Fon Bible - Titus 3 (Fongbɛ)

Titus Chapter 3 (Fongbɛ)

Compare with Version:

Philemon

¹ A nǎ nɔ́ flín mɛ lɛ́ɛ bǐ ɖɔ yě ɖó ná nɔ́ hwíhwɛ́ yěɖée dó gǎn lɛ́ɛ kpódó acɛkpikpa lɛ́ɛ kpán glɔ́; a nǎ flín yě ɖɔ yě ɖó ná nɔ sí yě, bó ná ɖo gbesisɔ mɛ nú nǔ ɖagbe wiwa bǐ.

² Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

³ Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

⁴ Lo ɔ́, hwenu e Mawu Mɛhwlɛ́ngántɔ́ mǐtɔn ɖe xomɛnyínyɔ́ tɔn kpó wǎn yíyí tɔn kpó xlɛ́ gbɛtɔ́ lɛ́ɛ ɔ́,

⁵ é hwlɛ́n mǐ gán, é ka nyí ɖɔ mǐ wa nǔ jlɔ́jlɔ́ wútu wɛ é hwlɛ́n mǐ gán ǎ; lo ɔ́, nǔ mǐtɔn wɛ blá wǔ n'i. É hwlɛ́n mǐ gán, bó lɛ mǐ wé; mɛlɛwé énɛ́ ɔ́ mɛ wɛ Yɛsinsɛn nɔ ná lɛ̌vɔ́jɔ kpó gbɛ yɔ̌yɔ́ kpán mǐ ɖe.

⁶ Mawu gbɔn Mɛhwlɛ́ngántɔ́ mǐtɔn Jezu Klísu jí, bó kɔn Yɛsinsɛn tɔn dó mǐ jí bɔ é túnflá,

⁷ bónú gbɔn fɛ́nú Yɛsinsɛn ɔ́ tɔn mɛ ɔ́, mǐ ná sixú húzú hwɛjijɔnɔ ɖo Mawu nukɔn, bó ná sixú mɔ gbɛ mavɔ mavɔ e ɖó nukún wɛ mǐ ɖe ɔ́ yí.

⁸ Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

⁹ Amɔ̌, hɔn nú nǔdindɔn e nɔ hwɛ́n xlonɔ xó lɛ́ɛ, bó hɔn nú kanfifɔ magbokɔ lɛ́ɛ, bó nɔ hɔn nú jlɛɖiɖɔ kpódó adɔndindɔn dó sɛ́n lɛ́ɛ jí kpán. Nǔ énɛ́ lɛ́ɛ ɔ́, yě nyí nǔɖéwanú ǎ; nǔ nyanya wɛ yě nyí.

¹⁰ Ényí mɛɖé ɖo kíjá dó mɛ mɛ wɛ hǔn, gbɛ̌ nǔ n'i azɔn nukɔntɔn ɔ́, gbɛ́ n'i azɔn wegɔ́ ɔ́; é kpo ɖ'é wú jɛ́n wɛ hǔn, nɔ zɔ n'i.

¹¹ Đó a tunwun ganjí ɖɔ mɛ mɔ̌hunkɔtɔn ɔ́, é ko lɛ́ kɔ sín ali jlɔ́jlɔ́ ɔ́ jí, bɔ hwɛ e hu wɛ é ɖe lɛ́ɛ ko ɖe xlɛ́ ɖɔ ali bú wɛ é ɖe.

¹² ⓓ Hwenu e un ná sɛ́ Aatemási abǐ Ticíku dó we ɔ́, tɛ́nkpɔ́n bó wá mɔ mǐ ɖo Nikopolísi, ɖó fínɛ́ wɛ un ɖɔ un ná nɔ avivɔ hwenu.

¹³ ⓔ A nǎ gɔ́ alɔ nú Zenasi ɖɛ̌mɛnu ɔ́, kpó Apolosu kpó, nú yě ná dó sixú yi to e mɛ yě xwe ɔ́; blǒ bónú nǔɖé ní ma hwedó yě ó.

¹⁴ Mɛ mǐtɔn lɛ́ɛ lɔmɔ̌ ní kplɔ́n nǔ ɖagbe wiwa, bó nɔ wa hwebǐnu, bó ná nɔ́ sixú mɔ nǔ e ɖo tají lɛ́ɛ, bó ma zán gbɛ yětɔn dó wǔvɔ́ ó.

¹⁵ Mɛ e kpó nyɛ kpó ɖo kpɔ́ lɛ́ɛ bǐ dó gbe sɛ́ dó we. Dǒ gbe nú xɔ́ntɔn mǐtɔn ɖo nǔɖiɖi mɛ lɛ́ɛ. Fɛ́nú Mawu tɔn ní nɔ kpɔ́ xá mi bǐ.

#	Fongbɛ
1	A nǎ nɔ́ flín mɛ lɛ́ɛ bǐ ɖɔ yě ɖó ná nɔ́ hwíhwɛ́ yěɖée dó gǎn lɛ́ɛ kpódó acɛkpikpa lɛ́ɛ kpán glɔ́; a nǎ flín yě ɖɔ yě ɖó ná nɔ sí yě, bó ná ɖo gbesisɔ mɛ nú nǔ ɖagbe wiwa bǐ.
2	Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.
3	Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.
4	Lo ɔ́, hwenu e Mawu Mɛhwlɛ́ngántɔ́ mǐtɔn ɖe xomɛnyínyɔ́ tɔn kpó wǎn yíyí tɔn kpó xlɛ́ gbɛtɔ́ lɛ́ɛ ɔ́,
5	é hwlɛ́n mǐ gán, é ka nyí ɖɔ mǐ wa nǔ jlɔ́jlɔ́ wútu wɛ é hwlɛ́n mǐ gán ǎ; lo ɔ́, nǔ mǐtɔn wɛ blá wǔ n'i. É hwlɛ́n mǐ gán, bó lɛ mǐ wé; mɛlɛwé énɛ́ ɔ́ mɛ wɛ Yɛsinsɛn nɔ ná lɛ̌vɔ́jɔ kpó gbɛ yɔ̌yɔ́ kpán mǐ ɖe.
6	Mawu gbɔn Mɛhwlɛ́ngántɔ́ mǐtɔn Jezu Klísu jí, bó kɔn Yɛsinsɛn tɔn dó mǐ jí bɔ é túnflá,
7	bónú gbɔn fɛ́nú Yɛsinsɛn ɔ́ tɔn mɛ ɔ́, mǐ ná sixú húzú hwɛjijɔnɔ ɖo Mawu nukɔn, bó ná sixú mɔ gbɛ mavɔ mavɔ e ɖó nukún wɛ mǐ ɖe ɔ́ yí.
8	Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.
9	Amɔ̌, hɔn nú nǔdindɔn e nɔ hwɛ́n xlonɔ xó lɛ́ɛ, bó hɔn nú kanfifɔ magbokɔ lɛ́ɛ, bó nɔ hɔn nú jlɛɖiɖɔ kpódó adɔndindɔn dó sɛ́n lɛ́ɛ jí kpán. Nǔ énɛ́ lɛ́ɛ ɔ́, yě nyí nǔɖéwanú ǎ; nǔ nyanya wɛ yě nyí.
10	Ényí mɛɖé ɖo kíjá dó mɛ mɛ wɛ hǔn, gbɛ̌ nǔ n'i azɔn nukɔntɔn ɔ́, gbɛ́ n'i azɔn wegɔ́ ɔ́; é kpo ɖ'é wú jɛ́n wɛ hǔn, nɔ zɔ n'i.
11	Đó a tunwun ganjí ɖɔ mɛ mɔ̌hunkɔtɔn ɔ́, é ko lɛ́ kɔ sín ali jlɔ́jlɔ́ ɔ́ jí, bɔ hwɛ e hu wɛ é ɖe lɛ́ɛ ko ɖe xlɛ́ ɖɔ ali bú wɛ é ɖe.
12	ⓓ Hwenu e un ná sɛ́ Aatemási abǐ Ticíku dó we ɔ́, tɛ́nkpɔ́n bó wá mɔ mǐ ɖo Nikopolísi, ɖó fínɛ́ wɛ un ɖɔ un ná nɔ avivɔ hwenu.
13	ⓔ A nǎ gɔ́ alɔ nú Zenasi ɖɛ̌mɛnu ɔ́, kpó Apolosu kpó, nú yě ná dó sixú yi to e mɛ yě xwe ɔ́; blǒ bónú nǔɖé ní ma hwedó yě ó.
14	Mɛ mǐtɔn lɛ́ɛ lɔmɔ̌ ní kplɔ́n nǔ ɖagbe wiwa, bó nɔ wa hwebǐnu, bó ná nɔ́ sixú mɔ nǔ e ɖo tají lɛ́ɛ, bó ma zán gbɛ yětɔn dó wǔvɔ́ ó.
15	Mɛ e kpó nyɛ kpó ɖo kpɔ́ lɛ́ɛ bǐ dó gbe sɛ́ dó we. Dǒ gbe nú xɔ́ntɔn mǐtɔn ɖo nǔɖiɖi mɛ lɛ́ɛ. Fɛ́nú Mawu tɔn ní nɔ kpɔ́ xá mi bǐ.

Footnotes & Cross-References

No footnotes for this chapter.

No cross-references for this chapter.

Previous Chapter

Philemon

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary