Fon Bible - Revelation 20 (Fongbɛ)

Revelation Chapter 20 (Fongbɛ)

Compare with Version:

¹ Énɛ́ ɔ́ gúdo ɔ́, un mɔ wɛnsagun ɖé ɖo te jɛ sín jǐxwé wɛ; wɛnsagun ɔ́ hɛn domaɖó-azan ɔ́ sín cávi kpó wlɔ ɖaxó ɖé kpó alɔnu.

² ⓠ É wlí Dlagɔ́ɔn ɔ́; dan xóxó e nyí awǒvi abǐ Satáan é; é zé wlɔ ɔ́ dó blá ɛ ná nú xwe afatɔ́n (1.000).

³ Wɛnsagun ɔ́ zé e nyi dó domaɖó-azan ɔ́ mɛ, bó sú, lobo ɖó wuntun, bónú Dlagɔ́ɔn ɔ́ ma sɔ́ dɔn to lɛ́ɛ ɖě yi bú ó, káká bónú xwe afatɔ́n (1.000) lɛ́ɛ ná wá yi. Énɛ́ ɔ́ gúdo ɔ́, è ɖǒ ná ɖe e nyi te nú hwenu kpɛɖé.

⁴ ⓡ Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

⁵ Mɛkúkú ɖě lɛ́ɛ fɔ́n wá gbɛ cóbɔ xwe afatɔ́n (1.000) lɛ́ɛ wá yi ǎ. Mɛkúkú lɛ́ɛ sín fínfɔ́n nukɔn nukɔntɔn ɔ́ nɛ́.

⁶ Mɛ e ɖó mǐmá ɖo fínfɔ́n sín kú nukɔn nukɔntɔn énɛ́ ɔ́ mɛ lɛ́ɛ ɔ́, nǔ nyɔ́ nú yě; mɛɖeɖóvo Mawu tɔn wɛ yě nyí; kú wegɔ́ ɔ́ ɖó acɛ ɖo yě jí ǎ; yě ná nyí vɔ̌sánú-xwlémawutɔ́ nú Mawu kpó Klísu kpó, bó ná ɖu axɔ́sú xá Klísu nú xwe afatɔ́n (1.000).

⁷ Hwenu e xwe afatɔ́n (1.000) lɛ́ɛ ná wá yi ɔ́, è nǎ ɖe Satáan sín gankpá mɛ,

⁸ ⓢbɔ é ná yi flú to e gba kpé wɛ̌kɛ́zo ɛnɛ lɛ́ɛ mɛ é; to lɛ́ɛ wɛ nyí Gɔgu kpó Magɔ́gi kpó[10]. É ná kplé yě, bɔ yě ná fun ahwan, bó ná sukpɔ́ nyɛ̌kɛ́n e ɖo xutó é ɖɔhun.

⁹ Yě ɖíe gba kpé ayǐkúngban ɔ́ bǐ jí jǎwe e; yě xá mɛɖeɖóvo Mawu tɔn lɛ́ɛ sín ahwankpá ɔ́ bó xá toxo e Mawu yí wǎn ná é. Lo ɔ́ myɔ jɛ te sín jǐnukúnsin bó fyɔ́ yě.

¹⁰ Hwenɛ́nu ɔ́, è zě awǒvi e ɖo yě flú wɛ ɔ́ nyi dó myɔ togotogo e mɛ hwemí ɖo jiji ɖe wɛ ɔ́ mɛ; myɔ énɛ́ mɛ wɛ è ko zé kanlin ɔ́ kpó gbeyíɖɔnyíjɛtɔ́ ɔ́ kpó nyi; yě ná ɖo ya ɖaxó ɖé ji wɛ zǎn kéze káká sɔ́yi.

¹¹ ⓣ Énɛ́ ɔ́ gúdo ɔ́, un mɔ axɔ́súzinkpo ɖaxó wěwé ɖé kpó mɛ e ɖo ayǐjínjɔ́n ɖ'é jí ɔ́ kpó. Ayǐkúngban kpó jǐnukúnsin kpó hɔn sín nukɔn tɔn, bɔ é sɔ́ mɔ yě ǎ.

¹² Un mɔ mɛkúkú lɛ́ɛ, mɛxó kpó yɔkpɔ́vú kpó ɖo te ɖo axɔ́súzinkpo ɔ́ nukɔn, bó lɛ́ hun wěma ɖé lɛ́ɛ. È lɛ̌ hun wěma ɖěvo; wěma e mɛ è wlǎn mɛ e ɖo gbɛ lɛ́ɛ sín nyǐkɔ dó ɔ́ wɛ. Mɛkúkú lɛ́ɛ ɔ́, è ɖɔ hwɛ xá yě bɔ é sɔgbe xá nǔ e yě wa bɔ è wlǎn dó wěma lɛ́ɛ mɛ é.

¹³ Mɛkúkú e ɖo xu mɛ lɛ́ɛ ɔ́, xu jó yě. Kú kpó kútomɛ kpó lɔmɔ̌ jó mɛkúkú e yě hɛn lɛ́ɛ, bɔ è ɖɔ hwɛ xá mɛkúkú énɛ́ lɛ́ɛ bǐ bɔ é sɔgbe xá nǔ e yě wa é.

¹⁴ È bɛ̌ kú kpó kútomɛ kpó nyi myɔ togotogo ɔ́ mɛ; kú wegɔ́ ɔ́ nɛ́.

¹⁵ Mɛ ɖěbǔ e sín nyǐkɔ è ma ko wlán dó gbɛwéma ɔ́ mɛ ɖ'ayǐ ǎ ɔ́, è sɔ́ ɛ nyi myɔ togotogo ɔ́ mɛ.

#	Fongbɛ
1	Énɛ́ ɔ́ gúdo ɔ́, un mɔ wɛnsagun ɖé ɖo te jɛ sín jǐxwé wɛ; wɛnsagun ɔ́ hɛn domaɖó-azan ɔ́ sín cávi kpó wlɔ ɖaxó ɖé kpó alɔnu.
2	ⓠ É wlí Dlagɔ́ɔn ɔ́; dan xóxó e nyí awǒvi abǐ Satáan é; é zé wlɔ ɔ́ dó blá ɛ ná nú xwe afatɔ́n (1.000).
3	Wɛnsagun ɔ́ zé e nyi dó domaɖó-azan ɔ́ mɛ, bó sú, lobo ɖó wuntun, bónú Dlagɔ́ɔn ɔ́ ma sɔ́ dɔn to lɛ́ɛ ɖě yi bú ó, káká bónú xwe afatɔ́n (1.000) lɛ́ɛ ná wá yi. Énɛ́ ɔ́ gúdo ɔ́, è ɖǒ ná ɖe e nyi te nú hwenu kpɛɖé.
4	ⓡ Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).
5	Mɛkúkú ɖě lɛ́ɛ fɔ́n wá gbɛ cóbɔ xwe afatɔ́n (1.000) lɛ́ɛ wá yi ǎ. Mɛkúkú lɛ́ɛ sín fínfɔ́n nukɔn nukɔntɔn ɔ́ nɛ́.
6	Mɛ e ɖó mǐmá ɖo fínfɔ́n sín kú nukɔn nukɔntɔn énɛ́ ɔ́ mɛ lɛ́ɛ ɔ́, nǔ nyɔ́ nú yě; mɛɖeɖóvo Mawu tɔn wɛ yě nyí; kú wegɔ́ ɔ́ ɖó acɛ ɖo yě jí ǎ; yě ná nyí vɔ̌sánú-xwlémawutɔ́ nú Mawu kpó Klísu kpó, bó ná ɖu axɔ́sú xá Klísu nú xwe afatɔ́n (1.000).
7	Hwenu e xwe afatɔ́n (1.000) lɛ́ɛ ná wá yi ɔ́, è nǎ ɖe Satáan sín gankpá mɛ,
8	ⓢbɔ é ná yi flú to e gba kpé wɛ̌kɛ́zo ɛnɛ lɛ́ɛ mɛ é; to lɛ́ɛ wɛ nyí Gɔgu kpó Magɔ́gi kpó[10]. É ná kplé yě, bɔ yě ná fun ahwan, bó ná sukpɔ́ nyɛ̌kɛ́n e ɖo xutó é ɖɔhun.
9	Yě ɖíe gba kpé ayǐkúngban ɔ́ bǐ jí jǎwe e; yě xá mɛɖeɖóvo Mawu tɔn lɛ́ɛ sín ahwankpá ɔ́ bó xá toxo e Mawu yí wǎn ná é. Lo ɔ́ myɔ jɛ te sín jǐnukúnsin bó fyɔ́ yě.
10	Hwenɛ́nu ɔ́, è zě awǒvi e ɖo yě flú wɛ ɔ́ nyi dó myɔ togotogo e mɛ hwemí ɖo jiji ɖe wɛ ɔ́ mɛ; myɔ énɛ́ mɛ wɛ è ko zé kanlin ɔ́ kpó gbeyíɖɔnyíjɛtɔ́ ɔ́ kpó nyi; yě ná ɖo ya ɖaxó ɖé ji wɛ zǎn kéze káká sɔ́yi.
11	ⓣ Énɛ́ ɔ́ gúdo ɔ́, un mɔ axɔ́súzinkpo ɖaxó wěwé ɖé kpó mɛ e ɖo ayǐjínjɔ́n ɖ'é jí ɔ́ kpó. Ayǐkúngban kpó jǐnukúnsin kpó hɔn sín nukɔn tɔn, bɔ é sɔ́ mɔ yě ǎ.
12	Un mɔ mɛkúkú lɛ́ɛ, mɛxó kpó yɔkpɔ́vú kpó ɖo te ɖo axɔ́súzinkpo ɔ́ nukɔn, bó lɛ́ hun wěma ɖé lɛ́ɛ. È lɛ̌ hun wěma ɖěvo; wěma e mɛ è wlǎn mɛ e ɖo gbɛ lɛ́ɛ sín nyǐkɔ dó ɔ́ wɛ. Mɛkúkú lɛ́ɛ ɔ́, è ɖɔ hwɛ xá yě bɔ é sɔgbe xá nǔ e yě wa bɔ è wlǎn dó wěma lɛ́ɛ mɛ é.
13	Mɛkúkú e ɖo xu mɛ lɛ́ɛ ɔ́, xu jó yě. Kú kpó kútomɛ kpó lɔmɔ̌ jó mɛkúkú e yě hɛn lɛ́ɛ, bɔ è ɖɔ hwɛ xá mɛkúkú énɛ́ lɛ́ɛ bǐ bɔ é sɔgbe xá nǔ e yě wa é.
14	È bɛ̌ kú kpó kútomɛ kpó nyi myɔ togotogo ɔ́ mɛ; kú wegɔ́ ɔ́ nɛ́.
15	Mɛ ɖěbǔ e sín nyǐkɔ è ma ko wlán dó gbɛwéma ɔ́ mɛ ɖ'ayǐ ǎ ɔ́, è sɔ́ ɛ nyi myɔ togotogo ɔ́ mɛ.

Footnotes & Cross-References

No footnotes for this chapter.

No cross-references for this chapter.

Previous Chapter

Next Chapter

Holy Bible

Verse

Commentary

Strongs

Cross References

Dictionary

Sermon

My Annotation

Holy Bible

Footnotes

References

Verse

Commentary

Strongs

Cross References

Dictionary

Sermon

My Annotation

Add Annotation

Sermon

Select Commentary