mi ná jǒnɔ e ɖo to mitɔn mɛ lɛ́ɛ, abǐ mi sa nú mɛ e ɖo to mitɔn mɛ gbɔn dín wɛ lɛ́ɛ. Đó midɛɛ lɛ́ɛ ɔ́, togun Mawu Mavɔmavɔ, Mawu mitɔn tɔn wɛ mi nyí, bó ɖe nú é ɖokpónɔ géé. Mi ma ɖa gbɔ̌ví ɖo nɔ tɔn sín anɔ̌sin mɛ ó.

²² ⓦ Mi ná nɔ́ ɖe nǔ e nyɔ́ ɖo gle mitɔn mɛ lɛ́ɛ bǐ sín mǎɖówǒ xwewú xwewú tɛgbɛ.

²³ Énɛ́ ɔ́ gúdo ɔ́, mi ná bɛ́ nǔ énɛ́ lɛ́ɛ yi Mawu Mavɔmavɔ, Mawu mitɔn sín xwé gbe, fí e é ná sɔ́, bó ná nɔ ɖe susu tɔn xlɛ́ ɖe ɔ́; fínɛ́ ɖokpó ɔ́ wɛ mi ná nɔ ɖu nǔ mitɔn lɛ́ɛ kpó vɛ̌ɛn mitɔn kpó ami kpó sín mǎɖówǒ ɖe; fínɛ́ ɖokpó ɔ́ wɛ mi ná nɔ ɖu nyibú mitɔn lɛ́ɛ kpó gbɔ̌ mitɔn lɛ́ɛ kpó, kpó lɛ̌ngbɔ́ mitɔn lɛ́ɛ kpó sín nukɔngbéví ɖe. Lě e mi ná nɔ́ ɖó sísí nú Mawu Mavɔmavɔ, Mawu mitɔn gbɔn káká sɔ́yi é nɛ́.

²⁴ Ée Mawu Mavɔmavɔ, Mawu mitɔn ná dó dɔkun nú mi, bɔ ji na jɛ nú mi bó túnflá ɔ́, afɔ nyɔ́ ɔ́, mi ná sixú bɛ́ mǎɖówǒ mitɔn lɛ́ɛ bǐ wá fí e Mawu Mavɔmavɔ ná sɔ́, bó ná ɖe susu tɔn xlɛ́ ɖe ɔ́ ǎ, ɖó ali ɔ́ sixú ɖi ga.

²⁵ Ényí nǔ cí mɔ̌ ɔ́, mi ná sa mǎɖówǒ mitɔn lɛ́ɛ, bó ná zé akwɛ́ ɔ́ wá Mawu Mavɔmavɔ, Mawu mitɔn xwé gbe.

²⁶ Mi wá fínɛ́ lo ɔ́, mi ná zé akwɛ́ ɔ́ dó xɔ nǔ e jló mi é ná; mi ná xɔ nyibú, gbɔ̌ abǐ lɛ̌ngbɔ́, vɛ̌ɛn abǐ ahan syɛ́nsyɛ́n ɖěvo lɛ́ɛ, bɔ mi kpó mɛ mitɔn lɛ́ɛ kpó ná ɖu kpó xomɛhunhun kpó ɖo Mawu Mavɔmavɔ nukɔn.

²⁷ Mi ma wɔn Levíi ví e ná ɖo toxo mitɔn lɛ́ɛ mɛ lɛ́ɛ, hwe énɛ́ lɛ́ɛ nu ó; ɖó yě ɖó ayǐkúngban ɖěbǔ ɖo tɛ́ntin mitɔn ǎ.

²⁸ Xwe atɔn mɛ tɛgbɛ ɔ́, mi ná ɖe mǎɖówǒ xwe e mɛ mi ɖe ɔ́ tɔn, bó ná kplé ɖó toxo mitɔn lɛ́ɛ mɛ.

²⁹ Énɛ́ ɔ́, Levíi ví lɛ́ɛ ná nɔ wá ba nǔ e yě ná ɖu lɛ́ɛ ɖo fínɛ́. Đó yědɛɛ lɛ́ɛ ɖó ayǐkúngban ɖě ɖo mi tɛ́ntin ǎ. Mɔ̌ ɖokpó ɔ́, jǒnɔ lɛ́ɛ kpó tɔ́cyɔvǐ lɛ́ɛ kpó asúkúsi lɛ́ɛ kpó lɔmɔ̌ ná mɔ nǔɖuɖu yě lɔmɔ̌ tɔn ɖo fínɛ́. Yě bǐ ná mɔ nǔ bó ɖu bó gɔ́ xo. Énɛ́ ɔ́, Mawu Mavɔmavɔ, Mawu mitɔn ná dó acɛ nǔ e mi ná wa lɛ́ɛ bǐ jí.

#	Fongbɛ
1	ⓣ Mɔyízi ɖɔ: Vǐ wɛ mi nyí nú Mawu Mavɔmavɔ, Mawu mitɔn. Énɛ́ wú ɔ́, nú cyɔ kú mi hǔn, mi ma já wǔtu mitɔn ó, mi ma xwlɛ́ ɖa ɖo nukɔn ó.
2	ⓤĐó togun ɖé wɛ mi nyí, bó ɖo vo nú Mawu Mavɔmavɔ, Mawu mitɔn. Mi wɛ é sɔ́ ɖo togun e ɖo ayǐkúngban ɔ́ jí lɛ́ɛ bǐ mɛ, bɔ mi vɛ́ n'i hú nǔ bǐ.
3	Mi ɖó ná ɖu nǔ e Mawu Mavɔmavɔ mɔ dó mɔ nǔblíblí é ɖěbǔ ǎ.
4	Kanlin e mi ná ɖu lɛ́ɛ sín nyǐkɔ ɖíe: nyibú, gbɔ̌, lɛ̌ngbɔ́,
5	hwǐn, tɛ́, lǎ, sógbɔ́, lɛ̌ngbɔ́ gbě tɔn, agbanlín, zungbɔ́,
6	kpódó kanlin ɖěvo e sín afɔkpa zɛ, bɔ yě nɔ́ tún nǔ ɖu lɛ́ɛ kpó.
7	É ká nyí kanlin e sín afɔkpa zɛ, abǐ kanlin e nɔ tún nǔ ɖu lɛ́ɛ bǐ wɛ mi ná ɖu ǎ; kanlin e mi ná zé dó mɔ nǔblíblí lɛ́ɛ ɖíe: lǎkúnmí, azwi, azwijɔmɔ, kanlin énɛ́ lɛ́ɛ nɔ́ tún nǔ ɖu, lo ɔ́, yě ɖó afɔkpa ǎ.
8	Mɔ̌ ɖokpó ɔ́, mi ná ɖu aglǔza ǎ, ɖó afɔkpa tɔn zɛ, éyɛ́ ká nɔ́ tún nǔ ɖu ǎ. Mi ma ɖu kanlin énɛ́ lɛ́ɛ ɖěbǔ ó; mi ma ɖ'alɔ kúkú yětɔn wú lɔ vɔ́vɔ́ ó.
9	Kanlin e ɖo tɔ mɛ lɛ́ɛ mɛ ɔ́, mi hɛn ɔ́, mi ná ɖu éé ɖó kɛn bó ɖó zǎ lɛ́ɛ.
10	Mi ɖó ná ɖu éé má ɖó kɛn ǎ lɛ́ɛ é ǎ, mi ɖó ná ɖu éé má ɖó zǎ ǎ lɛ́ɛ é ǎ; mi mɔ yě dó mɔ nǔblíblí.
11	Mi hɛn ɔ́, mi ná ɖu xɛ e nyí xɛ mímɛ́ lɛ́ɛ.
12	Xɛ e ka vɛ́ mi lɛ́ɛ sín nyǐkɔ ɖíe: hɔ̌n, gangan, hɔ̌n xu mɛ tɔn,
13	gɛ̌nkpákpɛ, aklasú, lanɖuxɛ alɔkpa alɔkpa lɛ́ɛ bǐ,
14	avǔnsákɔwó,
15	gowungo, klolwe, aɖɔwé xu mɛ tɔn, gɛ̌n alɔkpa alɔkpa lɛ́ɛ,
16	agbigbi, sɔ́wáyi, klolwe zonɔ,
17	avǔnsákɔwó kpɛví kpɛví, lanɖuxɛ, avǔnsákɔwó xu mɛ tɔn,
18	Tɔxɛ, aɖɔwé alɔkpa alɔkpa lɛ́ɛ, ahlǐnhǎn, afluiflui.
19	Mi mɔ nǔvínúví e ɖó awa lɛ́ɛ bǐ dó mɔ nǔblíblí; è ɖǒ ná ɖu ǎ.
20	Amɔ̌, mi hɛn ɔ́, mi ná ɖu nǔvínúví e nyí nǔvínúví mímɛ́ lɛ́ɛ bǐ.
21	ⓥ Mi ma ɖu kanlin kúkú ó; mi ná jǒnɔ e ɖo to mitɔn mɛ lɛ́ɛ, abǐ mi sa nú mɛ e ɖo to mitɔn mɛ gbɔn dín wɛ lɛ́ɛ. Đó midɛɛ lɛ́ɛ ɔ́, togun Mawu Mavɔmavɔ, Mawu mitɔn tɔn wɛ mi nyí, bó ɖe nú é ɖokpónɔ géé. Mi ma ɖa gbɔ̌ví ɖo nɔ tɔn sín anɔ̌sin mɛ ó.
22	ⓦ Mi ná nɔ́ ɖe nǔ e nyɔ́ ɖo gle mitɔn mɛ lɛ́ɛ bǐ sín mǎɖówǒ xwewú xwewú tɛgbɛ.
23	Énɛ́ ɔ́ gúdo ɔ́, mi ná bɛ́ nǔ énɛ́ lɛ́ɛ yi Mawu Mavɔmavɔ, Mawu mitɔn sín xwé gbe, fí e é ná sɔ́, bó ná nɔ ɖe susu tɔn xlɛ́ ɖe ɔ́; fínɛ́ ɖokpó ɔ́ wɛ mi ná nɔ ɖu nǔ mitɔn lɛ́ɛ kpó vɛ̌ɛn mitɔn kpó ami kpó sín mǎɖówǒ ɖe; fínɛ́ ɖokpó ɔ́ wɛ mi ná nɔ ɖu nyibú mitɔn lɛ́ɛ kpó gbɔ̌ mitɔn lɛ́ɛ kpó, kpó lɛ̌ngbɔ́ mitɔn lɛ́ɛ kpó sín nukɔngbéví ɖe. Lě e mi ná nɔ́ ɖó sísí nú Mawu Mavɔmavɔ, Mawu mitɔn gbɔn káká sɔ́yi é nɛ́.
24	Ée Mawu Mavɔmavɔ, Mawu mitɔn ná dó dɔkun nú mi, bɔ ji na jɛ nú mi bó túnflá ɔ́, afɔ nyɔ́ ɔ́, mi ná sixú bɛ́ mǎɖówǒ mitɔn lɛ́ɛ bǐ wá fí e Mawu Mavɔmavɔ ná sɔ́, bó ná ɖe susu tɔn xlɛ́ ɖe ɔ́ ǎ, ɖó ali ɔ́ sixú ɖi ga.
25	Ényí nǔ cí mɔ̌ ɔ́, mi ná sa mǎɖówǒ mitɔn lɛ́ɛ, bó ná zé akwɛ́ ɔ́ wá Mawu Mavɔmavɔ, Mawu mitɔn xwé gbe.
26	Mi wá fínɛ́ lo ɔ́, mi ná zé akwɛ́ ɔ́ dó xɔ nǔ e jló mi é ná; mi ná xɔ nyibú, gbɔ̌ abǐ lɛ̌ngbɔ́, vɛ̌ɛn abǐ ahan syɛ́nsyɛ́n ɖěvo lɛ́ɛ, bɔ mi kpó mɛ mitɔn lɛ́ɛ kpó ná ɖu kpó xomɛhunhun kpó ɖo Mawu Mavɔmavɔ nukɔn.
27	Mi ma wɔn Levíi ví e ná ɖo toxo mitɔn lɛ́ɛ mɛ lɛ́ɛ, hwe énɛ́ lɛ́ɛ nu ó; ɖó yě ɖó ayǐkúngban ɖěbǔ ɖo tɛ́ntin mitɔn ǎ.
28	Xwe atɔn mɛ tɛgbɛ ɔ́, mi ná ɖe mǎɖówǒ xwe e mɛ mi ɖe ɔ́ tɔn, bó ná kplé ɖó toxo mitɔn lɛ́ɛ mɛ.
29	Énɛ́ ɔ́, Levíi ví lɛ́ɛ ná nɔ wá ba nǔ e yě ná ɖu lɛ́ɛ ɖo fínɛ́. Đó yědɛɛ lɛ́ɛ ɖó ayǐkúngban ɖě ɖo mi tɛ́ntin ǎ. Mɔ̌ ɖokpó ɔ́, jǒnɔ lɛ́ɛ kpó tɔ́cyɔvǐ lɛ́ɛ kpó asúkúsi lɛ́ɛ kpó lɔmɔ̌ ná mɔ nǔɖuɖu yě lɔmɔ̌ tɔn ɖo fínɛ́. Yě bǐ ná mɔ nǔ bó ɖu bó gɔ́ xo. Énɛ́ ɔ́, Mawu Mavɔmavɔ, Mawu mitɔn ná dó acɛ nǔ e mi ná wa lɛ́ɛ bǐ jí.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary